James 4:16 - Chishemanituu Utayimuwin: Kaa Uskaach Testament

¹⁶ Mikw maak chihchiwe chititeyimisunaawaau kaye chimamiywaachimisunaawaau. Maayaatan an e ihtiyekw e mamiywaachimisuyekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᒥᒄ ᒫᒃ ᒋᐦᒋᐌ ᒋᑎᑌᔨᒥᓱᓈᐙᐤ ᑲᔦ ᒋᒪᒥᔻᒋᒥᓱᓈᐙᐤ᙮ ᒫᔮᑕᓐ ᐊᓐ ᐁ ᐃᐦᑎᔦᒄ ᐁ ᒪᒥᔻᒋᒥᓱᔦᒄ᙮

James 4:16 Iomraidhean Croise

1 Corinthians 5:6

Namui mitun ishinaakun chihchiwe chechii iteyimisuyekw. Chichischeyihtenaawaau apishiish uhpisikan e pachishtinikanuuch aaihkunaahch misiwe e ispichishtit an aaihkunaau uhpiyuu.

James 3:14

Machi uhteyihtamuwin maak e ayaawekwe chitehiiwaahch, maak mikw muush chiyawaau niikaan wii ishi pachishtinisuyekwe ekaawii maamihchimukw kaye ekaawii chika uhchi nanatayinaawaau e wii kaataayekw taapwewin.

1 John 2:16

Misiwe taan e itaatisiinaanuuhch utah aschiihch, e machi mushtenaapahtahk awen chekwaayuu, e ishi machi mushteneyihtahk, kaye aniyuu e maamihchisiit taan e ishi pimaatisiit, namui Chishemanituu e ihtaat uhchipayuu uu itaatisiiwin, utah aschiihch uhchiimakan.

Revelation 18:7

Mwehch kaa ishpish chii chisteyihtaakuhiisutwaau uchii iinuuch kaye mwehch kaa ishpish naashch misiwe chii ishi mamiyeyihtamihiisutwaau nanaahkuu e wii ishi wawehchihutwaau ekun mwehch ihtuutawaahkuch chechii ishpish macheyihtahkwaau taan che ishpish nanehkaateyimuhaakanuutwaau. Wesh uu ihtaawin mwehch e maamihchimut awen utehiihch ekun e aihch. Itwemakan, ‘Muyaam chisheuchimaaskweu nititapin. Namayeu kaa peyakut iskweu niya. Kaye namui wii niya nihtaa nika uhchi muushitaan taan e ishi misimeyihtahk iskweu e wanihaat unaapemh.’