James 3:16 - Chishemanituu Utayimuwin: Kaa Uskaach Testament

¹⁶ Wesh taanite e ihtakuhch uhteyihtamuwin kaye muush niikaan e wii ishi pachishtinisunaanuuhch ekut e ihtakuhch wawaaneyihtamuwin kaye nanaahkuu machi ihtuwin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐌᔥ ᑖᓂᑌ ᐁ ᐃᐦᑕᑯᐦᒡ ᐅᐦᑌᔨᐦᑕᒧᐎᓐ ᑲᔦ ᒨᔥ ᓃᑳᓐ ᐁ ᐐ ᐃᔑ ᐸᒋᔥᑎᓂᓱᓈᓅᐦᒡ ᐁᑯᑦ ᐁ ᐃᐦᑕᑯᐦᒡ ᐗᐙᓀᔨᐦᑕᒧᐎᓐ ᑲᔦ ᓇᓈᐦᑰ ᒪᒋ ᐃᐦᑐᐎᓐ᙮

James 3:16 Iomraidhean Croise

Mark 3:25

Maak peyakutenuu awenichii machipayihkahtaatutwaawenich namui mitun kata uhchi miyupayuuch.

ᐊᐸᔅᑕᓚᒡ 19:29

Chek maak chii ati mihchetuuch anichii iinuuch e tepwetwaau. Chii niishuuch maak naapeuch, Gaius kaye Aristarchus e ishinihkaasutwaau anite Macedonia e chii uhchiitwaau, e chii wiichewaatwaau Paul. Eukw uyuu naapeuh kaa maakunaatwaau ekw kaa ishitaapaataatwaau anite iinuu kaa chii nishtuwiyich.

Romans 2:8

Ekw aniyuu kutak aweyuuh mikw wiyawaau kaa maamituneyimisuyich ekaa mitun kaa aapateyihtamiyich aniyuu taan e ishi kuiskunaakuniyich chechii ihtuutamiyich, pisikw kaa machituutamiyich, eukun uyuuh maauch aahkwaayaach che ishi wiyaaskunaat Chishemanituu.

1 Corinthians 14:33

Wesh taapaa chinitaweyimikunuu Chishemanituu ekaa chechii kachihkaawaachipayihtaayihkw chekwaan anit e ayimihaanuuhch. Nitaweyihtam misiwe chekwaayuu chechii miyupayiyich kaye maak chechii chiyaameyihtaakuniyich anit.

1 Corinthians 3:3

Eshkw ekun e ishi pimaatisiyekw e ishi pimaatisiitwaau anichii eshkw ekaa kaa pachishtinaatwaau Payehchi ahchaahkwa chechii pimipayihtaayich upimaatisiiwinawaauh. Wesh chimamacheyimitunaawaau kaye chimamachipayihkahtaatunaawaau. Ekut maak e nuukuhch eshkw e ishi pimaatisiyekw aniyuu taan e ishi pimaatisiitwaau anichii ekaa kaa taapwehtahkwaau.

2 Corinthians 12:20

Nikuspaneyihten utihtitakuche aahchiiuh che iteyihtaakusiyekw taan kaa ishi pukuseyimuyaan che iteyihtaakusiyekw. Maaskuuch kaye chiyawaau aahchiiuh chika iteyiminaawaau taan kaa ishi pukuseyimuyekw che iteyihtaakusiyaan. Nikuspaneyihten mihchetu anit e tashiyekw chechii aasitemituyekw chechii uhteyimituyekw chishuwaasuwin chechii ihtakuhch maak machipayihkahtaatuwin. Nikuspaneyihten mihchetu anit e tashiyekw chechii papukunuumuweyekw chechii maamaayeyimekuch kutakach awenichii maak chihchiwe chechii iteyimisuyekw kaye chechii mamukushkaachihekuch kutakach awenichii.

Galatians 5:20

Kaye maak manituuhkaanh e nuuchiishtuwaat kaye maamaahtaawaatisiiwiniyuu e mukushkaachishtaat. Uyuu e ishi pimaatisiitwaau awenichii wauhkaateyimituuch, mamachipayihkahtaatuuch, naashch taapwe wiihchi wauhteyimeuch aweyuuh, aahkuyuwesuuch, kaye muush wii naniikaaneyihtaakuhiisuuch. Kakatipaanipayiheuch aweyuuh kaye pahkaanihiisuuch wiyawaau taan waa ihtitwaau chechii ihtitwaau.

James 3:14

Machi uhteyihtamuwin maak e ayaawekwe chitehiiwaahch, maak mikw muush chiyawaau niikaan wii ishi pachishtinisuyekwe ekaawii maamihchimukw kaye ekaawii chika uhchi nanatayinaawaau e wii kaataayekw taapwewin.

1 John 3:12

Namui chipaa uhchi naspituwaanuu Cain. Machimanituuh chii tipeyimikuu aniyuu kaa nipahaat wiichishaan. Chekwaayuu maak wehchii nipahaat. Chii maayaataniyuu aniyuu taan kaa ihtit wiya, chii kuiskunaakuniyuu maak wii aniyuu taan kaa ihtiyich wiichishaan.