James 2:20 - Chishemanituu Utayimuwin: Kaa Uskaach Testament

²⁰ Chinitaweyihten aa chechii waapahtiikuyin, chiya chiishkwehkaan, ekaa wiyesh ishinaakuniyich awen utaapwehtamuwin ekaa nuukuniyiche utatushchewin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁰ ᒋᓂᑕᐌᔨᐦᑌᓐ ᐋ ᒉᒌ ᐙᐸᐦᑏᑯᔨᓐ, ᒋᔭ ᒌᔥᑴᐦᑳᓐ, ᐁᑳ ᐎᔦᔥ ᐃᔑᓈᑯᓂᔨᒡ ᐊᐌᓐ ᐅᑖᐺᐦᑕᒧᐎᓐ ᐁᑳ ᓅᑯᓂᔨᒉ ᐅᑕᑐᔥᒉᐎᓐ᙮

James 2:20 Iomraidhean Croise

Romans 1:21

Wesh maau kaa ishinaakuhch. Chii chischeyihtamuch taapwe e ihtaayich Chishemanituu, mikw namui uhchi wii chisteyimeuch taan chipaa ishi chisteyimeuch kaye namui uhchi wii nanaaskumeuch. Uyuu e ihtitwaau namui papaaspine uhchi iteyihtaakuniyuu taan kaa iteyihtahkwaau e iteyihtaakusiyich Chishemanituuh ekw maak namui mitun kuiskw uhchi ishi kanawaapahtamuch chekwaayuu.

Romans 3:28

Eukw maak uu e ishi wiihtamuhkw. E taapweyimaat awen Jesus ekut mikw wehchi ishinaakuniyich ukuiskutaatisiiu chechii ishi kanawaapamikut Chishemanituu, namui wii aniyuu e nanihiihtamuwaat uwiishuwewiniyuu.

Romans 9:20

Awen maak e iteyimisuyin chiya uyeyuu kaa ishi nishkweushihiit Chishemanituu. Chika chii aa itwemakan an saschuu puutai kaa wiischuuchinikanuuhch, “Chekwaan uu wehchi ishihiyin.”

Galatians 5:6

Namui wiyeshin chestinuwaachishukuwaahche maak ekaa chestinuwaachishukuwaahche e wiichewachiht Jesus Christ. An chihchiwe e iteyihtaakuhch eukuu chechii saachihiituyihkw e taapweyimahkw.

Galatians 6:3

Chiishpin awen chihchiwe e iteyimisut aat maak ekaa wiyesh iteyihtaakusit wiya tekash wiyeshimitisuu.

Colossians 2:8

Ekaawii maak awen chika uhchi wiyeshimikuwaau aniyuu uhchi taan e ishi nitamukw chiskutamaachet, wesh aniyuu taan e ishi taapwehtahk naapeuh chii aashuu chiskutamaacheyuu. Anichii ahchaahkuch kaa waawiishuwetwaau taan che ishi pimaatisiinaanuyich utah aschiihch wiyawaau e ihtaatwaau uhchipayiniyuu. Namui Christ e ihtaayich uhchipayiniyuu.

1 Timothy 1:6

Pasch maak awenich namui shaash aapateyihtamihiikuuch uyuu e ishi kuiskupimaatisiinaanuyich. Uste iteyihtamihiikuuch chechii aayimuutahkwaau aniyuu chekwaayuu ekaa mitun chekwaayuu ishi wiichihiikutwaau.

Titus 1:10

Wesh mihchetuuch awenichii ekaa wii nanihiihtamuwaatwaau Chishemanituu utayimuwiniyuu kaye wiyeshimeuch kutak aweyuu nitamukw e ishi ayimitwaau. Etituu maak iteyihtaakusuuch anichii kaa itwetwaau misiwe awen kaa taapwehtahk chipaa nanihiihtam wiishuwewiniyuu.

James 1:26

Awen e iteyimisut e kuiskutaatisiit mikw maak ekaa chii naanaakachihtaat taan e itwet, wiyeshihiisuu an awen. Namui wiyesh itaapataniyuu utayimihewin.

James 2:17

Ekun maak mwehch e ishinaakuhch awen e itwet, nitaapweyimaau Chishemanituu ekaa maak nuukuniyich taan e ishi miyutuutahk. Namui aapataniyuu utaapwehtamuwin.

James 2:26

Wesh ekaa ihtaat ahchaahkw miiyuuhch nipiimakan an miiyuu. Ekun mwehch e ishinaakuhch taapwehtamuwin ekaa e asich ihtakuhch miyu atushchewin nipiimakan an taapwehtamuwin.