John 1:4 - Chishemanituu Utayimuwin: Kaa Uskaach Testament

⁴ Wiya e ihtaat uhchipayuu pimaatisiiwiniyuu, pimaatisiiwinihch maak ekut kaa uhchi waapahtahkwaau awenichii waashtewiniyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᐎᔭ ᐁ ᐃᐦᑖᑦ ᐅᐦᒋᐸᔫ ᐱᒫᑎᓰᐎᓂᔫ, ᐱᒫᑎᓰᐎᓂᐦᒡ ᒫᒃ ᐁᑯᑦ ᑳ ᐅᐦᒋ ᐙᐸᐦᑕᐦᒀᐤ ᐊᐌᓂᒌ ᐙᔥᑌᐎᓂᔫ᙮

John 1:4 Iomraidhean Croise

Matthew 4:16

Aat wanitipiskusiiwinihch e ishi pimaatisiitwaau chitiiniimuwaauch chii waapahtamuch e mista waashteyich. Mekwaach kaa ihtaatwaau anite e ukaashteyaayich anite e ihtakuniyich nipuwiniyuu, chii utihtihukuuch waashtewiniyuu.

Luke 2:32

Wiya eukw waashtewin che kanawaapahtahkwaau iinuuch ekaa Jewa kaa itiskaanesitwaau chechii uhchi chischeyimaatwaau Chishemanituu. Kaye wiya uhchi chechii uhchi chishtaachimaakanuyitwaau Chishemanituu utiiniim Israel.” Eukw uyuu kaa itwet Simeon.

John 11:25

Jesus kaa itaat, “Eukw niya kaa wanishkaanaat aweyuu e chii nipiyich kaye kaa miiwet pimaatisiiwiniyuu. Awen che pechi taapweyimukwe chika pimaatisiyuu aat e chii nipit.

John 12:35

Jesus kaa itaat, “Weipishchiish miin chika ihtakun waashtewin utah e ihtaayekw. Suuhk maak pimuhtekw eshkw e ayaayekw waashtewin ekw maak namui wanitipiskusiiwinihch chika uhchi ihtaanaawaau. Awen e pimuhtet anite wanitipiskusiiwinihch namui chischeyihtam taanite e ituhtet.

John 12:46

Nichii takushin utah aschiihch chechii miiweyaan waashtewin. Ekw maak an awen che pechi taapweyimikwe namui chika uhchi ihtaau anite wanitipiskusiiwinihch.

John 14:6

Jesus chii nishkweushiheu e itaat, “Niya eukw meskanuu kaye taapwewin kaye pimaatisiiwin, namui awen chika chii naateu Uhtaawiimaau mikw niya uhchi.

John 3:19

Waashtewin chii pechi pachishtinaakanuu utah aschiihch mikw maak uste chii iteyihtamuch awenichii wanitipiskusiiwinihch chechii ishi pimaatisiitwaau ishpish wii waashtewinihch chechii ishi pimaatisiitwaau wesh chii machaatisiyuuch. Eukw maak uyuu che uhchi wiyaaskunaakanuutwaau.

John 5:21

Uhtaawiimaau wanishkaaneu aweyuu nipuwinihch uhchi ekw maak maayaat pimaatisiiwiniyuu, ekun kaye nihaau e ihtit Ukusisimaau, miyeu aweyuu pimaatisiiwiniyuu aniyuu waa miyaat.

John 5:26

Wesh wiya Uhtaawiimaau e ihtaat uhchipayuu pimaatisiiwin, miyeu maak Ukusisimaauh kaye wiya e ihtaayich chechii uhchipayiyich pimaatisiiwiniyuu.

John 8:12

Iskutak Jesus miin e ayimihaat aniyuu iinuu chii iteu, “Niya eukw kaa miikwaau iinuuch waashtewiniyuu utah aschiihch. An awen kaa nuushuushkuut chika ayaau pimaatisiiwiniyuu waashtewinihch uhchi kaye namui chika uhchi pimuhteu wanitipiskisiiwinihch.”

John 9:5

Mekwaach utah e ihtaayaan aschiihch eukw niya iinuuch uwaashtewinawaau.”

ᐊᐸᔅᑕᓚᒡ 26:23

Uu kaa ishi aayimuutekupane eukw uu Christ kaa ishinihkaataakanuut cheshtinaash che nanehkaachihaakanuut, kaye wiya niishtam che wanishkaat nipuwinihch uhchi, chechii aayimuutamuwaat Jewa iinuuh kaye aniyuu ekaa Jewa kaa itiskaanesiyich waashtewinihch e ihtakuhch pimaachihiikusiiwin.”

1 Corinthians 15:45

Masinaateu anite Chishemanituu utayimuwinihch e itashtech, “An niishtam naapeu, Adam, chii ishihaakanuu chechii pimaatisiit.” An maak maahchishtai Adam eukuu Christ, Ahchaahkuu wiya, wiya miiweu pimaatisiiwiniyuu.

Ephesians 5:14

Eukw maak wehch iinaanuuhch maan, “Wanishkaah chiya kaa wiihchihkwaamuyin, wanishkaah anit nipuwinihch uhchi. Ekw maak Christ che miisk waashtewiniyuu.”

Colossians 3:4

Christ e wiichewekw chihchiwe pimaatisiiwin chitayaanaawaau. Kaau maak takushihke utah aschiihch ekut kaye chiyawaau che asich nuukuhiikuyekw kaye che asich chisteyihtaakuhiikuyekw chisteyihtaakuhaakanuute.

1 John 1:1

Chimasinahamaatinaan e aayimuumachiht an shaash kaa ihtaat eshkw ekaa mitun chekwaayuu uhchi ihtakuniyich. Nichii pehtawaanaan, muhch nichii waapamaanaan, kaye nichii taahtinaanaan. Chitaayimuutamaatinaan an kaa miiwet pimaatisiiwiniyuu aniyuu uhchi taan kaa ishi waawiihtahk.

1 John 1:2

Muush Uhtaawiimaauh e ihtaayich chii ihtaau. Chii nuukuhtaakanuuyuu upimaatisiiwin. Nichii waapahtamuwaanaan. Ekw maak tepaatutamuwachiht, e aayimuutamaataahch kaachiche pimaatisiiwin.

1 John 5:11

Mwaauyuu maak e itaachimaat Chishemanituu Ukusisa, Chishemanituu chichii miikunuu kaachiche pimaatisiiwiniyuu, an maak kaachiche pimaatisiiwin anite Ukusisa e ihtaayich uhchipayuu.

Revelation 22:1

Ekw uu enchil kaa pechi waapahtiit siipiiyuu. An maak nipiih anit an siipiih ekut wehchi miyakanuut awen kaachiche pimaatisiiwiniyuu. Naashch chii waasheyaakamishuu an nipii mwehch asiniish waasenihtaakanaapiskw e ishpish shaapwaau waaseyaapischisit ekun kaa itaakamihch an nipii. Shiipaa Chishemanituu ekw maak an Maanishchaanish uchisheuchimaau tehtapuwiniwaahch ekute kaa uhtaachuuhch uu siipii.

Revelation 22:16

Niya, Jesus, nichii itishahwaau nitenchilam taanite e ati ihtaayekw chechii wiihtamaataakw uyuuh chekwaayuuh, chiyawaau umaamuuayimihaautikw. David e ihtaat nuuhchi aanische pimaatisiin. Eukw niya an waapan achahkush naashch kaa chiihkaayaashtuwet.” Eukw uyuu kaa itwet Jesus.