James 3:14 - Chishemanituu Utayimuwin: Kaa Uskaach Testament

¹⁴ Machi uhteyihtamuwin maak e ayaawekwe chitehiiwaahch, maak mikw muush chiyawaau niikaan wii ishi pachishtinisuyekwe ekaawii maamihchimukw kaye ekaawii chika uhchi nanatayinaawaau e wii kaataayekw taapwewin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᒪᒋ ᐅᐦᑌᔨᐦᑕᒧᐎᓐ ᒫᒃ ᐁ ᐊᔮᐌᑴ ᒋᑌᐦᐄᐙᐦᒡ, ᒫᒃ ᒥᒄ ᒨᔥ ᒋᔭᐙᐤ ᓃᑳᓐ ᐐ ᐃᔑ ᐸᒋᔥᑎᓂᓱᔦᑴ ᐁᑳᐐ ᒫᒥᐦᒋᒧᒄ ᑲᔦ ᐁᑳᐐ ᒋᑲ ᐅᐦᒋ ᓇᓇᑕᔨᓈᐙᐤ ᐁ ᐐ ᑳᑖᔦᒄ ᑖᐺᐎᓐ᙮

James 3:14 Iomraidhean Croise

Matthew 27:18

Chii chischeyimeu Pilate aniyuuh Jewa iinuuh kaa niikaanishkuwaayich e uhteyimaayich Jesus eukw aniyuu wehchi pachishtishuwaatamaakut.

John 16:2

Uchii Jewa iinuuch chika wiiwiitisinikuwaauch utayimiheukamikuwaahch. Ehe, chek taapwe chika utihchipayuu awen nipahiitaakwe che iteyihtahk Chishemanituu e wiichihaat.

ᐊᐸᔅᑕᓚᒡ 13:45

Iskutak maak anichii Jewa iinuuch wiyaapamaatwaau aniyuu mihchetu iinuu e wii nituhtamiyich, naashch chii uhteyihtamuch. Chiwii nishkuushtuweuch taan kaa itweyich Paul kaye chii maayeyimeuch.

ᐊᐸᔅᑕᓚᒡ 26:9

“Anite utaahch kaye niya kwaast nichii iteyihtamihiikuun chechii wanaachihtaayaan an miywaachimuwin Jesus Nazareth kaa uhchiit kaa aayimuumaakanuut.

ᐊᐸᔅᑕᓚᒡ 5:17

Ekw an chisheayimiheuchimaau, ekw maak misiwe aniyuuh kaa wiichihiikut aniyuu Sadducee kaa ishinihkaataakanuyitwaauh chii uhteyimeuch aniyuu apastalh ekw kaa naanituu miskahkwaau taanite chechii uhchi chipihchihaatwaau.

ᐊᐸᔅᑕᓚᒡ 7:9

“Peyakw maak aniyuu Jacob ukusisa Joseph chii ishinihkaasuyuuh. Aniyuu maak kutak ukusisa Jacob, chii uhteyimeuch aniyuu wiichishaanawaau Joseph. Chii ataawaacheuch aniyuu wiichishaanawaau chechii aapachihaakanuyich anite Egypt kaa ishinihkaateyich aschiiyuu. Mikw maak Chishemanituuh chii wiicheukuu Joseph.

Romans 1:29

Piihchishkaakuuch nanaahkuu machaatisiiwiniyuu kaye maayaatisiiwiniyuu, kaye piihchishkaakuuch mushtenamaachewiniyuu kaye uhkaateyimuwiniyuu. Tekash piihchishkaakuuch uhteyimuwiniyuu, kaye muush wii nipahiiweuch, kaye muush mamachipayihkahtuweuch aweyuuh, pishikw kaye wawiyesimuweuch, kaye tekash piihchishkaakuuch uhkaasuwewiniyuu. Pukunuumuweuch kaye,

Romans 13:13

Kuiskw ishi pimaatisiitaau che nuukuhch maak taapwe waashtewinihch e ishi pimaatisiihkw. Ekaawii chika uhchi wiichihiiwenaanuu e miyuuhkasunaanuuhch e wiinisuu ihtinaanuuhch kaye ekaawii wiichihiiwekw anite e minihkwaanuuhch. Ekaawii nanaahkuu chika uhchi ishi wiinisuu pimaatisiinaanuu. Ekaawii chika uhchi kachiihkaamitunaanuu. Ekaawii kaye chika uhchi wauhteyimitunaanuu.

