James 2:8 - Chishemanituu Utayimuwin: Kaa Uskaach Testament

⁸ Taapwe maak chika miyutuutenaawaau nanihiihtamekwe an maauch kaa chisteyihtaakuhch wiishuwewin, an kaa itashtech Chishemanituu utayimuwinihch, “Saachihii kutak awen mwehch chii e ishpish saachihiisuyin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᑖᐺ ᒫᒃ ᒋᑲ ᒥᔪᑑᑌᓈᐙᐤ ᓇᓂᐦᐄᐦᑕᒣᑴ ᐊᓐ ᒫᐅᒡ ᑳ ᒋᔅᑌᔨᐦᑖᑯᐦᒡ ᐐᔓᐌᐎᓐ, ᐊᓐ ᑳ ᐃᑕᔥᑌᒡ ᒋᔐᒪᓂᑑ ᐅᑕᔨᒧᐎᓂᐦᒡ, ᓵᒋᐦᐄ ᑯᑕᒃ ᐊᐌᓐ ᒬᐦᒡ ᒌ ᐁ ᐃᔥᐱᔥ ᓵᒋᐦᐄᓱᔨᓐ᙮

James 2:8 Iomraidhean Croise

Matthew 22:39

An maak wiishuwewin miin maauch chesteyihtaakuhch eukw uu kaa itwemakahch, ‘Saachihiich kutakach awenichii mwehch chiya e ishpish saachihiisuyin.’

Matthew 25:21

‘Taapwe chimiyutuuten kaye taapwe chimiywaapatisin,’ chii itikuu aniyuu uchimaam. ‘Kuiskw e chii ishi aapatisiihkahtaman an e apishaashich taan kaa ishi pukuseyimikuyin ekw etituu e mishaakwaau chekwaayuu che pachishtinamaakuyin chechii uchimaahkahtaman. Aashtam pechi piihche, che pechi wiichihiyin taan e ishi miywaatamaan.’

Matthew 25:23

‘Taapwe chimiyutuuten kaye nuwach kaa miywaapatisiyin’ chii itikuu aniyuu uchimaam. ‘Kuiskw e chii ishi aapatisiihkahtaman an e apishaashich taan kaa ishi pukuseyimikuyin, etituu e mishaakwaau chekwaayuu chika pachishtinamaakuun chechii uchimaahkahtaman. Aashtam pechi piihche, che pechi wiichihiyin taan e ishi miywaataman.’

Matthew 7:12

“Taan e ishi nituweyimatwaau awenichii chechii ihtuutamaaskwaau ekun ihtuutamuuch. Eukw uu taapishkun e ishi chiskutamaachemakahch wiishuwewin kaye ekun kaa ishi waawiihtahkwaau uchischiwehiichesuuch.”

Romans 13:10

Awen e saachihaat wiichishaanh namui nihtaa kata uhchi wanituutaweu. E saachihaat awen wiichishaanh misiwe aniyuuh kacheskwewinh nanihiihtam.

Galatians 5:14

Tipituutam awen wiishuwewinh uyuu peyakw wiishuwewiniyuu e nanihiihtahk eukw chechii saachihaat wiichishaan mwehch wiya e ishpish saachihiisut.

Galatians 6:2

Maamiiskuch wiichihiitukw e aayimuhuyekw. Uu ihtiyekwe chika ihtuutamuwaanaawaau taan kaa itashuwet Christ.

Philippians 4:14

Taapwe chichii miyutuutuunaawaau kaa wiichihiyekw taan kaa ishi aayimihuyaan.

1 Thessalonians 4:9

Namui nituweyihtaakun chechii aayimuutamaatakuch taan chipaa ishi maamuu saachihiitunaawaau e wiichishaanihtuyekw chiyawaau kaa taapweyimekw Jesus wesh wiya Chishemanituu chichii chischeyihtamihiikuwaau taan chipaa ishi saachihiitunaawaau.

James 1:25

Chishemanituu uwiishuwewin naashch taapwe miyeyihtaakuniyuu kaye aapihkunikuuch awenichii. An maak awen yaakwaau kaa nituu chischeyihtahk uyuu wiishuwewiniyuu ekaa maak puuniit uyuu e ihtit, ekaa wanichischisit taan kaa ishi pehtahk, ihtuutahke taan e itashteyich anit, eukuu che shaweyimikut Chishemanituu misiwe taan e ihtit.

James 2:12

Chipaa ishi ayiminaawaau maak kaye chipaa ihtinaawaau mwehch awenichii eshkw che wiyaaskunaakanuutwaau aniyuu wiishuwewiniyuu kaa aapihkuniwemakaniyich uhchi.

James 2:19

Chitaapwehten aa mikw e peyakushit Chishemanituu. Miywaashuu uu e taapwehtaman. Kaye wiyawaau machiahchaahkuch taapwehtamuch uyuu, nanamipayuuch maak e ishpish sechisitwaau.

James 4:11

Niichishaanitikw ekaawii machaayimuumitukw. Awen e machaayimuumaat wiichishaan maak e wiyaaskunaat aatuweyihtam wiishuwewiniyuu kaye maak wiyaaskunam. Chiishpin weyaaskunamuwane wiishuwewin namui chinanihiihten kaye maak wiyaaskunichesuu chititahiisun.

1 Peter 2:9

Chiyawaau an kaa itiskaanesiyekw chichii wiyaapamikuwaau Chishemanituu kaye eukw chiyawaau maauch kaa niikaaneyihtaakusit chisheuchimaau utayimiheuchimaamh. Eukw chiyawaau kaa payehchisiitwaau kaa itiskaanesitwaau iinuuch, eukw chiyawaau Chishemanituu tipiiwe utiiniimih. Chiyawaau chichii wiyaapamikunaawaau chechii waawiihtamuwekw taan e ishi chisteyihtaakuniyikwaauh utayihtuwinh an kaa wiishaamitaakw wanitipiskusiiwinihch uhchi anite ishi umaamishkaach waashtewinihch.