James 5:7 - Chishemanituu Utayimuwin: Kaa Uskaach Testament

⁷ Niichishaanitikw, siipiiwesiikw che ishpish ekaa takushihk Utipeyihchikeu. Chichischeyimaau kaa nihtaauchihchet e ishpish siipiiwesiit e ashuwaapahtahk chechii chiishi nihtaauchiniyikwaauh e miywaashiyikwaauh nihtaauchihchikan anite kaa nihtaauchihchet. Siipiiwesiyuu e ashuwaapahtahk chechii chimuuniyich e miyuuskamiyich kaye e takwaatiniyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᓃᒋᔖᓂᑎᒄ, ᓰᐲᐌᓰᒄ ᒉ ᐃᔥᐱᔥ ᐁᑳ ᑕᑯᔑᐦᒃ ᐅᑎᐯᔨᐦᒋᑫᐤ᙮ ᒋᒋᔅᒉᔨᒫᐤ ᑳ ᓂᐦᑖᐅᒋᐦᒉᑦ ᐁ ᐃᔥᐱᔥ ᓰᐲᐌᓰᑦ ᐁ ᐊᔓᐙᐸᐦᑕᐦᒃ ᒉᒌ ᒌᔑ ᓂᐦᑖᐅᒋᓂᔨᒀᐤᐦ ᐁ ᒥᔻᔑᔨᒀᐤᐦ ᓂᐦᑖᐅᒋᐦᒋᑲᓐ ᐊᓂᑌ ᑳ ᓂᐦᑖᐅᒋᐦᒉᑦ᙮ ᓰᐲᐌᓯᔫ ᐁ ᐊᔓᐙᐸᐦᑕᐦᒃ ᒉᒌ ᒋᒨᓂᔨᒡ ᐁ ᒥᔫᔅᑲᒥᔨᒡ ᑲᔦ ᐁ ᑕᒀᑎᓂᔨᒡ᙮

James 5:7 Iomraidhean Croise

Matthew 16:27

Wesh Iinuu Ukusisah chika takushiniyuuh Uhtaawiimaau uchisteyihtaakusuwiniihch kaye enchilh e pechi wiicheukut, ekw maak che tipahamuwaat misiwe aweyuu taan kaa ishi ihtuutaamiyich.

Matthew 16:28

Chiwiihtamaatinaawaau, taapwe e ihtaatwaau utah awenichii eshkw che pimaatisiitwaau iskutak utihchipayihche che takushiniyich Iinuu Ukusisa che pechi chisheuchimaawiyich.”

Matthew 24:27

Wesh iskutak Iinuu Ukusisa takushihke misiwe aweyuuh kata waapamikuu. Muyaam e ishpish chiihkaanaakuhch e waashtepayihch anite chiishikuhch, anite waapanuutaahch e uhchi nuukuhch anite maak chiiwetinuutaahch e ishi paasikunaakuhch, ekun che ishinaakuniyich takushihke Iinuu Ukusisa.”

Matthew 24:44

Eukw maak uu uhchi kaye chiyawaau muush chipaa ayeskuwiinaawaau. Wesh Iinuu Ukusisa kata takushin taanit anit ekaa mitun peshuweyimekwe chechii takushinit.”

Luke 18:8

Chiwiihtamaatinaawaau, cheshtinaateyihtaakuniyuu wiipach che naatamuwaat. Ekw maak, Iinuu Ukusisa kata miskaweu kaakaye aweyuuh e taapweyimikut iskutak miin takushinite utah aschiihch.”

Luke 21:27

Ekw maak che waapamaakanuut Iinuu Ukusisa e pechi asiit kaskawanishkuhch, tekash e nuukuniyich usuuhkaatisiiwin kaye uchisteyihtaakusuwin.

Luke 8:15

An maak shuumin kaa miyu nihtaauchit e miyuskamikaayich aschiihch mwehch eukw e ishinaakusitwaau anichii awenichii kaa nituhtahkwaau Chishemanituu utayimuwiniyuu. Nanihiihtamuch, kaye kanuweyihtamuch. Kanawaach taapwehtamuch e siipiiwesiitwaau ekw maak chek e miyu miinishuutwaau upimaatisiiwiniwaahch.”

John 21:22

Jesus chii itikuu, “Nituweyimike chechii pimaatisiit paatish miin takushinuuche, taan maak chechii ihtiyin chiya. Pechi nuushuushkuu chiya.”

John 21:23

Ekw kaa mishihtepayihch tipaachimuwin anit mekwesiin wiichishaanimaauch e ihtaatwaau aniyuu ekaa che uhchi nipit uu chischinuhamuwaakan. Mikw maak namui uhchi itwekupane Jesus ekaa che uhchi nipiyich. Chii iteu, “Netuweyimaauche eshkw chechii pimaatisiit takushinuuche, taan maak chechii ihtiyin chiya.”

Romans 15:4

Misiwe taan kaa pechi itasinahiikanuuhch Chishemanituu utayimuwinihch chichii wii chiskutamaakunaanuu anit uhchi. Ekut wehchi siihchimikuyihkw kaye ekut wehchi ayaayihkw siipiiwesiiwin ekw maak chechii ayaayihkw aspeyimuwin.

