James 2:14 - Chishemanituu Utayimuwin: Kaa Uskaach Testament

¹⁴ Niichishaanitikw, taan ishi wiyaahpach awen e itwet, nitaapweyimaau Chishemanituu, ekaa maak miyutuutamuwaat aweyuu. Katachii pimaachihiikuu aa mikw e itwet, nitaapwehten.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᓃᒋᔖᓂᑎᒄ, ᑖᓐ ᐃᔑ ᐎᔮᐦᐸᒡ ᐊᐌᓐ ᐁ ᐃᑗᑦ, ᓂᑖᐺᔨᒫᐤ ᒋᔐᒪᓂᑑ, ᐁᑳ ᒫᒃ ᒥᔪᑑᑕᒧᐙᑦ ᐊᐌᔫ᙮ ᑲᑕᒌ ᐱᒫᒋᐦᐄᑰ ᐋ ᒥᒄ ᐁ ᐃᑗᑦ, ᓂᑖᐺᐦᑌᓐ᙮

James 2:14 Iomraidhean Croise

Matthew 5:20

Chiwiihtamaatinaawaau maak, eukw mikw chechii piihcheyekw an kihchikiishikw chisheuchimaawin etituu chiyawaau kuiskutaatisiyekwe ishpishaat anichii kaa chiskutamaachetwaau wiishuwewiniyuu kaye anichii Phariseech.”

Luke 3:11

Kaa itaat, “Awen e niishiniikwen utakuhpa peyakw aniyuu chipaa miyeu aweyuu ekaa ayaayich, maak kaye miichimiyuu e ayaakwe chipaa ashameu aweyuu ekaa umiichimiyich.”

Luke 6:49

Awen maak kaa nituhtahk e itweuch ekaa maak ihtuutahk ekun e ishinaakusit mwehch awen muhch aschiihch kaa wiikaapuuhtaat waaskaahiikaniyuu ekaa pitamaa ushihtaat e yaaitaniyich anit che chimateyich. Iskutak maak wetihchiputeyich aniyuu uwaaskaahiikanim, tiiwehch kaupayiniyuu ekw maak mitun naaspich wanaataniyich aniyuu uwaaskaahiikanim. Ekun e ishinaakusit awen ekaa kaa nanihiihtamuwaat Chishemanituu utayimuwiniyuu.”

ᐊᐸᔅᑕᓚᒡ 15:9

Eukw uyuu kaa ishi waapahtiiwet ekaa aahchiiuh iteyimaat aweyuuh. Chii payehchiheu e wepeyihtamuwaat umachihtwaawiniyuu iskutak kaa taapweyimikut.

ᐊᐸᔅᑕᓚᒡ 8:13

An maak Simon kaa maamaahtaawaatisiit chii taapwehtam kaye wiya kaye chii siikahaahtuwaakanuu. Ekw maak muush kaachii papaawiichewaat aniyuu Philip, chii miskaateyihtam kaye taan kaa ishi maamishkaach waapahtahk.

ᐊᐸᔅᑕᓚᒡ 8:21

Namui chika chii wiichaapatisiiminaan, wesh namui kuiskunaakun chipimaatisiiwin anite Chishemanituu e ihtaat.

Romans 2:25

Jewa e itiskaanesiyin chichii chischinuwaachishukuun chechii chischeyimikuyin Chishemanituu e utiiniimitutaask. Nanihiihtamute Chishemanituu uwiishuwewin chika wiichihiikun taapwe chischinuwaachishuwewin. Ekaa maak nanihiihtamute uwiishuwewin namui aapatan e chii chischinuwaachishukuyin.

1 Corinthians 15:2

Eukuu miywaachimuwin Jesus kaa aayimuumaakanuut kaa aayimuutamaan kaa kacheschimitakuch. Eukuu che pimaachihiikuyekw suuhk mamechiminamekwe. Ekaa maak uu ihtiyekwe ekw kiipaa sheshkwaaht e chii taapwehtamekw che ishinaakuhch ekaa pimaachihiikuyekwe.

1 Corinthians 16:22

Awen ekaa saachihaate Utipeyihchikeu, ekush chika waweshihiikuu Chishemanituu. Takushin maa, Utipeyihchikeu.

