James 5:12 - Chishemanituu Utayimuwin: Kaa Uskaach Testament

¹² Niichishaanitikw, e itat awen cheshtinaash che ihtuutaman chekwaan ekaawii wii naspichitaapwe Chishemanituu utishinihkaasun e aapachihtaawat. Ekaawii itweh, ishpimihch e ishi taapweyin, maak kutach chekwaan chechii itweyin chechii cheshtinaashtaakusiyin taan e itweyin. E wii itweyin “Ehe,” mikw “Ehe” chipaa itwen, maak “Namui” e wii itweyin, mikw “Namui” chipaa itwen, ekw maak namui chika uhchi nishuuwanaachimukw Chishemanituu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᓃᒋᔖᓂᑎᒄ, ᐁ ᐃᑕᑦ ᐊᐌᓐ ᒉᔥᑎᓈᔥ ᒉ ᐃᐦᑑᑕᒪᓐ ᒉᒀᓐ ᐁᑳᐐ ᐐ ᓇᔅᐱᒋᑖᐺ ᒋᔐᒪᓂᑑ ᐅᑎᔑᓂᐦᑳᓱᓐ ᐁ ᐋᐸᒋᐦᑖᐗᑦ᙮ ᐁᑳᐐ ᐃᑗᐦ, ᐃᔥᐱᒥᐦᒡ ᐁ ᐃᔑ ᑖᐺᔨᓐ, ᒫᒃ ᑯᑕᒡ ᒉᒀᓐ ᒉᒌ ᐃᑗᔨᓐ ᒉᒌ ᒉᔥᑎᓈᔥᑖᑯᓯᔨᓐ ᑖᓐ ᐁ ᐃᑗᔨᓐ᙮ ᐁ ᐐ ᐃᑗᔨᓐ, ᐁᐦᐁ, ᒥᒄ ᐁᐦᐁ ᒋᐹ ᐃᑗᓐ, ᒫᒃ ᓇᒧᐃ ᐁ ᐐ ᐃᑗᔨᓐ, ᒥᒄ ᓇᒧᐃ ᒋᐹ ᐃᑗᓐ, ᐁᒄ ᒫᒃ ᓇᒧᐃ ᒋᑲ ᐅᐦᒋ ᓂᔔᓈᒋᒧᒄ ᒋᔐᒪᓂᑑ᙮

James 5:12 Iomraidhean Croise

1 Corinthians 11:34

E siiweyikwe awen, chiisaach chipaa miichisuu nete e ihtaat eshkw ekaa pechi takushihk. Uu maak e ishi nishtawiyekw namui chika uhchi ihtuutenaawaau chekwaan anit chechii uhchi nishuuwanaachimitaakw Chishemanituu. Takushiniyaane nete etituu miin chika chiskutamaatinaawaau.

James 1:16

Niichishaanitikw kaa saachihiitakuch suuhk kuiskw wii ishi nisituhtamukw uu.

James 1:19

Ekaawii wanichischisikw uu niichishaanitikw kaa saachihiitakuch. Misiwe awen suuhk muush yaakwaau chipaawii nituhtam, chipaa maamituneyihtam kaye taan waa itwet kaye namui tiiwehch chipaa uhchi chishuwaasuu.

1 Peter 4:8

Maauch maak e iteyihtaakuhch eukw uu chihchiwe chechii saachihiituyekw misiwe e tashiyekw wesh saachihiiwewin wepeyihtamuumakan mihchetu machihtwaawinh.

3 John 1:2

Chiya niwiichewaakan kaa saachihiitaan, chitayimiheshtamaatin misiwe chechii ishi miyupayin kaye chechii miyu pimaatisiyin. Chichischeyimitin e miyupayin chitahchaahkuhch.