James 2:3 - Chishemanituu Utayimuwin: Kaa Uskaach Testament

³ chisteyimat maak an kaa miisitisiit naapeu e itat, “Aashtam maa, ute e miywaach pechi apih.” Ekw maak itat an kaa chistimaatisiit naapeu, “Nete nituu niipuu,” maak itat, “Ute nisitihch pechi apih,”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒋᔅᑌᔨᒪᑦ ᒫᒃ ᐊᓐ ᑳ ᒦᓯᑎᓰᑦ ᓈᐯᐤ ᐁ ᐃᑕᑦ, ᐋᔥᑕᒻ ᒫ, ᐅᑌ ᐁ ᒥᔻᒡ ᐯᒋ ᐊᐱᐦ᙮ ᐁᒄ ᒫᒃ ᐃᑕᑦ ᐊᓐ ᑳ ᒋᔅᑎᒫᑎᓰᑦ ᓈᐯᐤ, ᓀᑌ ᓂᑑ ᓃᐴ, ᒫᒃ ᐃᑕᑦ, ᐅᑌ ᓂᓯᑎᐦᒡ ᐯᒋ ᐊᐱᐦ,

James 2:3 Iomraidhean Croise

Luke 23:11

Ekw maak Herod kaye ushimaakanshiimh chii wiyaahuuch Jesus e maayeyimaatwaau kaye aayaahch e ihtuutawaatwaau e pushchishkamutiyaatwaau akuhpiyuu e miywaashiyich. Ekw maak Herod kaau kaa chiiwetishihwaat Jesus, Pilate e ihtaayich.

2 Corinthians 8:9

Chichischeyimaawaau taan kaa ishi miyutuutamaachet Chitipeyihchikeminuu Jesus Christ. Chii weyuutisiyuu yaapach maak chii ihtuutaasuu chechii chistimaatisiit chiyaanuu uhchi. Chii nakatam wiya misiwe uweyuutisiiwin.

James 2:2

Utihtitaakw aahch e miisitisiit naapeu mekwaach e nishtawiyekw e ayimihaayekw, e ushaaushuuliyaanaapiskuyich maak taapichischehpisunh chichishkawaat, kaye maak naashch miywaashiyikwaau uchekwaanimh, chek maak miin kutak naapeu uhchi piihchet, naashch e chistimaatisiit kaye naashch e chistimaasinaakuniyikwaauh uchekwaanimh,

James 2:6

Ekw maak chiyawaau namui chichisteyimaawaauch anichii kaa chistimaatisiitwaau. Mikw maak namayeuch aa anichii kaa miisitisiitwaau naashch kaa wii ihtuutaataakuch, maak wiyaaskunicheukamikuhch kaa ituhtahiitaakuch.

Jude 1:16

Muush memehch itweuch uchii naapeuch. Muush kutak aweyuuh ataameyimeuch ekaa kekachihkaawaachipayitwaauh. Pisikw ihtuutamuch taan e ishi machi nituweyihtahkwaau chechii ihtitwaau. Naashch taapwe wii nanaapeumuuch. Aayaahch ihtuuch e miyu aayimuumaatwaau aweyuuh mikw e wii mamiyuupayihiisutwaau chechii ihtitwaau aniyuu taan waa ihtitwaau.