James 5:16 - Chishemanituu Utayimuwin: Kaa Uskaach Testament

¹⁶ Waawiihtamaatukw maak chimachituutamuwinawaauh kaye ayimiheshtamaatukw chechii uhchi miinuwaatisiyekw. Aniyuu taan e ishi ayimihaat awen e kuiskutaatisiit, naashch taapwe suuhchipayiniyuu taan e ishi ihtuutaachemakaniyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐙᐐᐦᑕᒫᑐᒄ ᒫᒃ ᒋᒪᒋᑑᑕᒧᐎᓇᐙᐤᐦ ᑲᔦ ᐊᔨᒥᐦᐁᔥᑕᒫᑐᒄ ᒉᒌ ᐅᐦᒋ ᒦᓄᐙᑎᓯᔦᒄ᙮ ᐊᓂᔫ ᑖᓐ ᐁ ᐃᔑ ᐊᔨᒥᐦᐋᑦ ᐊᐌᓐ ᐁ ᑯᐃᔅᑯᑖᑎᓰᑦ, ᓈᔥᒡ ᑖᐺ ᓲᐦᒋᐸᔨᓂᔫ ᑖᓐ ᐁ ᐃᔑ ᐃᐦᑑᑖᒉᒪᑲᓂᔨᒡ᙮

James 5:16 Iomraidhean Croise

Matthew 21:22

Mikw taan che ishi nitutamaawekwe e ayimihaayekw, taapwehtamukw shaash e ayaayekw ekw maak che miikuyekw an kaa ishi nitutamaayekw.”

Matthew 3:6

Mushe chii wiihtamuch taan kaa ishi machituutamuwaakupanenich ekw maak kaa siikahaahtaakutwaau John anite Jordan siipiihch.

Mark 1:5

Mihchetu aweyuu kaa ihtaayich anite Judea aschiihch kaye Jerusalem kaa ishinihkaateyich ihtaawiniyuu chii pechi nituu nituhtaakuu. Mushe chii wiihtamuch taan kaa ishi machituutamuwaakupanenich ekw maak kaa siikahaahtaakutwaau John anite Jordan siipiihch.

Luke 9:6

Ekw anichii chischinuhamuwaakanich kaa chistuhtetwaau anite nanaahkuu ihtaawinihch kaa ituhtetwaau e waawiihtahkwaau miywaachimuwiniyuu kaye e miinuwaachihaatwaau kaa aahkusiyich.

John 9:31

Chichischeyihtenaanuu Chishemanituu ekaa nituhtuwaat kaa machaatisiitwaauh, nituhtaweu maak wiya aniyuu aweyuu kaa nuuchiishtaakut kaye kaa ihtuutamiyich taan e ishi nituweyimaat chechii ihtuutamiyich.

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.

ᐊᐸᔅᑕᓚᒡ 19:18

Mihchetu maak anichii kaa taapwehtahkwaau chii pechi wiihtamuch anit e mihchetinaanuyich taan kaa ishi machituutahkwaau kaye e miteutwaau.

ᐊᐸᔅᑕᓚᒡ 8:24

Ekw Simon kaa itaat aniyuu Peter ekw maak John, “Ayimihaahkw Utipeyihchikeu ekaa chechii utihtahukuyaan uu kaa itweyekw.”

Romans 3:10

Mwehch e itashtech anite Chishemanituu utayimuwinihch, Namui awen kuiskutaatisiiu. Namui waawaach peyakw awen.

Romans 5:19

Peyakw awen, eukuu Adam, aniyuu ekaa uhchi nanihiihtuwaat Chishemanituu eukuu wehchi misiwe awen ataameyihtaakusit e machaatisiit. An maak kutak, eukuu Jesus, tekash e chii nanihiihtuwaat Chishemanituuh ekut wehchipayiyich mihchet awen e kuiskutaatisiit chechii ishi kanawaapamikut Chishemanituu.

Colossians 1:9

Iishpin maak kaa pechi itaachimushtaakuyaahch Epaphras misiwe uyuu taan kaa ishi chischeyihtamihiitaakw Chishemanituu chipimaatisiiwiniwaahch muush chitayimiheshtamaatinaan. Namui nipuuniinaan e ayimiheshtamaataahch. Muush nitutamuwaanaan Chishemanituu tekash chechii chischeyihtamuwekw utiteyihtamuwin. Mitun tekash chechii ayaayekw kachehtaaweyihtamuwin ekw maak nishituhtamuwin taan aniyuuh e ishi miiwet Payehchi Ahchaahkw chechii chischeyihtamekw uu.

