James 2:23 - Chishemanituu Utayimuwin: Kaa Uskaach Testament23 Chii tipipayuu maak an kaa itashtech Chishemanituu utayimuwinihch, Abraham chii taapweyimeu Chishemanituu eukw maak wehchii iteyimikut e kuiskutaatisiit. Abraham maak Chishemanituu uwiichewaakan chii ishinihkaataakanuu. Faic an caibideilᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ23 ᒌ ᑎᐱᐸᔫ ᒫᒃ ᐊᓐ ᑳ ᐃᑕᔥᑌᒡ ᒋᔐᒪᓂᑑ ᐅᑕᔨᒧᐎᓂᐦᒡ, ᐁᑉᕋᐦᐊᒻ ᒌ ᑖᐺᔨᒣᐤ ᒋᔐᒪᓂᑑ ᐁᐅᒄ ᒫᒃ ᐌᐦᒌ ᐃᑌᔨᒥᑯᑦ ᐁ ᑯᐃᔅᑯᑖᑎᓰᑦ᙮ ᐁᑉᕋᐦᐊᒻ ᒫᒃ ᒋᔐᒪᓂᑑ ᐅᐐᒉᐙᑲᓐ ᒌ ᐃᔑᓂᐦᑳᑖᑲᓅ᙮ Faic an caibideil |
Ekw kaa itaat, “Niichishaanitikw, an kaa ishi niikaan wiihtaakuhch anite Chishemanituu utayimuwinihch yaaitei chii nituweyihtaakun misiwe chechii ispayihch. Eukw uyuu Kaa payehchisiit Ahchaahkw kaa ishi miyaat aniyaa David chechii niikaan wiihtamiyich taan che ihtiikupanenh Judas. Eukw uu Judas kaa ituhtahaat shimaakanisha Jesus e ihtaayich chechii maakunaayich.
Namui uhchi wepineu Chishemanituu utiiniimh, aniyuuh shaash anite weskach kaa wiyaapamaat wiya chechii tipiyeusiit. Chichischeyihtenaawaau taan e ishi aayimuumaakanuut Elijah anite Chishemanituu utayimuwinihch. Chii aayimuutamuweu Chishemanituuh taan kaa ishi ekaa maamuyaam uhchi ihtiyich Israel iinuuh, chii itweu,
Namui maak ihtakun wiishuwewin an e iteyihtaakuhch. Itashteu Chishemanituu utayimuwinihch misiwe awen utah aschiihch kaa pimaatisiit tekash tipeyimikuu machaatisiiwiniyuu. Ekw maak Jesus Christ uhchi ekut che uhchi miiwet Chishemanituu taan aniyuuh cheshtinaash kaa itwet che miiwet. Misiwe maak anichii che taapweyimaatwaau Jesus eukunich che miikutwaau Chishemanituuh aniyuu kaa itweyich che miiweyich.
Wesh itashteyuu Chishemanituu utayimuwinihch, Niya nichii wiyeyimaau an maauch chihchiwe kaa iteyihtaakusit asinii. Eukw maak uu asinii e aapachihiik e wiikaapuuhtaauch niwaaskaahiikanimiyuu anite Zionihch. An maak awen che taapweyimaakwe uyuu kaa wiyaapamach namui wiiskaat chika uhchi mihchiiweyihtam e taapweyimaat.