James 3:2 - Chishemanituu Utayimuwin: Kaa Uskaach Testament

² Misiwe awen mihchetwaau wanipayuu. An awen ekaa wiiskaat kaa wanipayit taan e itwet namui ihtakuniyuu machaatisiiwiniyuu chechii ishi ataameyihtaakusit, kaye chii ihtuu chechii nanaakaataweyihtahk misiwe taan e ihtit.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒥᓯᐌ ᐊᐌᓐ ᒥᐦᒉᑣᐤ ᐗᓂᐸᔫ᙮ ᐊᓐ ᐊᐌᓐ ᐁᑳ ᐐᔅᑳᑦ ᑳ ᐗᓂᐸᔨᑦ ᑖᓐ ᐁ ᐃᑗᑦ ᓇᒧᐃ ᐃᐦᑕᑯᓂᔫ ᒪᒑᑎᓰᐎᓂᔫ ᒉᒌ ᐃᔑ ᐊᑖᒣᔨᐦᑖᑯᓯᑦ, ᑲᔦ ᒌ ᐃᐦᑑ ᒉᒌ ᓇᓈᑳᑕᐌᔨᐦᑕᐦᒃ ᒥᓯᐌ ᑖᓐ ᐁ ᐃᐦᑎᑦ᙮

James 3:2 Iomraidhean Croise

Matthew 12:34

Taanite chechii uhchi itweyekw chekwaan e miyuuhtaakuhch e machaatisiyekw maak mwehch chinepukuch e iteyihtaakusiyekw. Taan e ishi ayimit awen ekut wehchi chischeyihtaakusit taan e ishitehet.

Matthew 12:37

An taan e ishi ayimiyekw eukw an che aapatahch wiyaaskunikuyekwe. An taan e ishi ayimiyekw ekut che uhchi chischeyihtaakusiyekw kuiskw kaa ihtuwekwe maak ekaa kuiskw uhchi ihtuwekwe.”

Romans 3:10

Mwehch e itashtech anite Chishemanituu utayimuwinihch, Namui awen kuiskutaatisiiu. Namui waawaach peyakw awen.

Romans 7:21

Maau maak e ishi waapahtamaan muush e ispayaan. Aat waah miyutuutamaanh yaaitei muush asichipayuu e wii machituutamaan.

1 Corinthians 9:27

Misiwe e ishi nituweyihtaakuhch chechii ihtiyaan e kakwechiskatahiicheyaan tekash nipachishtinisun chechii ihtuutamaan. Wesh namui ninitaweyihten chechii wanihtaayaan taan nipaa ishi kaaniyuuhiikuun shaash wii e chii kacheschimakwaau kaa taapwehtahkwaau che ishi pimaatisiitwaau taan aniyuuh chipaa ishi pimaatisiyuuh aweyuuh e taapweyimaayich Christ.

Galatians 3:22

Namui maak ihtakun wiishuwewin an e iteyihtaakuhch. Itashteu Chishemanituu utayimuwinihch misiwe awen utah aschiihch kaa pimaatisiit tekash tipeyimikuu machaatisiiwiniyuu. Ekw maak Jesus Christ uhchi ekut che uhchi miiwet Chishemanituu taan aniyuuh cheshtinaash kaa itwet che miiwet. Misiwe maak anichii che taapweyimaatwaau Jesus eukunich che miikutwaau Chishemanituuh aniyuu kaa itweyich che miiweyich.

Galatians 5:17

Wesh aniyuu e ishi nituweyimitahkw Kaa payehchisiit Ahchaahkw chechii ishi pimaatisiyuuhkw namui chinaheyihtenaanuu chechii ihtuutamuhkw. Naashch taapwe aahchiiuh iteyihtaakun chiyaanuu taan waa ishi pimaatisiihkw e iteyihtaakuniyich Kaa payehchisiit Ahchaahkw e ishi nituweyimatahkw chechii ishi pimaatisiyuuhkw. Maashihiituumakanh uyuu niishu iteyihtamuwin utah e ihtaayihkw. Ekw maak Kaa payehchisiit Ahchaahkw waa nakaahutahkw e wii machituutamuhkw.

Colossians 1:28

Ekw maak misiwe awen e aayimuutamuwachiht Christ. Misiwe maak kachehtaaweyihtamuwin kaa ishi miikuuyaahch nitayaakwaamimaanaanich taan aniyuuh ekaa chipaa uhchi ihtuuch kaye suuhk niwii chischeyihtamihaanaanich taan aniyuuh chipaa ihtuuch. Uyuu maak e ihtuutuwachihtwaau eukw uyuu anite Chishemanituu ishi e ihtaayich chechii ituhtahiichihtwaau mitun e chiishi nihtaauchitwaau anite Christ ishi e ihtaayich.

Colossians 4:12

Miin kutak awen e ihtaayekw e uhchiit chiwaachiyemikuwaau eukw uu Epaphras. Kaye wiya atushkuweu Christ Jesus. Muush suuhk chitayimiheshtamaakuwaau e nitutamuwaat Chishemanituuh chechii yaaichikaapuuhiitaakw tekash e nanihiihtamuwekw utiteyihtamuwiniyuu mwehch e ihtitwaau anichii kaa chiishi nihtaauchitwaau kaye tekash kaa taapweyimaatwaau Jesus.

Hebrews 13:21

Mistahii chichii ihtuutamaakuwaau Chishemanituu Jesus uhchi ekw maak netutamuuk chechii miitaakw misiwe aniyuu kaa miywaayikwaau chekwaayuu e ishi nituweyihtamekw chechii ihtuutamuwekw utiteyihtamuwin. Nitayimihaau kaye chechii aapatisit anite chipimaatisiiwiniwaahch ekw maak chechii naniheyihtamihiikut aniyuu e itaatisiiwekw. Muush maak maamihchimaataau Jesus Christ kaachiche kaye kaachiche. Amen.

James 1:26

Awen e iteyimisut e kuiskutaatisiit mikw maak ekaa chii naanaakachihtaat taan e itwet, wiyeshihiisuu an awen. Namui wiyesh itaapataniyuu utayimihewin.

James 1:4

Yaaitei chika wii ihtuutaakunaawaau siipiiwesiiwin mitun chechii shaapushkamekw taan che ishi nanachishkamuwekwe. Ekw maak che mitunesiyekw, e misiwesiyekw chika ishinaakusinaawaau, namui mitun chika uhchi nuuhtaashkenaawaau taan chipaa iteyihtaakusinaawaau.

James 2:10

Wesh an awen misiwe aniyuu wiishuwewiniyuu kaa nanihiihtahk mikw maak peyakw chekwaayuu anit taan e itashteyich piikunahke misiwe aniyuu wiishuwewiniyuu e piikunahk ishinaakusuu.

1 Peter 3:10

Wesh itashteu masinahiikanihch, Awen taapwe waa miyeyihtamukwe e pimaatisiit kaye pekuseyimukwe chechii mamiyuupayit ekaawii kata uhchi machi ayimuu kaye ekaawii kata uhchi wiihchi nanatayuu.

1 Peter 5:10

Iskutak maak chiishi nanehkaateyimuyekwe chika ihtuutaakuwaau Chishemanituu miin chechii wiikaapuwekw, chika miikuwaau maskuushiiwiniyuu, chika yaaichikaapuuhiikuwaau, kaye chika sakascheyimuhiikuwaau. Chishemanituu an kaa ayaat misiwe shaweyihchichewiniyuu chiwiishaamikunuu chechii wiichihiiweyihkw anite kaachiche uchisteyihtaakusuwinihch Christ e ihtaayich uhchi.