James 4:12 - Chishemanituu Utayimuwin: Kaa Uskaach Testament

¹² Mikw peyakw awen chii miiweu wiishuwewiniyuu. Eukw maak mikw chechii wiyaaskunichet. Wiya mikw chika chii pimaachihiiweu kaye maak wiya mikw chika chii wanaachihiiweu. Awen maak chiya chechii wawiyaaskunat kutak awen.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᒥᒄ ᐯᔭᒄ ᐊᐌᓐ ᒌ ᒦᐌᐤ ᐐᔓᐌᐎᓂᔫ᙮ ᐁᐅᒄ ᒫᒃ ᒥᒄ ᒉᒌ ᐎᔮᔅᑯᓂᒉᑦ᙮ ᐎᔭ ᒥᒄ ᒋᑲ ᒌ ᐱᒫᒋᐦᐄᐌᐤ ᑲᔦ ᒫᒃ ᐎᔭ ᒥᒄ ᒋᑲ ᒌ ᐗᓈᒋᐦᐄᐌᐤ᙮ ᐊᐌᓐ ᒫᒃ ᒋᔭ ᒉᒌ ᐗᐎᔮᔅᑯᓇᑦ ᑯᑕᒃ ᐊᐌᓐ᙮

James 4:12 Iomraidhean Croise

Matthew 10:28

Ekaawii kushtaahkuch awenichii kaa nipahaatwaau aweyuuh. Chika chii nipaheuch aweyuu kaye chika chii wanaachihtaauch miiyuuyuu mikw maak namui chika chii wanaachiheuch ahchaahkwa. Chishemanituu maak eukw kushpaniishtuwaahkw an chechii wanaachihtaat miiyuuyuu kaye ahchaahkwa chechii wanaachihaat machishkutehch.

Luke 12:5

Chipechi wiihtamaatinaawaau awen an eukw chipaa kushtaawaau. Chishemanituu eukw e iteyihtaakusit chechii kushtekw wesh wii ayaau tipeyihchichewiniyuu chechii ishiwepinitaakw machishkutehch iskutak nipiyekwe. Ehe, nituhtuukw eukw uu taapwe Chishemanituu chipaa kushtaawaau.”

Romans 14:13

Ekun ekw ishpish wiyaaskunitutaau. Teyakuch chipaa ishi wiyeyihtenaanuu ekaa che uhchi ihtuutamuhkw chekwaan chechii ihtuutaakut chiichishaanuu chechii machituutahk.

Romans 14:4

Awen chiya kaa wii wiyaaskunimat kutak awen utaapachihaakanh. Anichii mikw e ishinaakuniyich chekwaayuu kaa miichitwaau atushkuweuch Chishemanituuh. Mikw uchimaamh chika wiyeyihtamiyuuh kuiskw e ihtikwe maak ekaa kuiskw e ihtikwe. Kuiskw maak chika ihtuu wesh kaschihuyuuh Chishemanituuh chechii yaaichikaapuuhiikut taapwehtamuwinihch.

Romans 2:1

Eukw maak uu wehchi ekaa mitun ishinaakuhch chechii wiyaaskunit awen. Wesh chiishpin e wiyaskunitwaau awenichii, chiya maak e ihtuutamuwane aniyuu kaa ishi wiyaskunitwaau, chiya tipiiwe chinishuuwanaachimisun.

Romans 9:20

Awen maak e iteyimisuyin chiya uyeyuu kaa ishi nishkweushihiit Chishemanituu. Chika chii aa itwemakan an saschuu puutai kaa wiischuuchinikanuuhch, “Chekwaan uu wehchi ishihiyin.”

Hebrews 7:25

Tekash chika chii pimaachiheu misiwe aweyuuh kaa taapweyimikut e naataayich Chishemanituuh. Wesh kaachiche pimaatisiyuu ekw maak muush chechii ayimiheshtamuwaat utiiniim.

James 5:9

Ekaawii memehch ititikw, niichishaanitikw, ekw maak namui chika uhchi wiyaaskunikunaawaau. Shaash peshuch pechi ihtaau wiyaaskunichesuu, shaash chekaat nuukushuu.