John 1:1 - Chishemanituu Utayimuwin: Kaa Uskaach Testament

¹ Anite maauch niishtam, eshkw ekaa uhchi ihtakuhch chekwaan shaash chii ihtaau Ayimuwin. Chii wiicheweu Chishemanituu kaye wiya chii aau Chishemanituu an Ayimuwin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐊᓂᑌ ᒫᐅᒡ ᓃᔥᑕᒻ, ᐁᔥᒄ ᐁᑳ ᐅᐦᒋ ᐃᐦᑕᑯᐦᒡ ᒉᒀᓐ ᔖᔥ ᒌ ᐃᐦᑖᐤ ᐊᔨᒧᐎᓐ᙮ ᒌ ᐐᒉᐌᐤ ᒋᔐᒪᓂᑑ ᑲᔦ ᐎᔭ ᒌ ᐋᐤ ᒋᔐᒪᓂᑑ ᐊᓐ ᐊᔨᒧᐎᓐ᙮

John 1:1 Iomraidhean Croise

Matthew 1:23

“Ishkwesh ekaa wiiskaat uhchi chischeyimakut naapeu chika ayaaweu awaasha, chika naapeshiiwiyuuh maak, Immanuel chika ishinihkaataakanuu.” Chishemanituu e pechi ihtaat utah e ihtaayihkw ishi itweshtamuwaataakanuu uu ishinihkaasuwin.

Luke 24:53

Muush maak chii ihtaauch anite chisheayimiheukamikuhch e maamihchimaatwaau Chishemanituu.

John 1:14

An maak Ayimuwin iinuu chii ishinaakuhaakanuu. An kaa saakaschineshkaakut chishewaatisiiwiniyuu kaye taapwewiniyuu, chichii wiichimikunuu utah aschiihch. Chichii waapamaanuu maak e chisteyihtaakusit mwehch e ishpish chisteyihtaakusiyich Chishemanituuh aniyuuh Uhtaawiih wesh wiya mikw peyakushuu e Ukusiitutaakut Chishemanituu.

John 1:18

Namui wiiskaat awen uhchi waapameu Chishemanituu, mikw aniyuu kaa peyakushiyich Ukusisa kaa saachihaat chii ihtuutaakuu chechii chischeyimaakanuut.

John 1:2

Muush chii ihtaau Chishemanituu an maak Ayimuwin kaa ishinihkaasut shaash chii ihtaau kaye chii wiicheweu Chishemanituuh.

John 16:28

Taapwe maak Uhtaawiimaau e ihtaat nichii uhtuhten kaa pechi takushiniyaan utah aschiihch miin maak kaau nikaa chistuhten Nuuhtaawii e ihtaat nikaa ituhten.”

John 17:5

Nuuhtaawii, chisteyihtaakuhiih mwehch an kaa ishpish chisteyihtaakusiyaan eshkw e chii ihtaayaan anite e ihtaayin, eshkw ekaa uhchi ushihtaayin uu aschii.”

John 20:28

Ekw Thomas kaa nishkweushihaat e itaat, “Nitipeyihchikem kaye Nichishemanituum.”

John 8:58

Jesus kaa itaat, “Kuiskw chiwiihtamaatinaawaau, eshkw ekaa uhchi pimaatisiit Abraham, shaash nichii ihtaan.”

Romans 9:5

Aniyehkaanaanich aanische chiwaahkumaakanuuh Abrahamh, Isaac ekw maak Jacob e ihtaayihch chii uhchi aanische pimaatisiyuuch. Ekute kaye wiya Jesus Christ kaa uhchi aanische pimaatisiit iskutak naapeu kaa ishihaakanuut. Chishemanituu an misiwe chekwaayuu kaa pimipayihtaat, kaachiche katawii maamihchimaakanuu. Amen.

Ephesians 3:9

Kaye maak, niya nichii miikw misiwe aweyuuh chechii chischeyihtamihiimach aniyuu chekwaayuu ekaa uhchi chischeyihtaakuniyich kaa ishi wiyeyihtamikupane Chishemanituu che ihtuutahk. Chishemanituu an misiwe chekwaayuu kaa ushihtaat chii kanuweyihtamikupane mikw uyuu taan kaa ishi wiyeyihtamikupane che ihtuutahk anite niishtamihch.

