James 4:2 - Chishemanituu Utayimuwin: Kaa Uskaach Testament

² E nitaweyihtamekw chekwaan ekaa maak chii ayaayekw, chek mitun chiwii nipahaawaau awen. Naashch e mushteneyihtamekw chechii ayaayekw chekwaan ekaa maak chii wiihkuchihtamaasuyekw ekut wehchipayihch e mashihiituyekw kaye e aasitemituyekw. Namui maak chichii ayaanaawaau taan e ishi nitaweyihtamekw ekaa nitutamaayekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐁ ᓂᑕᐌᔨᐦᑕᒣᒄ ᒉᒀᓐ ᐁᑳ ᒫᒃ ᒌ ᐊᔮᔦᒄ, ᒉᒃ ᒥᑐᓐ ᒋᐐ ᓂᐸᐦᐋᐙᐤ ᐊᐌᓐ᙮ ᓈᔥᒡ ᐁ ᒧᔥᑌᓀᔨᐦᑕᒣᒄ ᒉᒌ ᐊᔮᔦᒄ ᒉᒀᓐ ᐁᑳ ᒫᒃ ᒌ ᐐᐦᑯᒋᐦᑕᒫᓱᔦᒄ ᐁᑯᑦ ᐌᐦᒋᐸᔨᐦᒡ ᐁ ᒪᔑᐦᐄᑐᔦᒄ ᑲᔦ ᐁ ᐋᓯᑌᒥᑐᔦᒄ᙮ ᓇᒧᐃ ᒫᒃ ᒋᒌ ᐊᔮᓈᐙᐤ ᑖᓐ ᐁ ᐃᔑ ᓂᑕᐌᔨᐦᑕᒣᒄ ᐁᑳ ᓂᑐᑕᒫᔦᒄ᙮

James 4:2 Iomraidhean Croise

John 16:24

Namui eshkw chuuhchi nitutamaanaawaau chekwaan nitishinihkaasuwinihch uhchi. Nitutamaakw ekw maak che miikuyekw, ekw maak tekash che miyeyihtamekw.”

John 4:10

Chii iteu maak Jesus aniyuuh iskweu, “Chischeyihtamuuhpane chekwaayuu e wii miiwet Chishemanituu kaye chischeyimiyin awen e aawiyaan, chiya chipaa kakwechimin chechii minihiitaan. An maak kaa pimaachihiiwemakahch nipii eukun an chipaa minihiitin.”

James 1:5

E ihtaakwe awen ekaa chischeyihtahk taan nihaau che ishikaapuushtahk chekwaayuu e nachishkahk Chishemanituu chipaa nitutamuweu kachehtaaweyihtamuwiniyuu. Chika miikuu maak. Wesh Chishemanituu weyuuch miyeu misiwe aweyuuh taan e ishi nitaweyihtamaakut chekwaayuu.

James 5:6

Chichii nishuuwanaachimaawaauch kaye chichii nipahaawaauch kaa kuiskutaatisiitwaau. Namui maak chinishkuushtaakuwaauch anichii awenichii uyuu kaa ihtuutawekuch.

1 John 3:15

Awen kaa uhkaataat wiichishaan kaa nipahiiwet ishinaakusuu. Chichischeyihtenaanuu maak unipahiiweu ekaa e ayaat kaachiche pimaatisiiwiniyuu.