James 5:13 - Chishemanituu Utayimuwin: Kaa Uskaach Testament

¹³ E ihtaakwe awen anit e ihtaayekw e aayimihut chipaa ayimihaau. E ihtaakwe awen e miyeyihtahk chipaa nikamuu e maamihchimaat Chishemanituu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᐁ ᐃᐦᑖᑴ ᐊᐌᓐ ᐊᓂᑦ ᐁ ᐃᐦᑖᔦᒄ ᐁ ᐋᔨᒥᐦᐅᑦ ᒋᐹ ᐊᔨᒥᐦᐋᐤ᙮ ᐁ ᐃᐦᑖᑴ ᐊᐌᓐ ᐁ ᒥᔦᔨᐦᑕᐦᒃ ᒋᐹ ᓂᑲᒨ ᐁ ᒫᒥᐦᒋᒫᑦ ᒋᔐᒪᓂᑑ᙮

James 5:13 Iomraidhean Croise

Matthew 26:30

Iskutak maak kaa nikamutwaau ayimiheunikamuwiniyuu ekw kaa ituhtetwaau anite Olives kaa ishinihkaateyich wachiyuu.

Luke 22:44

Naashch taapwe chii kushikutehiiskaakuu che ishi nachishkahk. Ekw maak etituu suuhk kaa ayimihaat. Aniyuu maak e ishpish suuhk ayimihaat chek chii chisuu. Chek mwehch mihkuyuu e paapihchikuuniyich anite ishi aschiihch ekun kaa ishinaakuniyich aniyuu e chishuupayit.

Luke 23:42

An maak chimutisk chii iteu aniyuu Jesus, “Chischisiitutuuh iskutak takushiniyine e chisheuchimaawiyin.”

1 Corinthians 14:15

Maau nipaa ihtin. E ayimihaayaan nipaa kweschayimin kaye maak e nisituhtaasuyaan nipaa ishi ayimihaan. Nipaa kweschayimin kaye e nikamuyaan kaye nipaa nikamun e nisituhtaasiyaan.

1 Corinthians 14:26

Niichishaanitikw, maau chipaa ihtinaawaau. E naachi ayimihaayekw, pasch awenich chika nikamuuch, pasch awenich chika Chiskutamaacheuch, ekw pasch chika wiihtamuch taan kaa ishi waapahtiikutwaau Chishemanituuh. Pasch chika kweschayimuuch, ekw kutakach che itweshtamaachetwaau e kweschayiminaanuyich. Mikw maak taan mikw che ihtinaanuukwe anite e ayimihaanuuhch yaaitei chechii wiichihiikutwaau anichii kaa taapwehtahkwaau anit kaa ihtaatwaau ekun chipaa ihtuutaakanuu.

Ephesians 5:19

Waawiichihiitukw e nikamuyekw nanaahkuu ayimiheu nikamuwinh, kaye aniyuuh David unikamuwinh kaye e uskaakwaau ahchaahkw nikamuwin nikamukw. Maamihchimaahkw Utipeyihchikeu kwaast chechii ishpish maamihchimekw chitehiiwaahch uhchi.

Hebrews 5:7

Mekwaach utah aschiihch kaa papaamuhtet Jesus mihchetwaau chii ishinaakusuu suuhk e nitutamuwaat aniyuuh kaa chischeyimaat chechii wiichihiikut ekaa chechii nipahaakanuut. Chii pehtaakuu maak wesh chii nanihchiishtuweu.

James 5:10

Niichishaanitikw maamituneyimaahkuch maa uchischiwehiichesuuch anichii Chishemanituuh kaa pechi itishahukutwaau chechii ayimistamuwaatwaau. Naashch taapwe chii siipiiwesiyuuch e nanehkaachihaakanuutwaau. Eukun maak chipaa ihtinaawaau kaye chiyawaau.

Revelation 14:3

Nichii waapamaauch maak anichii peyakwaau mitaahtumitanuu miin nemitanuu neuwaau chishe mitaahtumitanuu kaa itashitwaau awenichii e uhchishkuukaapuushtamuwaatwaau Chishemanituuh uchisheuchimaau tehtapuwiniyuu kaye aniyuuh niishtunuu neu kaa chisteyihtaakusiyich chisheinuuh e uhchishkuukaapuushtawaatwaau kaye aniyuu kaa newiitwaauh kaa pimaatisiitwaau aweyuuh. E uskaayich nikamuwiniyuu chii nikamuuch. Namui maak kutak aweyuuh chika chii chischeyihtamiyuuh aniyuu nikamuniyuu kaa nikamutwaau mikw wiyawaau anichii peyakwaau mitaahtumitanuu miin nemitanuu neuwaau chishe mitaahtumitanuu kaa itashitwaau. Wesh eukw uchii kaa pimaachihiikutwaau Chishemanituu aschiihch uhchi.

Revelation 7:10

Chii iteuch maak e chishewetwaau, “Chishemanituu an kaa apit chisheuchimaau tehtapuwinihch ekw maak an Maanishchaanish ekute wehchipayihch pimaachihiiwewin.”