James 2:25 - Chishemanituu Utayimuwin: Kaa Uskaach Testament

²⁵ Mwehch an pisikwaatisiiskweu Rahab namui aa uhchi kuiskunaakuhaakanuu aniyuu uhchi taan kaa ihtit. Chii wiichiheu Jewa shimaakanisha e chii piihtakahaat wiichihch kaye maak e chii chihchitishahwaat kutachiyuu meskanaayuu e chii waapahtiyaat che aapachihtaayich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁵ ᒬᐦᒡ ᐊᓐ ᐱᓯᒀᑎᓰᔅᑴᐤ ᕃᐦᐋᑉ ᓇᒧᐃ ᐋ ᐅᐦᒋ ᑯᐃᔅᑯᓈᑯᐦᐋᑲᓅ ᐊᓂᔫ ᐅᐦᒋ ᑖᓐ ᑳ ᐃᐦᑎᑦ᙮ ᒌ ᐐᒋᐦᐁᐤ ᒎᐗ ᔑᒫᑲᓂᔕ ᐁ ᒌ ᐲᐦᑕᑲᐦᐋᑦ ᐐᒋᐦᒡ ᑲᔦ ᒫᒃ ᐁ ᒌ ᒋᐦᒋᑎᔕᐦᐙᑦ ᑯᑕᒋᔫ ᒣᔅᑲᓈᔫ ᐁ ᒌ ᐙᐸᐦᑎᔮᑦ ᒉ ᐋᐸᒋᐦᑖᔨᒡ᙮

James 2:25 Iomraidhean Croise

Matthew 1:5

Salmon maak chii ukusisuu Boaz, Rahab chii ukaawiyuu. Boaz maak chii ukusisuu Obed, Ruth chii ukaawiyuu. Obed maak chii ukusisuu Jesse,

Matthew 21:31

Taan maak yaakw anichii e niishitwaau naapeshach kaa nanihiihtuwaat uhtaawii.” Ekw Jesus kaa itikut aniyuu kaa kakwechimaat, “An ustesimaau.” Ekw Jesus kaa itaat, “Chiwiihtamaatinaawaau, anichii nitamukw kaa ihtitwaau chisheuchimaau e aapachihiikutwaau chechii maamuushtinamuwaatwaau ushuuliyaamiyuu ekw maak anichii pisikwaatisiiskweuch eukunich niishtam che piihchetwaau Chishemanituu uchisheuchimaawiniihch eshkw ekaa chiyawaau piihcheyekw.

ᐊᐸᔅᑕᓚᒡ 17:7

Jason maak anite wiichihch chii kanuweyimeche Paul ekw maak Silas. Namui maak nuuhchi miskawaanaanich aat e chii naanituweyimachihtwaau anite. Ekw maak Jason piyeshuwachiht kaye aniyuuh uwiichewaakanh. Misiwe aanuwehtamuch taan e itashteyich Chisheuchimaau Caesar uwiishuwewiniyuu, e itwetwaau e ihtaayich kutak Chisheuchimaau Jesus e ishinihkaasuyich,” eukw uyuu chipaa nanihiihtawaakanuyuu e itwetwaau.

Hebrews 11:31

Kaye maak aniyaanaa iskweu kaa chii ataawet wiiyuu, Rahab kaa ishinihkaasut, kaye wiya chii taapweyimeu Chishemanituu iskutak kaa piihtakahaat anite wiichihch aniyuu Israel iinuu kaa chiimuusaapahtamiyich aniyuu ihtaawiniyuu kaye kaa wiichihaat ekaa chechii nipahaakanuyich. Aniyuu maak kaa ihtit namui uhchi nipahaakanuu iskutak kaa nipahaakanuyich aniyuu iinuu anite Jericho kaa wiichiyich ekaa kaa nanihiihtuwaayich Chishemanituuh.

James 2:18

Kata chii ishinaakun pasch awenichii chechii itwetwaau, “Chitayaan taapwehtamuwin chiya, ekw niya nimiyu atushchen.” Nipaa itaau uu awen, “Pechi waapahtiih aahch chitaapwehtamuwin ekaa asitinaman chimiyuu atushchewin ekw maak che waapahtiitaan niya nimiyu atushchewin e asitinamaan anit nitaapwehtamuwin.”

James 2:22

Chiwaapahtamuwaan aa taan kaa ishi maamuu aapatisiimakaniyich utaapwehtamuwin ekw maak utatuschewin. Aniyuu utaapwehtamuwin chii mitunaakuniyuu utatuschewinihch uhchi.

James 2:24

Chiwaapahten maak, kuiskunaakuhaakanuu awen atushchewinihch uhchi namui mikw taapwehtamuwinihch uhchi.