Philippians 2:6

Aat Chishemanituu kaa iteyihtaakusiyich e chii iteyihtaakusit, yaapach chii pachishtinam aniyuu taapituu e ishi ayaatwaau.

Colossians 1:15

Wiya Christ mwehch ekun e iteyihtaakusit taan e iteyihtaakusiyich Chishemanituuh aniyuuh ekaa kaa nuukusiyich. Christ eukw Chishemanituu Uniishtamuushaanh, an maauch niikaan e iteyihtaakusit e iteyihtaakuniyich misiwe chekwaayuu kaa ushihtaakanuyich.

Colossians 1:17

Eshkw ekaa chekwaayuu uhchi ihtakuniyich shaash chii ihtaau wiya Christ. Wiya chii wiyeyihtam taanite che ihtakuniyich misiwe chekwaayuu kaa ushihtaat.

1 Timothy 3:16

Nuwach kiipaa chisteyihtaakun an taan e ishi miskaateyihtaakuch chitaapwehtamuwinuu. Chishemanituu wiyaasuwinihch e chii ishi nuukuhiisut. Chii cheshtinaateyihtaakuhiikuu Kaa payehchisiyich Ahchaahkwa taapwe Chishemanituu e chii pechi itishahukut. Chii waapamikuu enchil. Chii aayimuumaakanuu e kacheskwaanuyich anite nanaahkuu e itiskaanesinaanuyich. Chii taapweyimikuu aweyuuh utah aschiihch. Ekw maak kihchikiishikuhch kaa ishi uhpiskaat chechii chisteyihtaakuhaakanuut.

Titus 2:13

Eukuu e ishi pimaatisiihkw e ashuwaapahtamuhkw cheshtinaash che ispayihch an e shaweyihtaakuhch e chiishikaach che takushihk an kaa suuhkaatisiit Chishemanituu kaye chipimaachihiiweminuu Jesus Christ e pechi nuukusit uchisteyihtaakusuwinihch.

Hebrews 13:8

Jesus Christ namui nihtaa aahchiiuh chika uhchi iteyihtaakusuu. Taan kaa iteyihtaakusiyit utaakushiihch, ekun e iteyihtaakusit anuhchiish kaye maak ekun che iteyihtaakusit kaachiche.

Hebrews 7:3

Uu kaa ishi wiihtamaatakuch eukw mikw uyuu e ishpish chischeyimaakanuut Melchizedek. Namui chichischeyimaanuu aweyuu kaa uhtaawiit maak aweyuuh kaa ukaawiit. Namui chichischeyimaanuu aweyuuh kaa uwaahkumaakanit. Kaye namui chichischeyihtamuwaanaanuu taaishpish kaa pimaatisiit kaye taaishpish kaa nipit. Namui chichischeyihtenaanuu wesh namui mitun uhchi aayimuumaakanuu masinahiikanihch. Uu kaa ishi wiihtamaatakuch, mwehch Chishemanituu Ukusisa kaachiche e ayimiheuchimaawiyich, kaye wiya Melchizedek kaachiche ayimiheuchimaau.

2 Peter 1:1

Niya Simon Peter. Jesus Christ nitatushkuwaau, wiya nichii wiyaapamikw apastal chechii itaapatisuuch. Chimasinahamaatinaawaau chiyawaau kaa ayaayekw taapwehtamuwin mwehch an e iteyihtaakuhch niyaan kaa ayaayaahch. Eukw uyuu taapwehtamuwiniyuu chipimaachihiiweminuu kaye Chichishemanituuminuu Jesus Christ kaa miitahkw. Wiya chitihtuutaakunuu chechii kuiskunaakusiyuuhkw Chishemanituu ishi e ihtaat.

1 John 5:20

Chichischeyihtenaanuu Chishemanituu Ukusisa e chii pechi takushiniyich utah aschiihch, chechii chiskutamaatahkw chechii chischeyimahkw aniyuu chihchiwe Chishemanituwiyich. Chiwiichewaanuu an taapwe Cheshemanituut e wiicheumahk Ukusisa Jesus Christ. Eukw uu taapwe Cheshemanituut, an kaa miiwet kaachiche pimaatisiiwiniyuu.