Romans 2:7

Aniyuuh aweyuuh muush kaa miyutuutamiyich e pukuseyimuyich chechii miyu kanawaapamikuyich Chishemanituu kaye chechii miywaachimikuyich kaye chechii miikuyich kaachiche chechii pimaatisiyich, kata miyeu kaachiche chechii pimaatisiyich.

1 Corinthians 1:7

Ekw maak namui mitun chinuuhtepayinaawaau ahchaahkw miiwewinh mekwaach e ashuwaapamekw che ishpish takushinit Chitipeyichikeminuu Jesus Christ.

Galatians 5:5

Niyaan maak wii kaa taapwehtamaahch, Kaa payehchisiit Ahchaahkw e wiichihiikuyaahch nitaspeyimunaan Chishemanituu chechii kuiskunaakuhiyimiht wiya ishi e ihtaat.

Galatians 6:9

Ekaawii chika uhchi saskachiinaanuu e miyutuutamuhkw. Wesh kata utihchipayuu taanite che miikuyihkw chitipahamaakusiiwinuu ekaa puuniikwe e miyutuutamuhkw.

Colossians 1:11

Nitutamuwaau Chishemanituu chechii ihtuutaataakw mitun tekash chechii maskuuhiikuyekw suuhkaatisiiwin, wiya kaa chisteyihtaakuniyich usuuhkaatisiiwinihch uhchi. Ekw maak che siipiiwesiyekw mikw taan che ishi nachishkamuwekwe.

1 Thessalonians 1:3

Nichischisinaan e ayimihiichiht Chishemanituu taan e ishi miyu atushkaatuyekw e taapweyimekw Utipeyihchikeu. Nichischisinaan taan e ishi miywaapatisiyekw e saachihekw Jesus. Nichischisinaan kaye taan e ishi suuhchikaapuuyekw e aspeyimututawekw Chitipeyihchikeminuu Jesus Christ.

1 Thessalonians 2:19

Naashch maak miin chichii wii waapamitinaawaau wesh chiyawaau e ihtaayekw uhchipayuu chechii ayaayaahch aspeyimuwin. Chiyawaau e ihtaayekw uhchipayuu wehchi muuchicheyihtamaahch. Kaye maak chiyawaau e ihtaayekw uhchipayuu naashch chechii cheshtinaateyimuyaahch chechii aayimuutamaahch taan kaa ishi pechi miywaapatisiyaahch iskutak takushihke Chitipeyihchikeminuu Jesus.

1 Thessalonians 3:13

Ekut che uhchi maskuuhiitaakw ekw maak kuiskw che ishi pimaatisiyekw kaye che payehchi pimaatisiyekw iskutak uhchishkuukaapuushtawekwe Chishemanituu Kuuhtaawiinuu takushihke Utipeyihchikeu Jesus Christ e pechi wiichewaat misiwe aniyuuh kaa taapwehtamiitwaauh.

Hebrews 6:15

Chii siipiiwesiyuu maak Abraham e ashuwaapit che ishpish ihtuutamuwaakanuut aniyuu kaa itaakanuut cheshtinaash che ihtuutamuwaakanuut. Chek mihchetu pipunh kaa ashuwaapit. Ekw kaa miikut Chishemanituu aniyuu kaa itweyich cheshtinaash che miikut.

James 4:11

Niichishaanitikw ekaawii machaayimuumitukw. Awen e machaayimuumaat wiichishaan maak e wiyaaskunaat aatuweyihtam wiishuwewiniyuu kaye maak wiyaaskunam. Chiishpin weyaaskunamuwane wiishuwewin namui chinanihiihten kaye maak wiyaaskunichesuu chititahiisun.

James 5:10

Niichishaanitikw maamituneyimaahkuch maa uchischiwehiichesuuch anichii Chishemanituuh kaa pechi itishahukutwaau chechii ayimistamuwaatwaau. Naashch taapwe chii siipiiwesiyuuch e nanehkaachihaakanuutwaau. Eukun maak chipaa ihtinaawaau kaye chiyawaau.

James 5:3

Kuushaaushuuliyaaunaapiskuwaauch kaye chiwaashishuuliyaaunaapiskuwaauch akwaakwaapischipayuuch. Aniyuu maak e kwaakwaapischipayihtwaau eukun an che mamishimikuyin iskutak wiyaaskunikuyine. Chika muukunaawaau chiyaasiwaahch mwehch ishkuteu e ishi wanaachihiiwemakahch. Weyuutisiiwin chichii maauchihtamaasunaawaau uyuuh maahchishtai e chiishikaakwaauh.

2 Peter 3:4

Chika itweuch maak e maayeyimitaakuch, “Taan maak uu che takushihk Utipeyihchikeu muush kaa pechi aayimuumekw. Kaa ishpish chii pechi ihtakuhch uu aschii misiwe chekwaan muush peyakunihch ishpish mamiyuupayuu.”