John 1:9 - Chishemanituu Utayimuwin: Kaa Uskaach Testament

⁹ Uu waashtewin chii pechi takushinuu utah aschiihch misiwe aweyuuh chechii waashtenamuwaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᐆ ᐙᔥᑌᐎᓐ ᒌ ᐯᒋ ᑕᑯᔑᓅ ᐅᑕᐦ ᐊᔅᒌᐦᒡ ᒥᓯᐌ ᐊᐌᔫᐦ ᒉᒌ ᐙᔥᑌᓇᒧᐙᑦ᙮

John 1:9 Iomraidhean Croise

Matthew 6:23

Ekw maak ekaa miywaauche chischiishikw, tekash kata ukaashteyaau chiiyuuhch. Ekw maak ekaa ihtakuhche waashtewin anite chiiyuuhch, taapwe kiipaa nuwach ukaashteyaau.”

Luke 11:36

Awen maak tekash wiyaashtuwekwe ekaa mitun ayaakwe wanitipiskusiiwiniyuu upimaatisiiwinihch, taapwe mitun tekash kata waashtuweu, muyaam kaa chii ishinaakusit awen waashtenamaakaniyuu e chihkaashukut.”

John 1:4

Wiya e ihtaat uhchipayuu pimaatisiiwiniyuu, pimaatisiiwinihch maak ekut kaa uhchi waapahtahkwaau awenichii waashtewiniyuu.

John 1:7

Uu maak John chii pechi takushinuu chechii tipaatutahk waashtewiniyuu ekw maak misiwe aweyuu pehtamiyichenh uyuu miywaachimuwiniyuu chechii taapwehtamiyich.

John 12:46

Nichii takushin utah aschiihch chechii miiweyaan waashtewin. Ekw maak an awen che pechi taapweyimikwe namui chika uhchi ihtaau anite wanitipiskusiiwinihch.

John 14:6

Jesus chii nishkweushiheu e itaat, “Niya eukw meskanuu kaye taapwewin kaye pimaatisiiwin, namui awen chika chii naateu Uhtaawiimaau mikw niya uhchi.

John 15:1

Jesus chii iteu uchischinuhamuwaakanh, “Niya eukw chihchiwe shuuminaahtikw ekw Nuuhtaawii chihchiwe kaa nihtaauchihchet.

John 6:32

Jesus kaa nishkweushihaat e itaat, “Kuiskw chiwiihtamaatinaawaau, aniyuu aaihkunaau Moses kaa miitaakw namui anite kihchikiishikuhch uhchi uhchipayuuh. Chishemanituu, Nuuhtaawii eukw an maayitaakw aniyuu chihchiwe aaihkunaau kihchikiishikuhch kaa uhchipayihch.

John 7:12

Mihchetu maak aweyuu chii ayimitutaakuu anit kaa ihtaayich. Pasch e itweyich, “Naashch taapwe miyeyihtaakusuu uu naapeu.” Ekw kutak e itweyich, “Namui miyeyihtaakusuu, wiyeshimeu aweyuuh.”

1 John 1:8

Chiishpin itweyihkwe ekaa nihtaa machituutamukw, chiwiyeshimitisunaanuu, kaye namui chichischeyihtenaanuu taapwewin.

1 John 2:8

Mikw maak yaapach e uskaach iteyihtaakun uu kaa ishi aayimuutamaatakuch. Christ chii nuukuhtaau e taapwemakaniyich. Kaye chiyawaau maak chinuukuhtaanaawaau e taapwemakahch. Wanitipiskusiiwin miyaaupayuu, ekw an chihchiwe waashtewin shaash chihkaashteu.

1 John 5:20

Chichischeyihtenaanuu Chishemanituu Ukusisa e chii pechi takushiniyich utah aschiihch, chechii chiskutamaatahkw chechii chischeyimahkw aniyuu chihchiwe Chishemanituwiyich. Chiwiichewaanuu an taapwe Cheshemanituut e wiicheumahk Ukusisa Jesus Christ. Eukw uu taapwe Cheshemanituut, an kaa miiwet kaachiche pimaatisiiwiniyuu.