1 John 5:7

Kaa payehchisiit Ahchaahkw maak eukw tepaatutahk uyuu. Taapweu maak uu Ahchaahkw.

Revelation 1:11

Eukw maak uyuu kaa itwet, “Masinaha taan che ishi waapahtaman anuhchiish ekw che itishahamuutwaau anichii umaamuuayimihaauch anite aniyuu niishwaashch ayimiheukamikuh Ephesus, Smyrna, Pergamum, Thyatira, Sardis, Philadelphia ekw maak Laodicea kaa ihtaatwaau.” Eukw uyuu kaa pechi iishit.

Revelation 1:17

Iskutak maak wiyaapamak anite usitihch nichiishi pahchishinuwaan muyaam e nipuuch. Unihiiwinitihchii e aapachihtaat nichii pechi taahtinikw ekw kaa iishit, ekaawii kushtaach. Eukw niya niishtam kaa ihtaat kaye maahchishtai che ihtaat.

Revelation 1:2

Misiwe maak nichii masinahen taan kaa ishi waapahtiikuyaan. An maak kaa ishi masinahamaan taapwe Chishemanituu utayimuwin aniyuu. Jesus chii nuukuhtaau taapwe e taapwemakaniyich.

Revelation 1:8

“Eukw niya misiwe chekwaan kaa chihchipayihtaayaan kaye misiwe chekwaan che chiishihtaayaan.” Eukw e itwet Chishemanituu Utipeyihchikeu, an maauch kaa suuhkaatisiit, an kaa ihtaat anuhchiish, an muush kaa pechi ihtaat kaye an che takushihk.

Revelation 19:13

Akuhpiyuu chichishkam mihkuhch e chii chistaanikanuyikupane. “Chishemanituu utayimuwin” ekun e ishinihkaataakanuut.

Revelation 2:8

Eukw uu itasinahamuu an enchil kaa naanaakachihaat umaamuuayimihaauh anite Smyrna kaa ihtaayich, “Eukw uyuu e itwet an niishtam kaa ihtaat kaye maahchishtai che ihtaat, an kaa nipit kaye kaau kaa wanishkaat.

Revelation 21:6

Ekw maak kaa itwet, “Shaash misiwe chekwaan nichiishihtaan. Eukw niya shaash kaa ihtaayaan eshkw ekaa mitun chekwaan uhchi ihtakuhch kaye eukw niya eshkw che ihtaayaan iskutak misiwe chekwaan chiishipayihche. Eukw niya misiwe chekwaayuu kaa chihchipayihtaat kaye eukw niya che chiishihtaayaan misiwe chekwaan. An awen che nuuhteyaapaakwe sehchei nika minihaau aniyuu nipiiyuu anite aniyuu anit wehchi miyaakanuut awen kaachiche pimaatisiiwiniyuu kaa uhchi muuschichuuniyich.

Revelation 22:13

Eukw niya shaash kaa ihtaayaan eshkw ekaa mitun chekwaan uhchi ihtakuhch kaye eukw niya eshkw che ihtaayaan iskutak misiwe chekwaan chiishipayihche. Eukw niya niishtam kaa ihtaayaan kaye eukw niya maahchishtai che ihtaayaan. Eukw niya misiwe chekwaayuu kaa chihchipayihtaat kaye eukw niya che chiishihtaayaan misiwe chekwaan.

Revelation 3:14

Miin maak nichii itikuun. Eukw uyuu itasinahamuu an enchil kaa naanaakachihaat umaamuuayimihaauh Laodiceahch kaa ihtaayich. “Eukw uyuu e itwet an anit wehchi cheshtinaateyihtaakuniyich misiwe taan e itwet Chishemanituu che ihtuutamaachet kaye che ihtit, an kuiskw kaa ihtit e wiihtahk taan nihaau e iteyihtaakusiyich Chishemanituuh, aniyuuh kaa aapachihaat Chishemanituu misiwe chekwaayuu kaa ushihtaat.