James 4:3 - Chishemanituu Utayimuwin: Kaa Uskaach Testament

³ E nitutamaayekw namui chimiskenaawaau taan kaa ishi nitutamaayekw wesh namui miywaashuu chekwaan wehchi nitaweyihtamekw uyuuh chekwaayuuh. Chinitaweyihtenaawaau chekwaayuuh mikw chiyawaau chechii naniheyihtamihiisuyekw taan e ishi machi nituweyihtamekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐁ ᓂᑐᑕᒫᔦᒄ ᓇᒧᐃ ᒋᒥᔅᑫᓈᐙᐤ ᑖᓐ ᑳ ᐃᔑ ᓂᑐᑕᒫᔦᒄ ᐌᔥ ᓇᒧᐃ ᒥᔻᔔ ᒉᒀᓐ ᐌᐦᒋ ᓂᑕᐌᔨᐦᑕᒣᒄ ᐅᔫᐦ ᒉᒀᔫᐦ᙮ ᒋᓂᑕᐌᔨᐦᑌᓈᐙᐤ ᒉᒀᔫᐦ ᒥᒄ ᒋᔭᐙᐤ ᒉᒌ ᓇᓂᐦᐁᔨᐦᑕᒥᐦᐄᓱᔦᒄ ᑖᓐ ᐁ ᐃᔑ ᒪᒋ ᓂᑐᐌᔨᐦᑕᒣᒄ᙮

James 4:3 Iomraidhean Croise

Matthew 20:22

Ekw Jesus kaa itaat aniyuu ukusiyuu, “Namui chichischeyihtenaawaau an chekwaan kaa ishi nitutamaayekw. Chika chii ihtinaawaau aa chechii minihkweyekw taan e ishi ihtakuhch niminihkwaakanihch menihkweyaan anuhchiish. Chika chii ihtinaawaau aa chechii siikahaahtaakuyekw muyaam niya taan che ishi siikahaahtaakuyaan.” Ekw kaa itikut, “Ehe, nika chii ihtinaan.”

Mark 10:38

Mikw maak Jesus chii itikuuch, “Namui chichischeyihtenaawaau uu chekwaan kaa nituweyihtamekw. Chika chii ihtinaawaau aa chechii minihkweyekw taan e ishi ihtakuhch niminihkwaakanihch menihkweyaan anuhchiish. Chika chii ihtinaawaau aa chechii siikahaahtaakuyekw muyaam niya taan che ishi siikahaahtaakuyaan.”

Luke 11:10

Wesh tahtu awen kaa nitutamaat chika miyaakanuu. Kaye tahtu awen kaa naanituweyimaat Chishemanituu chika miskaweu, kaye tahtu awen kaa paapaawahiichet kata aapahamuwaakanuu.”

Luke 15:13

Namui chineush kaa ati tamihtinahk misiwe taan kaa ishi tipiyeusiit an ushiimaau ekw anite waahyuu aschiihch kaa ituhtet. ekute anite kaa meshtinahk ushuuliyaam e chiishkwepimaatisiit.

Luke 15:30

Uu chikus kaa chiishkwepimaatisiiwaachet chishuuliyaamiyuu iskweuh e chii maayeyimaat, anuhchiish chii takushinuu, chititishuwaataayuuh maak chechii nipahaakanuyich aniyuuh kaa taahchipuhaakanuyich mistusa chechii makushihaakanuut.’

James 4:1

Taanite wehchipayihch an e mashihiituyekw kaye e ayaasitemituyekw. Piihch anite e ihtaat awen mwehch e maasihchepayikwaauh ishinaakuniyuuh aniyuu chekwaayuu kaa mushteneyihtahk chechii naniheyihtamihiikut.

1 John 3:22

Chika miikunuu chekwaayuu e ishi nitaweyihtamuuhkw, e ihtuutamuhkw taan e itashumitahkw kaye e ihtuutamuhkw aniyuu chekwaayuuh neheyihtamihiikut.

1 John 5:14

Mwaau e ishi cheshtinaateyimuyihkw e ayimihiihkw Chishemanituu. Chiishpin chischeyihtamuhkwe kaye ihtuutamuhkwe utiteyihtamuwin chika ihtuutam taan e ishi nitutamuuhkw chechii ihtuutahk.