James 3:18 - Chishemanituu Utayimuwin: Kaa Uskaach Testament

¹⁸ Uyuu e ishi pimaatisiit awen ayaaweu Chishemanituu uchiyaameyihtamuwiniyuu. Wiichiheu kaye kutak aweyuu chechii kuiskutaatisiyich chechii ayaayich Chishemanituu uchiyaameyihtamuwiniyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁸ ᐅᔫ ᐁ ᐃᔑ ᐱᒫᑎᓰᑦ ᐊᐌᓐ ᐊᔮᐌᐤ ᒋᔐᒪᓂᑑ ᐅᒋᔮᒣᔨᐦᑕᒧᐎᓂᔫ᙮ ᐐᒋᐦᐁᐤ ᑲᔦ ᑯᑕᒃ ᐊᐌᔫ ᒉᒌ ᑯᐃᔅᑯᑖᑎᓯᔨᒡ ᒉᒌ ᐊᔮᔨᒡ ᒋᔐᒪᓂᑑ ᐅᒋᔮᒣᔨᐦᑕᒧᐎᓂᔫ᙮

James 3:18 Iomraidhean Croise

Matthew 5:9

Shaweyihtaakusuuch anichii kaa miyupayihaatwaau aweyuu e machipayihkahtaatuyich, wesh Chishemanituu utawaashiimh chika ishinihkaataakanuuch.

John 4:36

An kaa maamuushtinahk aniyuu nihtaauchihchikanh chiishiihkawaakanuu. Mwehch an awen kaa wiichihaat aweyuu chechii ayaayich kaachiche pimaatisiiwiniyuu ekun e ishinaakusit. Ekw maak an kaa nihtaauchihchet kaye an kaa maamuushtinahk aniyuu nihtaauchihchikanh taapishkun che miyeyihtahkwaau wesh taapishkun chii aapatisuuch.

Galatians 6:8

Awen maak pisikw nitamukw kaa ishi pimaatisiit chika ishinaakuniyuu chek che ati wanaachihtaat upimaatisiiwin. Ekw maak awen mikw e ishi nituweyimikut Kaa payehchisiyich Ahchaahkw ishi pimaatisiite chika ayaau kaachiche pimaatisiiwiniyuu.

Philippians 1:11

Chitayimiheshtamaatinaawaau muush chechii miyutuutawekuch awenichii wesh chikuiskutaatisiinaawaau. Christ chitihtuutaakuwaau chechii miyutuutawekuch awenichii. Ekw maak Chishemanituu che chisteyimaakanuut kaye che maamihchimaakanuut.

Hebrews 12:11

Mikw maak namui naashch miyeyihtaakun e kuiskunaakanuut awen. Chitaahkuhiikunaanuu mekwaach e kuiskunikuyihkw. Mikw maak paatimaa chiwaapahtenaanuu taan e ishpish miyu wiichihiikuyihkw an e chii kuiskunikuyihkw. Ekw maak e ayaayihkw chiyaameyihtamuwin kaye kuiskutaatisiiwinihch chii wii ishi pimaatisiinaanuu.

James 1:20

E chishuwaasit awen namui kuiskw chii ihtuutam aniyuu kaa ishi nitaweyimikut Chishemanituu chechii ihtuutahk.