James 3:7 - Chishemanituu Utayimuwin: Kaa Uskaach Testament

⁷ Kaschihuu naapeu misiwe e iteyihtaakusiyich awesiisa chechii yuuspahaat. Kutak shaash chii yuuspaheu, muyaam piyeshiisha, nanaahkuu manichuusha, ekw maak namesa.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᑲᔅᒋᐦᐆ ᓈᐯᐤ ᒥᓯᐌ ᐁ ᐃᑌᔨᐦᑖᑯᓯᔨᒡ ᐊᐌᓰᓴ ᒉᒌ ᔫᔅᐸᐦᐋᑦ᙮ ᑯᑕᒃ ᔖᔥ ᒌ ᔫᔅᐸᐦᐁᐤ, ᒧᔮᒻ ᐱᔦᔒᔕ, ᓇᓈᐦᑰ ᒪᓂᒎᔕ, ᐁᒄ ᒫᒃ ᓇᒣᓴ᙮

James 3:7 Iomraidhean Croise

Mark 5:4

Mihchetwaau chii maahkupitaakanuyichen utihchii upuuchishiyaapii e aapataniyikwaau kaye usit chii mamechimaapiskahiikanuyuuh. Yaapach maak chii pischipitam aniyuu upuuchishiyaapiyuu kaye chii piikuhtataau aniyuu piywaapiskwa usitihch kaa chikamuyikwaauh. Mitun chii ashpashiheu aweyuu e wii mamechiminikut.

ᐊᐸᔅᑕᓚᒡ 10:12

Anit maak uyuu kaa pechi aashinikanuyich nanaahkuu awesiisa e ishinaakusiyich kaye manichuusha kaye piyeshiisha chii ihtaayuuh anit.

James 3:6

Mwehch ishkuteu kaa iteyihtaakuhch ekun e iteyihtaakuhch miteinii. Misiwe taan e ishi ihtakuhch machaatisiiwin utah aschiihch ekut miteiniihch e ihtakuhch, chiiyuunaahch maak ekute e ihtakuhch. Tekash wiinihiiwemakan taan e ishpishaach miiyuu. Uskach pemaatisiit awen tasine ishkuteu ishinaakuniyuu uteinii piihiim nepit, machishkutehch maak ekute wehchi saskahiikanuyich.

James 3:8

Mikw maak namui eshkw ihtaau awen chechii naanaakachihtaat taan e ishi ayimit. Namui chii yuuspihtaakanuu e ishpish maayaatahch miteinii. Mitun saakaschineu anite pihchipuwin kaa nipahiiwech.