Biblia Todo Logo
Bìoball air-loidhne

- Sanasan -




James 2:19 - Chishemanituu Utayimuwin: Kaa Uskaach Testament

19 Chitaapwehten aa mikw e peyakushit Chishemanituu. Miywaashuu uu e taapwehtaman. Kaye wiyawaau machiahchaahkuch taapwehtamuch uyuu, nanamipayuuch maak e ishpish sechisitwaau.

Faic an caibideil Dèan lethbhreac

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

19 ᒋᑖᐺᐦᑌᓐ ᐋ ᒥᒄ ᐁ ᐯᔭᑯᔑᑦ ᒋᔐᒪᓂᑑ᙮ ᒥᔻᔔ ᐆ ᐁ ᑖᐺᐦᑕᒪᓐ᙮ ᑲᔦ ᐎᔭᐙᐤ ᒪᒋᐊᐦᒑᐦᑯᒡ ᑖᐺᐦᑕᒧᒡ ᐅᔫ, ᓇᓇᒥᐸᔫᒡ ᒫᒃ ᐁ ᐃᔥᐱᔥ ᓭᒋᓯᑣᐤ᙮

Faic an caibideil Dèan lethbhreac




James 2:19
31 Iomraidhean Croise  

Iskutak maak wiyaapamikut Jesus aniyuuh naapeuh tiiwehch chii uhchi aashihkweyuuh e itweyich, “Jesus, taan waa ishiihkuuyaahch, chiya Chishemanituu Ukusisa, shaash aa chiwii pechi wawiisacheyihtamihiinaan eshkw maak ekaa utihchipayihch anit che wawiisacheyihtamuwaauhchipane.” Ekun kaa itikut aniyuuh niishu naapeuh.


Chii iteu, “Ekaawii wiyesh ihtuutuunaan, chiya Jesus Nazareth kaa uhchiyin. Chichii pechi takushin aa chechii wanaachihiyaahch. Chichischeyimitin awen chiya, eukw chiya kaa payehchisiit Chishemanituu kaa pechi itishahwaat.”


Jesus chii iteu, “Wiihtaakun Chishemanituu umasinahiikanihch an maauch niikaan e iteyihtaakuhch kacheskwewin. Itashteu, Nituhtamukw, chiyawaau Israel utiiniimh, Utipeyihchikeu Chichishemanituuminuu, eukuu mikw e peyakushit e Utipeyihchikeut.


ekw kaa tepwet e chishewet e itwet, “Jesus, chiya kaa Ukusiitutaask Chishemanituu maauch kaa ispeyihtaakusit, taan waa ishiihkuyin. Chititin e pehtuut Chishemanituu, ekaawii nanehkaateyimuhiih.”


Chii ati itweu miin Jesus, “Taapwe chikaschihunaawaau an e ihtiyekw ekaa aapateyihtamuwekw aniyuu taan kaa itashuwet Chishemanituu chiyawaau taan e ishi chiskutamaacheyekw teyakuch chechii chisteyihtamihiikuyekw.


“Taan waa ishiihkuuyaahch chii Jesus Nazareth kaa uhchiyin. Chiwii wanaachihiinaan aa wehchi takushiniyin. Chichischeyimitinaan awen chii. Chiya kaa pahkaanihiisk Chishemanituu chechii aapachihiisk.”


Maaute maak chechii uhchi ayaat awen kaachiche pimaatisiiwiniyuu, chischeyimiske chiya mikw e peyakushiyin e Chishemanituwiyin, kaye maak Jesus Christ chischeyimaate, aniyuu kaa pechi itishahumat.


Nichii papaanuushuushkaakunaan an ishkwesh e tepwet e itwet, “Chishemanituu maauch kaa chisteyihtaakusiyich atushkuweuch uchii naapeuch. Chika wiihtamaakuwaauch taanite chechii uhchi pimaachihuyekw.”


Ekw mikw aniyuu machiahchaahkwa chii nishkuushihiikuuch e itikutwaau, “Nichischeyimaanaan awen Jesus kaye Paul. Chiyawaau maak namui chichischeyimitinaan. Chekwaan maak che uhchi nanihiihtaataahch.”


