John 1:10 - Chishemanituu Utayimuwin: Kaa Uskaach Testament

¹⁰ Utah aschiihch chii ihtaau Ayimuwin. Aat wiya e chii ushihtaat uyuu aschiiyuu yaapach namui uhchi chischeyimikuu aweyuu iskutak kaa takushinit.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᐅᑕᐦ ᐊᔅᒌᐦᒡ ᒌ ᐃᐦᑖᐤ ᐊᔨᒧᐎᓐ᙮ ᐋᑦ ᐎᔭ ᐁ ᒌ ᐅᔑᐦᑖᑦ ᐅᔫ ᐊᔅᒌᔫ ᔮᐸᒡ ᓇᒧᐃ ᐅᐦᒋ ᒋᔅᒉᔨᒥᑰ ᐊᐌᔫ ᐃᔅᑯᑕᒃ ᑳ ᑕᑯᔑᓂᑦ᙮

John 1:10 Iomraidhean Croise

Matthew 11:27

Ekw Jesus iskutak kaa chiish ayimihaat chii iteu, “Nuuhtaawii misiwe chekwaayuu nichii miikw chechii nanaakatuweyihtamuch. Wesh namui awen chischeyimeu aweyuu aniyuu Ukusisimaau, mikw Uhtaawiimaau chischeyimeu. Kaye maak namui awen chischeyimeu aweyuu Uhtaawiimaau, mikw Ukusisimaau chischeyimeu, kaye mikw wiya Ukusisimaau chika wiyaapameu aweyuuh aniyuuh chechii chischeyimaayich Uhtaawiimaau.”

John 1:11

Kaa takushinit utah aschiihch wiya tipiiwe utiiniimh chii pechi nituwaapameu, mikw maak namui uhchi aapateyimikuu.

John 1:18

Namui wiiskaat awen uhchi waapameu Chishemanituu, mikw aniyuu kaa peyakushiyich Ukusisa kaa saachihaat chii ihtuutaakuu chechii chischeyimaakanuut.

John 1:3

Ayimuwinihch ekut misiwe chekwaan kaa uhchi ushihtaakanuuhch. Namui chekwaan uhchi ushihtaakanuu ekaa wiya uhchi ushihtaat Ayimuwin.

John 1:5

An waashtewin chihkaashteu anite wanitipiskusiiwinihch, wanitipiskusiiwin maak namui chii aashtuweham aniyuu waashtewiniyuu.

John 17:25

Nuuhtaawii, chiya muush kaa kuiskw ihtiyin, namui chichischeyimakuch anichii awenich ekaa kaa aapateyimiskwaau utah aschiihch, niya maak wii chichischeyimitin. Uchii maak kaye kaa pechi miyin chischeyihtamuch taapwe chiya e chii pechi itishahuyin.

John 5:17

Ekw kaa itikutwaau Jesus, “Nuuhtaawii muush miyutuutam aat e ayimiheuchiishikaayich, kaye niya maak ekun che wii ihtiyaan.”

ᐊᐸᔅᑕᓚᒡ 14:17

Yaapach maak Chishemanituu muush chii chischeyihtamiheu iinuu taan e iteyihtaakusit aniyuu uhchi taan kaa ishi miyutuutahk, mwehch kaye chiyawaau chichii ihtuutamaakuwaau chechii chimuuniyich chechii uhchi nihtaauchiniyich miichimiyuu. Chichii miikuwaau miichimiyuu kaye chitihtuutaakuwaau chechii miyeyihtamekw.” Eukw uyuu kaa itaat Paul aniyuu iinuu e wii nikaahwaat aniyuu e wii nuuchiishtaakutwaau.

1 Corinthians 1:21

Ekw maak e ishpish kachehtaaweyihtahk Chishemanituu chii ihtuutam ekaa kachehtaaweyihtamuwinihch chechii uhchi chischeyimikut aweyuuh. Teyakuch chii naheyihtamihiikuu chechii pimaachihaat aniyuu aweyuuh kaa taapwehtamiyich aniyuu chiishkwe ayimuwiniyuu kaa ishinihkaataakanuyich aniyuu wiyaawiihtamuhkw.

1 Corinthians 2:8

Namui maak waawaach peyakw anichii kaa uchimaautwaau utah aschiihch uhchi nisihtuhtamuch uyuu kachehtaaweyihtamuwiniyuu wesh taapaa chipaa uhchi chiistaaskuhweuch aniyuu Utipeyihchikeuh maauch kaa chisteyihtaakusiyich chii chischeyihtamuwaakupanenich.

1 Corinthians 8:6

chichischeyihtenaanuu wii chiyaanuu mikw e peyakushit Chishemanituu an wehtaawiimaaut, an misiwe chekwaayuu kaa usihtaat. Misiwe chekwaan Chishemanituu e ihtaat uhchipayuu, kaye maak eukuu pemaatisiistuuhkw. Kaye maak mikw peyakushuu Utipeyihchikeu, eukuu Jesus Christ. Wiya uhchi wehchii ihtakuhch misiwe chekwaan kaa ushihtaakanuuhch, kaye maak wiya uhchi wehchi ayaayihkw pimaatisiiwin.

Colossians 1:16

Wesh Christ uhchi, Chishemanituu misiwe chekwaayuu kihchikiishikuhch kaye utah aschiihch kaa ihtakuniyich chii ushihtaau, aniyuu chekwaayuu kaa nuukuniyikwaau kaye aniyuuh ekaa kaa nuukuniyikwaau. Chii ushiheu kaye misiwe kaa waauchimaawiyich ahchaahkwah, kaye aniyuuh aweyuuh kaa uchimaawiyich, kaye misiwe kaa tipeyihchicheyich. Misiwe chekwaayuu Christ e ihtaat chii uhchi ushihtaakanuuyuu kaye maak wiya chii ushihtamuwaakanuu.

Hebrews 11:3

An taan e ishi taapwehtamukw ekut wehchi nisituhtamuhkw Chishemanituu e chii ushihtaat uyuu aschiiyuu, mikw chii ayimuu kaa uhchi ihtakuniyich. Aniyuuh chekwaayuuh ekaa nuukuhkwaau, ekut kaa uhchi ushihtaat Chishemanituu aniyuu chekwaayuu kaa waapahtamuhkw.

1 John 3:1

Kanawaapahtamukw maa e ishpish saachihiitahkw Chishemanituu e miitahkw Chishemanituu utawaashiim chechii ishinihkaatakuuhkw. Taapwe maak kuutawaashiimitutaakunuu. Anichii ekaa kaa taapweyimaatwaau Chishemanituu namui chichischeyimikunuuch awenich chiyaanuu wesh taapaa chischeyimeuch Chishemanituu.