James 4:8 - Chishemanituu Utayimuwin: Kaa Uskaach Testament

⁸ Peshuwaapamaahkw Chishemanituu ekw maak che peshuwaapamitaakw kaye chiyawaau. Kaasiitihchekw chiyawaau umachihtwaauch, ekw chiyawaau kaa ayimihehkaasuyekw payehchihtaakw chitehiiwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐯᔓᐙᐸᒫᐦᒄ ᒋᔐᒪᓂᑑ ᐁᒄ ᒫᒃ ᒉ ᐯᔓᐙᐸᒥᑖᒄ ᑲᔦ ᒋᔭᐙᐤ᙮ ᑳᓰᑎᐦᒉᒄ ᒋᔭᐙᐤ ᐅᒪᒋᐦᑣᐅᒡ, ᐁᒄ ᒋᔭᐙᐤ ᑳ ᐊᔨᒥᐦᐁᐦᑳᓱᔦᒄ ᐸᔦᐦᒋᐦᑖᒄ ᒋᑌᐦᐄᐙᐤ᙮

James 4:8 Iomraidhean Croise

Matthew 12:33

“Aniyuu taan e ishi nihtaauchihtaat miinishah mistikw ekut wehchi nisituunawaakanuut chekw mistikw an. Ekaa maak miyu nihtaauchit mistikw namui miywaauh aniyuuh miinisha.

Matthew 15:2

“Taan e ihtitwaau anichii chichischinuhamuwaakanich wehchi ekaa nanihiihtahkwaau aniyuu ihtuwiniyuu aniyehkaanaanich kuuhtaawiinuuch kaa aashuu miitahkwaau. Wesh namui ihtuutamuch wiyawaau chechii chishtaapautaatwaau utihchiiwaau eshkw ekaa miichisutwaau.”

Matthew 27:24

Iskutak maak neshituunahk Pilate ekaa chechii shaakuuchimaat aniyuuh iinuuh kaye piskunuu e ati chihchi machipayinaanuyich chii kaasiihtahcheu uhchishkuu aniyuuh iinuuh e ihtaayich. Ekw kaa itaat, “Namui wii niya nika uhchi ataameyihtaakusin che nipahaakanuut uu naapeu. Chiyawaau uu kaa ihtiyekw.”

ᐊᐸᔅᑕᓚᒡ 15:9

Eukw uyuu kaa ishi waapahtiiwet ekaa aahchiiuh iteyimaat aweyuuh. Chii payehchiheu e wepeyihtamuwaat umachihtwaawiniyuu iskutak kaa taapweyimikut.

2 Corinthians 7:1

Niwiichewaakanitikw, misiwe taan kaa itwet Chishemanituu cheshtinaash che ihtuutamaatahkw taapwe kata ihtuutam. Payehchihiisutaau maak ekaa mitun chechii ihtakuhch machihtwaawin chiiyuunaahch kaye chitahchaahkunaahch. Wesh ekut e nuuhkuhtaayihkw e nanihchiishtuuhkw Chishemanituu tekash e pachishteyimisuyihkw chechii atushkuukw.

1 Timothy 2:8

Nipukuseyimaauch misiwe naapeuch taanite e ati ihtaawaakwenich iskutak e ayimihaatwaau chechii uhpipayihtaatwaau utihchiiwaau mitun tekash e pachishteyimisutwaau Chishemanituu e ihtaayich. Mekwaach maak e ayimihaatwaau namui chipaa uhchi chichishkaakuuch chishuwaasuwiniyuu kaye namui chipaa uhchi ishinaakuniyuu achiyuu e chii chishuwaasiistuwaatwaau aweyuu.

Hebrews 10:22

Ekw maak chechii naatahkw Chishemanituu Jesus e uchisheayimiheuchimaamiihkw, mitun e taapwehtamukw che miyeyihtahk naatahkwe, ekaa che uhchi aataweyimitahkw. Chika chii naataanuu wesh tekash chichii wepeyihtamaakunuu chimachihtwaawinuuh. Tekash chii payehchihtaakanuu chitehiinuu ekw maak namui ekw chimakushkaateyihtamihiikunaanuu taan kaa chii ishi machituutamuhkw. Chii payehchihtaakanuu chiiyuunuu e miywaakamihch nipii.

Hebrews 7:19

Wesh aniyuuh wiishuwewinh Moses kaa pachishtinahk namui uhchii ihtuutaakuuch iinuuch chechii kuiskutaatisiitwaau. Mikw maak kutach chekwaan uste e miywaach chimiikunaanuu, eukuu aspeyimuwin. Aspeyimuwin ayaayihkwe eukuu che wiichihiikuyihkw chechii peshuwaapamihkw Chishemanituu.

James 1:8

Uu maak e ishinaakusuwane ekaawii pukuseyim Chishemanituu chechii miisk chekwaayuu.

James 3:17

An maak kachehtaaweyihtamuwin ishpimihch kaa uhchipayihch niishtam tekash payehkan, ekw miin e chiyaameyihtaakuhiiwemakahch, yuuspeyihtaakuhiiwemakahch, kaye ihtuutaakuu awen yaakwaau chechii nituhtawaat aweyuuh. Awen e ayaat uyuu kachehtaaweyihtamuwiniyuu naashch kata weyuuch chishewaatutaweu aweyuuh kaye mistahii chika miyutuutamaacheu, peyakunihch chika ishi kanawaapameu misiwe aweyuuh kaye namui mitun chika uhchi wii kakaataau taan nihaau e iteyihtaakusit.

1 Peter 1:22

E chii payehchihaakanuutwaau chitahchaahkuwaauch an uhchi e nanihiihtamekw taapwewin kaye maak e ishinaakusiyekw chihchiwe e saachihekuch chiichishaanuwaauch, suuhk saachihiitukw misiwe chitehiiwaahch uhchi.

1 Peter 3:21

An maak nipii, mwehch siikahaahtaachewin chii ishinaakun, siikahaahtaachewiniyuu maak eukw pemaachihiikut awen kaa taapwehtahk. Mikw maak e siikahaahtuwaakanuut awen namui wiiyuu chishtaapautaakanuuyuu. Nuukuhtaau Chishemanituuh e itaat taapwe Christ che nuushuushkuwaat. Pimaachihiikuu e siikahaahtuwaakanuut aniyuu uhchi Jesus Christ e chii wanishkaanaakanuyich nipuwinihch uhchi.

1 John 3:3

Misiwe maak awen uyeyuu kaa ishi aspeyimut nanaakataweyimisuu chechii payehchisiit mwehch Christ e ishi payehtisiyich.