Iskutak maak e ati aayimuutamiyich kuiskutaatisiiwiniyuu kaye che wii miyunaanaakataweyihtamihiikuyich aweyuu taan e ishi pimaatisiyich, kaye aniyuu eshkw che utihchipayiyich e chiishikaayich taanit Chishemanituuh misiwe aweyuu che wiyaaskunaayich, chii kushtaachuu Felix, ekw kaa itaat aniyuu Paul, “Ekute pitamaa. Shaash chika chii maachiin. Iskutak miin nihiipayaane ekw miin che wiishaamitaan.”


Wesh peyakushuu mikw Chishemanituu, taapishkun aniyuuh Jewa kaa itiskaanesitwaau ekw maak aniyuuh ekaa Jewa kaa itiskaanesitwaau kuiskutaatisiiwinihch chika ishi kanawaapameu taapweyimaatwaawenich Jesus.


Ekw maak waa aayimuutamaan e miichinaanuuhch miichim manituuhkaanich e chii pachishtinamuwaakanuutwaau. Chiwaapamaanuuch manituuhkaanich mikw maak chichischeyihtenaanuu ekaa mitun wiyesh iteyihtaakusitwaau. Kaye maak chichischeyihtenaanuu ekaa ihtaat kutak awen e Chishemanituut, mikw Chishemanituu.


chichischeyihtenaanuu wii chiyaanuu mikw e peyakushit Chishemanituu an wehtaawiimaaut, an misiwe chekwaayuu kaa usihtaat. Misiwe chekwaan Chishemanituu e ihtaat uhchipayuu, kaye maak eukuu pemaatisiistuuhkw. Kaye maak mikw peyakushuu Utipeyihchikeu, eukuu Jesus Christ. Wiya uhchi wehchii ihtakuhch misiwe chekwaan kaa ushihtaakanuuhch, kaye maak wiya uhchi wehchi ayaayihkw pimaatisiiwin.


E peyakushit maak awen chekwaayuu e ishi niskumut namui nituweyimeu ayimishtamaachesuu. Chishemanituu maak mikw peyakushuu wii.


Wesh peyakushuu Chishemanituu kaye peyakushuu an awen e naatamaachet chechii nachishkaatutwaau Chishemanituu ekw maak iinuu eukuu naapeu Jesus Christ.


Taapwe maak chika miyutuutenaawaau nanihiihtamekwe an maauch kaa chisteyihtaakuhch wiishuwewin, an kaa itashtech Chishemanituu utayimuwinihch, “Saachihii kutak awen mwehch chii e ishpish saachihiisuyin.”


Wesh ihtaauch ekaa mitun Chishemanituuwaatisiitwaau naapeuch chiimuut e chii uhchi ihtaatwaau mekwesiinuu anit e ihtaawekw. Nitamukw ishi chiskutamaacheuch e iteyihtaakuniyich Chishemanituuh ushaweyihchichewiniyuu. Itweuch ekaa wiyesh iteyihtaakuniyich awen aat nitamukw e itaatisiit wesh yaapach chika wepeyihtamaakuu Chishemanituu. Namui uhchi wii nanihiihtaweuch Utipeyihchikeu Jesus aniyuu wechimaamiihkw. Weskach maak anite, Chishemanituu umasinahiikanihch chii niikaan wiihtaakun anit eshkw che waweshihaakanuutwaau uchii.


Chischisiitutawaahkuch kaye anichii enchilich ekaa uhchi nanaakataweyihtahkwaau taan kaa ishpish miyaakanuutwaau tipeyihchichewiniyuu kaye kaa nakatahkwaau taanit kaa pachishtinaakanuutwaau chechii ihtaatwaau. Mekwaach kaachiche puuchisiyaapiih maahchikwaapihkaasuuch anite nihtaamihch tekash kaa ukaashteyaayich. ekute chepahukuutwaau Chishemanituu paatish utihchipayiyiche aniyuu naashch chesteyihtaakuniyich e chiishikaayich che wiyaaskunaakanuutwaau.


Ekw maak machimanituu, an kaa wiyeshimaat uyuuh aweyuu, kaa kaahchitinaakanuut ekw anite machishkuteu saakahiikanihch kaa ishuwepinaakanuut anite e ishkwaateyich chekwaayuu e usaawaapahteyich naashch e wiinimaasteyich. ekute shaash kaa ishuwepinaakanuyich aniyuu machi awesiis ekw maak aniyuu machi uchischiwehiichesuu. Kaachiche maak chika wiisacheyihtamuch e chiishikaayich kaye e tipiskaayich.


Lean sinn:

Sanasan


Sanasan