1 Thessalonians 5:17

Muush ayimihaakw.

1 Thessalonians 5:23

Ninitutamuwaau Chishemanituu an kaa miiwet chiyaameyihtamuwiniyuu mitun tekash chechii payehchihiitaakw. Ninitutamuwaau chitahchaahkuwaauh, kaye chimituneyihchikanawaauh kaye maak chiiyuuwaauh chechii kanuweyihtaakuhkwaau ekaa mitun chekwaan chechii ishi ataameyihtaakuhkwaauh iskutak takushihke Chitipeyihchikeminuu Jesus Christ.

1 Thessalonians 5:25

Niichishaanitikw, pechi ayimiheshtamuunaan.

Hebrews 11:4

Weskach anite, naapeu Abel e chii ishinihkaasut chii taapweyimeu Chishemanituu aniyuu maak uhchi chii machishtawehamaau Chishemanituu ishi e ihtaayich. Naashch maak chii naheyihtamiheu Chishemanituu. Aniyuu ustesa Cain kaye wiya chii machishtawehamaayuu Chishemanituu ishi e ihtaayich. Mikw maak aniyuu Abel taan kaa ishi taapweyimaat Chishemanituu ekun aniyuu kaa nihiiwehiikut Chishemanituu. Eukw maak uyuu wehchii itaakanuut Abel e chii kuiskutaatisiit. Chichischeyihtenaanuu Chishemanituu naashch e chii naheyimikut wesh chii utinamuweu taan kaa ishi machishtawehamaayich. Ekw maak anuhchiish, aat shaash e chii nipit Abel, chichiskutamaakunaanuu chechii taapweyimahkw Chishemanituu e maamituneyihtamihkw taan kaa ishi taapwehtahk wiya Abel.

Hebrews 11:7

Noah chii ishinihkaasuu miin kutak naapeu e chii taapweyimaat Chishemanituu. Iskutak Chishemanituu kaa wiihtamaakut taan che ispayiyich aschiputeyiche aschiiyuu, aat ekaa uhchi waapahtahk aniyuu chechii ispayiyich iskutak kaa wiihtamuwaakanuut, yaapach chii taapwehtaweu Chishemanituu ekw kaa chihchi ushihtaat e mishaayich chiimaaniyuu anite che ihtaat e peyakuteusiit ekaa chechii nistaapaawetwaau. Aniyuu e chii taapweyimaat Chishemanituuh Noah kaye e chii nanihiihtuwaat, chii waapahtiiweu Chishemanituu che wiyaaskunaayich kaye che waweshihaayich misiwe aniyuu kutak aweyuuh wesh namui uhchi wii taapwehtamiyuuh. Noah maak e chii taapweyimaat Chishemanituu ukuiskutaatisiiu chii ishi kanawaapamikuu.

Hebrews 12:13

E kuiskumuhkwaauh meskanuuh pimuhtekw ekw maak anichii kaa maaschipayitwaau che miinuwaachihaakanuutwaau ekaa etituu chechii maaschipayitwaau.

Hebrews 13:18

Chipukuseyimitinaan chechii pechi ayimiheshtamuuyaahch. Muush niwii ihtuutamuwaanaan aniyuu e iteyihtamihiikut Chishemanituu e kuiskunaakuniyich. Wesh ekut che uhchi chischeyihtamaahch ekaa chekwaan ihtakuhch chechii macheyihtamihiikuyaahch.

1 Peter 2:24

Wiya tipiiwe wiiyuuhch chii ishi utinam chimachihtwaawinuuh kaa chiistaaskuhwaakanuut aashiteyaahtikuhch, miiskuch chiyaanuu ekaa chechii piihchishkaakuyihkw machihtwaawin. Chii ihtuutam chimachihtwaawinuuh chechii ati ishinaakusuuhkw muyaam e nipiikw machihtwaawinihch ishi ekw maak kuiskutaatisiiwinihch chechii ishi pimaatisiyuuhkw. Aniyuu taan kaa ishi papasistehwaakanuut ekut kaa uhchi miinuwaatisiyuuhkw.

1 John 3:22

Chika miikunuu chekwaayuu e ishi nitaweyihtamuuhkw, e ihtuutamuhkw taan e itashumitahkw kaye e ihtuutamuhkw aniyuu chekwaayuuh neheyihtamihiikut.