James 2:26 - Chishemanituu Utayimuwin: Kaa Uskaach Testament

²⁶ Wesh ekaa ihtaat ahchaahkw miiyuuhch nipiimakan an miiyuu. Ekun mwehch e ishinaakuhch taapwehtamuwin ekaa e asich ihtakuhch miyu atushchewin nipiimakan an taapwehtamuwin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁶ ᐌᔥ ᐁᑳ ᐃᐦᑖᑦ ᐊᐦᒑᐦᒄ ᒦᔫᐦᒡ ᓂᐲᒪᑲᓐ ᐊᓐ ᒦᔫ᙮ ᐁᑯᓐ ᒬᐦᒡ ᐁ ᐃᔑᓈᑯᐦᒡ ᑖᐺᐦᑕᒧᐎᓐ ᐁᑳ ᐁ ᐊᓯᒡ ᐃᐦᑕᑯᐦᒡ ᒥᔪ ᐊᑐᔥᒉᐎᓐ ᓂᐲᒪᑲᓐ ᐊᓐ ᑖᐺᐦᑕᒧᐎᓐ᙮

James 2:26 Iomraidhean Croise

Luke 23:46

Jesus maak chii ishi tepweu, “Nuuhtaawii, chiya e ihtaayin nipachishteyimaau nitahchaahkw chechii kanuweyimat.” Iskutak maak uyeyuu kaa itwet ekw kaa nipit.

Galatians 5:6

Namui wiyeshin chestinuwaachishukuwaahche maak ekaa chestinuwaachishukuwaahche e wiichewachiht Jesus Christ. An chihchiwe e iteyihtaakuhch eukuu chechii saachihiituyihkw e taapweyimahkw.

James 2:14

Niichishaanitikw, taan ishi wiyaahpach awen e itwet, nitaapweyimaau Chishemanituu, ekaa maak miyutuutamuwaat aweyuu. Katachii pimaachihiikuu aa mikw e itwet, nitaapwehten.

James 2:17

Ekun maak mwehch e ishinaakuhch awen e itwet, nitaapweyimaau Chishemanituu ekaa maak nuukuniyich taan e ishi miyutuutahk. Namui aapataniyuu utaapwehtamuwin.

James 2:20

Chinitaweyihten aa chechii waapahtiikuyin, chiya chiishkwehkaan, ekaa wiyesh ishinaakuniyich awen utaapwehtamuwin ekaa nuukuniyiche utatushchewin.