John 1:44 - Chishemanituu Utayimuwin: Kaa Uskaach Testament

⁴⁴ Philip maak anite Bethsaida chii uhchiyuu anite aniyuu ihtaawiniyuu Andrew ekw maak Peter kaa uhchiitwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁴ ᕕᓕᑉ ᒫᒃ ᐊᓂᑌ ᐯᑦᓭᐃᑕ ᒌ ᐅᐦᒋᔫ ᐊᓂᑌ ᐊᓂᔫ ᐃᐦᑖᐎᓂᔫ ᐊᓐᑕᕈ ᐁᒄ ᒫᒃ ᐲᑕᕐ ᑳ ᐅᐦᒌᑣᐤ᙮

John 1:44 Iomraidhean Croise

Matthew 10:3

Philip, ekw maak Bartholomew, Thomas, ekw maak Matthew, an kaa chii maamuushtinahk Chisheuchimaau shuuliyaayuu, ekw maak James, Alphaeus ukusisa, ekw maak Thaddaeus,

Matthew 11:21

“Chiyawaau kaa ihtaayekw anit ihtaawinihch Chorazin kaa ishinihkaatech nuwach chika machipayinaawaau, kaye chiyawaau Bethsaida kaa ihtaayekw eukun mwehch che ishi machipayekw kaye chiyawaau. Wesh aniyuu maamishkaach chekwaayuu kaa ishi ihtuutamaakuyekw chii ihtuutaakanuwaakupanenh anite weshkach Tyre kaye Sidon kaa ishinihkaatekwaauh ihtaawinh shaash weshkach chipaa kweskaatisiyuuch wiyawaau anichii iinuuch. Ekw maak e wii nuukuhtaatwaau e ishpish mihchiiwesitwaau umachihtwaawinawaauh chipaa piskweyekapuuch e kaawekaniyikwaau machunisha, anite maak ishkwaaschisehch chipaa apuuch.

Mark 3:18

Ekw miin uyuuh kaa wiyaapamaat, Andrew, Philip, Bartholomew, Matthew, Thomas, ekw maak James. Uu maak James, Alphaeus chii ishinihkaasuyuuh uhtaawii. Thaddaeus chii ishinihkaasuu miin kaa wiyaapamaakanuut, ekw miin kutak Simon kaa ayimihewaatisiit kaa ishinihkaataakanuut,

Mark 6:45

Jesus maak tiiwehch chii itashuwaateu uchischinuhamuwaakanh chechii puusiyich, niikaan chechii isichimeyich nete aniyuu ihtaawiniyuu akaamihch kaa ihtakuniyich, Bethsaida kaa ishinihkaateyich. Ekut kaa ihtaat wiya, kaa itaat aniyuuh iinuuh anit kaa ihtaayich chechii chiiweyich.

Mark 8:22

Iskutak wetihtahkwaau Bethsaida chii ihtaauch awenichii e peshuwaatwaau naapeu ekaa waapahtamiyich. Naashch chii nitaweyimeuch Jesus chechii saaminaayich aniyuuh naapeu.

Luke 10:13

Ekw Jesus kaa itwet, “Chiyawaau kaa ihtaayekw anit ihtaawinihch Chorazin kaa ishinihkaatech nuwach chika machipayinaawaau, kaye anite Bethsaidahch kaa ihtaatwaau eukun mwehch che ispayitwaau. Wesh aniyuuh maamishkaach chekwaayuu kaa ihtuutamaakuyekw chii ihtuutaakanuwaakupanenh anite weshkach Tyre kaye Sidon kaa ishinihkaatekwaauh ihtaawinh shaash weshkach chipaa kweskaatisiyuuch wiyawaau anichii iinuuch. Ekw maak e nuukuhtaatwaau e ishpish mihchiiwesitwaau umachihtwaawinawaauh chipaa piskweyekapuuch e kaawekaniyikwaau machunisha, anite maak ishkwaaschisehch chipaa apuuch.

Luke 6:14

Eukunich maak uchii, Simon aniyuu Jesus Peter kaa ishinihkaataat, ekw maak Peter ushiim Andrew, kaye James ekw maak John, Philip ekw maak Bartholomew.

Luke 9:10

Iskutak tekushihkwaau anichii chischinuhamuwaakanich kaa chihchitishahwaakanuutwaau ekw kaa wiihtamuwaatwaau Jesus taan kaa ihtitwaau kaa ispihtanihutwaau. Ekw kaa nakataatwaau aniyuu kaa mihchetiyich iinuuh, tipaan kaa ituhtetwaau e wiichewaatwaau Jesus anite Bethsaidahch e ituhteyich.

John 1:43

Miin aniyuu e ati chiishikaayich Jesus chii iteyihtam Galilee aschiihch chechii ituhtet. Ekute anite kaa miskuwaat Philip ekw kaa itaat, “Pechi papaawiicheu.”

John 1:45

Philip maak chii naanituwaapameu Nathanael ekw kaa itaat iskutak kaa miskuwaat, “Nichii miskuwaanaan aniyuu Moses kaa aayimuumaat anite wiishuwewinihch, kaye anichii uchischiwehiichesuuch kaa aayimuumaatwaau. Eukuu Jesus, Joseph ukusisa, anite Nazareth kaa uhchiit.”

John 1:46

Ekw Nathanael kaa itaat, “Chika chii uhchiyuu aa awen e chisteyihtaakusit anite Nazareth.” Ekw Philip kaa itaat, “Aashtam pechi nituwaapam.”

John 1:48

Nathanael maak chii iteu, “Taanite kaa uhchi chischeyimiyin.” Ekw Jesus kaa ishi nishkuushihaat, “Chichii waapamitin e apiyin shiipaa misishuuminaahtikuhch eshkw ekaa uhchi nituwaapamisk Philip.”

John 12:21

Eukw maak uchii kaa pechi nituwaapamaatwaau Philip, aniyuu anite Bethsaida kaa ishinihkaateyich ihtaawiniyuu kaa uhchiyich anite Galilee aschiihch kaa ihtakuniich, ekw kaa itaatwaau, “Niwii waapamaanaan Jesus.”

John 12:22

Philip maak chii nituu wiihtamuweu Andrew ekw taapishkun kaa nituu wiihtamuwaatwaau Jesus e wii waapamikuyich aniyuuh Greek iinuuh.

John 6:5

Jesus maak chii aitaapuu kaa waapamaat mihchetu aweyuuh e pechi nituwaapamikut, ekw kaa itaat aniyuu Philip, “Taanite chechii uhtinahk aaihkunaau misiwe chechii ashamahkwaau uchii iinuuch.”

John 6:7

Philip kaa itaat, “Aat mikw apishiish ashamahkw paahpeyakw awen, yaapach uste niishwaau mitaahtumitanuu chipaa ispayuu shuuliyaau aaihkunaau utinaakanuut.”

ᐊᐸᔅᑕᓚᒡ 1:13

Iskutak maak tekushihkwaau anite Jerusalemihch chii piihcheuch aniyuu waaskaahiikaniyuu che ihtaatwaau. Chii ihtakuniyuu e pischisaayich ishpimiihtakuhch aniyuu waaskaahiikaniyuu. Ekute kaa ishi kushpaahtawiitwaau. Eukunich uchii kaa ihtaatwaau, Peter, John, James, Andrew, Philip, Thomas, Bartholomew, Matthew, James Alphaeus ukusisa, Simon kaa ayimihewaatisiit kaa ishinihkaataakanuut, ekw maak Judas, James ukusisa.