Romans 2:17

Chiya maak wii Jewa kaa itiskaanesiyin maaskuuch chititeyihten e miyu kanawaapamisk Chishemanituu mikw aniyuu e chischeyihtamut Moses uwiishuwewin. Kaye chimaamihchimun Chishemanituu e utiiniimitutaask.

Romans 2:8

Ekw aniyuu kutak aweyuuh mikw wiyawaau kaa maamituneyimisuyich ekaa mitun kaa aapateyihtamiyich aniyuu taan e ishi kuiskunaakuniyich chechii ihtuutamiyich, pisikw kaa machituutamiyich, eukun uyuuh maauch aahkwaayaach che ishi wiyaaskunaat Chishemanituu.

1 Corinthians 13:4

Awen e saachihaat aweyuu naashch miyutuutaweu kaye siipiiwesiistuweu, namui kaye waauhteyihtam kaye namui maamihchimuu,

1 Corinthians 3:3

Eshkw ekun e ishi pimaatisiyekw e ishi pimaatisiitwaau anichii eshkw ekaa kaa pachishtinaatwaau Payehchi ahchaahkwa chechii pimipayihtaayich upimaatisiiwinawaauh. Wesh chimamacheyimitunaawaau kaye chimamachipayihkahtaatunaawaau. Ekut maak e nuukuhch eshkw e ishi pimaatisiyekw aniyuu taan e ishi pimaatisiitwaau anichii ekaa kaa taapwehtahkwaau.

1 Corinthians 5:2

Naashch aa maak chihchiwe chititeyimisunaawaau. Teyakuch chipaa macheyihtenaawaau. Chipaa iichenaawaau an naapeu uyuu kaa ihtit anit uhchi e ihtaayekw.

1 Corinthians 5:6

Namui mitun ishinaakun chihchiwe chechii iteyimisuyekw. Chichischeyihtenaawaau apishiish uhpisikan e pachishtinikanuuch aaihkunaahch misiwe e ispichishtit an aaihkunaau uhpiyuu.

2 Corinthians 12:20

Nikuspaneyihten utihtitakuche aahchiiuh che iteyihtaakusiyekw taan kaa ishi pukuseyimuyaan che iteyihtaakusiyekw. Maaskuuch kaye chiyawaau aahchiiuh chika iteyiminaawaau taan kaa ishi pukuseyimuyekw che iteyihtaakusiyaan. Nikuspaneyihten mihchetu anit e tashiyekw chechii aasitemituyekw chechii uhteyimituyekw chishuwaasuwin chechii ihtakuhch maak machipayihkahtaatuwin. Nikuspaneyihten mihchetu anit e tashiyekw chechii papukunuumuweyekw chechii maamaayeyimekuch kutakach awenichii maak chihchiwe chechii iteyimisuyekw kaye chechii mamukushkaachihekuch kutakach awenichii.

Galatians 5:15

Wii yaakwaamiikw maak. Muush machipayihkahtaatuyekwe kaye kachiihkaamituyekwe yaakwaah chihchiwe wanaachihiituyekwe.

Galatians 5:20

Kaye maak manituuhkaanh e nuuchiishtuwaat kaye maamaahtaawaatisiiwiniyuu e mukushkaachishtaat. Uyuu e ishi pimaatisiitwaau awenichii wauhkaateyimituuch, mamachipayihkahtaatuuch, naashch taapwe wiihchi wauhteyimeuch aweyuuh, aahkuyuwesuuch, kaye muush wii naniikaaneyihtaakuhiisuuch. Kakatipaanipayiheuch aweyuuh kaye pahkaanihiisuuch wiyawaau taan waa ihtitwaau chechii ihtitwaau.

