James 5:9 - Chishemanituu Utayimuwin: Kaa Uskaach Testament

⁹ Ekaawii memehch ititikw, niichishaanitikw, ekw maak namui chika uhchi wiyaaskunikunaawaau. Shaash peshuch pechi ihtaau wiyaaskunichesuu, shaash chekaat nuukushuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᐁᑳᐐ ᒣᒣᐦᒡ ᐃᑎᑎᒄ, ᓃᒋᔖᓂᑎᒄ, ᐁᒄ ᒫᒃ ᓇᒧᐃ ᒋᑲ ᐅᐦᒋ ᐎᔮᔅᑯᓂᑯᓈᐙᐤ᙮ ᔖᔥ ᐯᔓᒡ ᐯᒋ ᐃᐦᑖᐤ ᐎᔮᔅᑯᓂᒉᓲ, ᔖᔥ ᒉᑳᑦ ᓅᑯᔔ᙮

James 5:9 Iomraidhean Croise

Matthew 24:33

Uyuuh maak chekwaayuuh kaa aayimuutamaatakuch che ispayihkwaau iskutak ispayihkwaawen ekut che uhchi chischeyihtamekw shaash e peshunaakuniyich Iinuu Ukusisa che takushinit, muyaam shaash ishkwaahtemihch e pechi niipuut e ishinaakusit.

Mark 13:29

Uyuuh maak chekwaayuuh kaa aayimuutamaatakuch che ispayihkwaau iskutak ispayihkwaawen ekut che uhchi chischeyihtamekw shaash e peshunaakuniyich Iinuu Ukusisa che takushinit, muyaam shaash ishkwaahtemihch e pechi niipuut e ishinaakusit.

Mark 6:19

Ekw an Herodias namui uhchi nahiiskaakuukupane aniyuu taan kaa itweyich John ekw kaa nituweyimaat chechii nipahaakanuyich. Mikw maak namui uhchii ihtuutam uyuu,

1 Corinthians 10:11

Eukw uyuu misiwe kaa ispayitwaau anichii iinuuch chechii uhchi ayaakwaamimikuyihkw ekaa chechii machituutuuhkw Chishemanituu. Chii masinahiikanuuh maak uyuu anit chechii uhchi chischeyihtamihiikuyihkw ekaa chechii ishi pimaatisiihkw taan kaa ishi pimaatisiitwaau. Wesh shaash maahchishtai kaa chiishikaakwaauh chipimaatisiinaanuu.

1 Corinthians 4:5

Eukw maak uu uhchi ekaawii chika uhchi wiyaaskunen chekwaan eshkw ekaa utihchipayihch chechii wiyaaskunikanuuhch. Wiya Utipeyihchikeu mushe chika nuukuhtaau misiwe chekwaayuu kaa kaataakanuyich. Mechim aniyuu taan nihaau kaa iteyihtamiyich aweyuuh. Ekw maak misiwe awen che wiihtamaakut Chishemanituu e naheyihtamiyich aniyuu taan kaa ishi miyutuutahk.

2 Corinthians 9:7

Misiwe paahpeyakw awen mikw taan kaa iteyihtahk utehiihch che ishpish pachishtinichet ekun chipaa ishpish pachishtinicheu. Namui chipaa uhchi maaisiyuu kaye namui aaisaach chipaa uhchi pachishtinicheu. Chishemanituu naashch saachiheu aniyuu aweyuu kaa miyeyihtamiyich e pachishtinicheyich.

Galatians 5:14

Tipituutam awen wiishuwewinh uyuu peyakw wiishuwewiniyuu e nanihiihtahk eukw chechii saachihaat wiichishaan mwehch wiya e ishpish saachihiisut.

Galatians 5:26

Ekaawii chika uhchi chihchiwe iteyimisunaanuu. Ekaawii chika uhchi wauhkaahiitunaanuu kaye ekaawii chika uhchi mamushtenamuwaanuuch awenichii.

James 4:11

Niichishaanitikw ekaawii machaayimuumitukw. Awen e machaayimuumaat wiichishaan maak e wiyaaskunaat aatuweyihtam wiishuwewiniyuu kaye maak wiyaaskunam. Chiishpin weyaaskunamuwane wiishuwewin namui chinanihiihten kaye maak wiyaaskunichesuu chititahiisun.

James 4:12

Mikw peyakw awen chii miiweu wiishuwewiniyuu. Eukw maak mikw chechii wiyaaskunichet. Wiya mikw chika chii pimaachihiiweu kaye maak wiya mikw chika chii wanaachihiiweu. Awen maak chiya chechii wawiyaaskunat kutak awen.

James 5:10

Niichishaanitikw maamituneyimaahkuch maa uchischiwehiichesuuch anichii Chishemanituuh kaa pechi itishahukutwaau chechii ayimistamuwaatwaau. Naashch taapwe chii siipiiwesiyuuch e nanehkaachihaakanuutwaau. Eukun maak chipaa ihtinaawaau kaye chiyawaau.

James 5:7

Niichishaanitikw, siipiiwesiikw che ishpish ekaa takushihk Utipeyihchikeu. Chichischeyimaau kaa nihtaauchihchet e ishpish siipiiwesiit e ashuwaapahtahk chechii chiishi nihtaauchiniyikwaauh e miywaashiyikwaauh nihtaauchihchikan anite kaa nihtaauchihchet. Siipiiwesiyuu e ashuwaapahtahk chechii chimuuniyich e miyuuskamiyich kaye e takwaatiniyich.

1 Peter 4:5

Peyakwaau maak e chiishikaayich chika uhchishkuukaapuushtaweuch Chishemanituu e wiihtahkwaau taan kaa ishi pechi pimaatisiitwaau. Eukw wesh uu Chishemanituu che wiyaaskunaat misiwe aniyuu kaa nipiitwaauh kaye aniyuu kaa pimaatisiitwaauh.

1 Peter 4:9

Maamiiskuch mamiyuutuutaatukw, miyeyihtamukw uu e ishi wiichihiituyekw.

Revelation 3:20

Nituhtamukw. Niniipuun ishkwaahtemihch e paahpawahiicheyaan. An awen che pehtuukwe piihtakahiite maak nika piihchewaan anite e ihtaat ekw maak che wiich miichisuumituyaahch.