John 1:5 - Chishemanituu Utayimuwin: Kaa Uskaach Testament

⁵ An waashtewin chihkaashteu anite wanitipiskusiiwinihch, wanitipiskusiiwin maak namui chii aashtuweham aniyuu waashtewiniyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᐊᓐ ᐙᔥᑌᐎᓐ ᒋᐦᑳᔥᑌᐤ ᐊᓂᑌ ᐗᓂᑎᐱᔅᑯᓰᐎᓂᐦᒡ, ᐗᓂᑎᐱᔅᑯᓰᐎᓐ ᒫᒃ ᓇᒧᐃ ᒌ ᐋᔥᑐᐌᐦᐊᒻ ᐊᓂᔫ ᐙᔥᑌᐎᓂᔫ᙮

John 1:5 Iomraidhean Croise

Matthew 5:15

Namui awen akunaham waashtenamaakaniyuu e chii saskahahk. Nehpemashtaau aniyuu waashtenamaakaniyuu ekw maak misiwe awen wiyaashtenamaakut anit waaskaahiikanihch kaa ihtaat.

John 1:10

Utah aschiihch chii ihtaau Ayimuwin. Aat wiya e chii ushihtaat uyuu aschiiyuu yaapach namui uhchi chischeyimikuu aweyuu iskutak kaa takushinit.

ᐊᐸᔅᑕᓚᒡ 26:18

Chititishahutin anite e ihtaatwaau chechii nisituhtamihiitwaau taan e ishinaakuniyikwaauh upimaatisiiwinawaauh. Chischeyihtahkwaawenich maak ekw che nakatahkwaau wanitipiskusiiwiniyuu ekw waashtewiniyuu che naatahkwaau. Kaye maak che nakatamuwaatwaau machimanituu usuuhkaatisiiwiniyuu teyakuch Chishemanituuh usuuhkaatisiiwiniyuu chechii naatamuwaatwaau. Ekw maak taapweyimitwaawenich che wepeyihtamuwaakanuutwaau umachihtwaawinawaauh. Ekw maak che masinaasutwaau kaye wiyawaau anite mesinaasuyich Chishemanituu utiimiih aniyuuh kaa wiyaapamaat.’ ”

Romans 1:28

Ekaa aapateyihtahkwaau awenichii taan aniyuuh kuiskw chipaa ishi chischeyimeuch Chishemanituuh kaye ekaa wii piskaataatwaau upimaatisiiwiniwaahch ekw kaa ihtuutaakutwaau naashch ekaa chechii kuiskunaakuniyich taan e iteyihtahkwaau chechii ihtitwaau. Ekw maak e ihtuutahkwaau aniyuuh chekwaayuu ekaa chipaa uhchi ihtuutamuch.

1 Corinthians 2:14

An awen ekaa kaa ayaawaat Chishemanituuh Utahchaahkuyuu, namui katachii utinam aniyuuh miiwewinh taan e ishi miiweyich Chishemanituuh Utahchaahkuyuuh. Uu awen namui taapwe nisituhtam chekwaayuuh uyuuh, namui wiyesh itaapatanh iteyihtam. Wesh mikw anichii Payehchi Ahchaahkwa kaa ayaawaatwaau kata chii nisituhtamuch taan e ishi chihchiwe iteyihtaakuniyikwaauh uyuuh miiwewinh.