Galatians 5:21

Wiihch mushteneyihtamuch, muush chiishkwepeuch, maausikuwiyuuch chechii wiinisuu ihtuutaatutwaau, kaye naashch namui mamestinamuch che ishi mamachi ihtuutahkwaau. Shaash chichii ayaakwaamitinaawaau miin maak chika ayaakwaaitinaawaau anichii uyuu kaa ishi pimaatisiitwaau namui Chishemanituuh uchisheuchimaawiniihch chika uhchi ishi tipeyihtaakusuuch.

Galatians 5:26

Ekaawii chika uhchi chihchiwe iteyimisunaanuu. Ekaawii chika uhchi wauhkaahiitunaanuu kaye ekaawii chika uhchi mamushtenamuwaanuuch awenichii.

Galatians 6:13

Namui waawaach nanihiihtamuch Jewa ayimiheu wiishuwewinh anichii kaa pachishtinisutwaau chechii chischinuwaachishwaakanuutwaau. Chinituweyimikuwaauch chechii chischinuwaachishukuwekw mikw chechii maamihchimutwaau kaye chiyawaau e chii ihtuutaataakuch chechii chischinuwaachishukuwekw.

Philippians 1:15

Taapwe kiipaa ihtaauch awenichii mikw e uhteyimitwaau maak e wii mamachipayihiitwaau eukw wehchi aayimuumaatwaau Christ. Ekw kutakach suuhk waawiihtamuch miywaachimuwiniyuu kuiskw e ihtitwaau.

Philippians 2:3

Namui chipaa uhchi ihtuuten chekwaan mikw chiya e maamituneyimisuyin. Maak mikw chechii uhchi mamiywaachimikuyin. Tipihteyimisukw, uste kutakach awenichii e iteyimekuch.

1 Timothy 2:4

an kaa nituweyimaat misiwe aweyuu chechii pimaachihuyich kaye chechii chischeyihtamiyich taapwewiniyuu.

1 Timothy 6:4

naashch taapwe chihchiwe iteyimisuu, kaye namui nihaau chischeyihtam aniyuu chekwaayuu waa ishi aayimuutahk. Wesh uste iteyihtam chechii aayimuutahk chekwaayuu anit chechii uhchi ekaa naniheyimitunaanuyich. Ekut maak utah wehchipayihch uhteyihtamuwin kaye e mamachipayihkahtaatunaanuuch kaye maayeyihchewin kaye nitawiin e itaakanuut awen.

Titus 3:3

Wesh kaye chiyaanuu peyakwaau chichii chiishkwepimaatisiinaanuu, namui chuuhchi nanihiihtuwaanuu Chishemanituu, chichii wiyeshihiikunaanuu kaye chichii shaakuuchihiikunaanuu nanaahkuu machi nituweyihtamuwinh kaye machi miyeyihtamuwinh. Pisikw chichii machaatisiinaanuu kaye chichii uhteyimaanuuch awenichii. Chichii uhkaataanuuch awenich kaye wiyawaau maak chichii uhkaateyimikunuuch.

James 1:18

Chichii miikunuu pimaatisiiwiniyuu anit uhchi aniyuu utayimuwin kaa taapwemakaniyich chiyaanuu niishtam chechii wiihkuchihiitahkw utah uyuu aschiiyuu.

James 3:16

Wesh taanite e ihtakuhch uhteyihtamuwin kaye muush niikaan e wii ishi pachishtinisunaanuuhch ekut e ihtakuhch wawaaneyihtamuwin kaye nanaahkuu machi ihtuwin.

James 5:19

Niichishaanitikw, peyakw anit e tashiyekw chiiwekaapuushtahke taapwewiniyuu, wiichihiikute maak aweyuuh miin chechii taapwehtahk,