Galatians 5:13

Niichishaanitikw. Chichii wiyeyimikunaawaau chechii wiihkuchihiikuyekw taan e ishi maahchikwaapihkaasuyekw. Ekaawii mikw chika uhtaapachihunaawaau uu e chii wiihkuchihiikuyekw chechii tawiishtamekw chechii machituutamekw. Teyakuch chipaa waawiichihiitunaawaau e saachihiituyekw.

Galatians 5:6

Namui wiyeshin chestinuwaachishukuwaahche maak ekaa chestinuwaachishukuwaahche e wiichewachiht Jesus Christ. An chihchiwe e iteyihtaakuhch eukuu chechii saachihiituyihkw e taapweyimahkw.

1 Thessalonians 1:3

Nichischisinaan e ayimihiichiht Chishemanituu taan e ishi miyu atushkaatuyekw e taapweyimekw Utipeyihchikeu. Nichischisinaan taan e ishi miywaapatisiyekw e saachihekw Jesus. Nichischisinaan kaye taan e ishi suuhchikaapuuyekw e aspeyimututawekw Chitipeyihchikeminuu Jesus Christ.

1 Timothy 1:5

Wesh uyuu itashumitwaawenich ekut chechii uhchi saachihaatwaau aweyuu e payehkaniyikwaau utehiiwaau kaye e chischeyihtahkwaau kuiskw e chii ihtitwaau kaye maak e suuhcheyihtaakuniyich utaapwehtamuwinawaau. Wesh uu ishi nanaakataweyihtamihiikuyine chechii ishi wiihtamuutwaau ekute chechii uhchi tekash saachihaatwaau aweyuu utehiiwaahch.

1 Timothy 4:8

Ihtakuniyuu kiipaa taan e ishi wiichihiikut awen e sasaaupayihut. Ekw maak an awen suuhk muush kaa wii nanihiiwehaat Chishemanituu eukw uyuu etituu che wiichihiikut anuhchiish utah e pimaatisiit kaye maak anite ishi niishtaamihch.

Titus 1:16

Itweuch e chischeyimaatwaau Chishemanituuh mikw maak aniyuu e itaatisiitwaau nuukuniyuu ekaa taapwe chischeyimaatwaau Chishemanituu wesh naashch machaatisiyuuch. Namui mitun nanihiihtuweuch Chishemanituu kaye namui mitun iteyihtaakusuuch chechii miyutuutahkwaau.

Titus 3:8

Taapwemakan uu kaa itweyaan. Chinituweyimitin chechii siihchimatwaau anichii kaa taapweyimaatwaau Chishemanituu che wii miyutuutamuwaatwaau kutak aweyuu. Wesh miywaayuu kaye chika miyu wiichihiikuuch uyuu ihtuutahkwaawenich.

Hebrews 11:17

Miin maa maamituneyimaahkw Abraham. Aniyuu e chii ishpish taapwehtahk mitun chii wii ihtuutam chechii machishtawehamaat ukusisa Isaac. Eukw uyuu kaa wii ihtit Abraham wesh ekun kaa itashumikut Chishemanituu chechii ihtit e chii wii nituu chischeyimikut taapwe che nanihiihtamukwe. Mitun maak chii ayeskuwiyuu Abraham chechii ihtuutamuwaat taan kaa itashumikut Chishemanituu, aat e chii wiihtamuwaakanuut cheshtinaash che shaweyimaakanuut.

Hebrews 13:9

Yaakwaamiikw ekaa chechii wiyeshihiikuyekw chechii ati taapwehtamekw nanaahkuu nitamukw Chiskutamaachewinh. Wesh miywaashuu mitehii chechii yaaichikaapuuhch shaweyihchichewinihch, namui wii miichimihch. Wesh namui wiichihiikuu awen miichimiyuu chechii yaaichikaapuut taapwehtamuwinihch ishi.

James 1:16

Niichishaanitikw kaa saachihiitakuch suuhk kuiskw wii ishi nisituhtamukw uu.

James 2:16

taan ishi wiyaahpach mikw e itaat, “Chishemanituu chika shaweyimukw. Chiishuwaaspisuu kaye chiishpuhiisuh,” ekaa maak miyate aniyuuh chekwaayuu taan e ishi nitaweyihtahk.

James 2:18

Kata chii ishinaakun pasch awenichii chechii itwetwaau, “Chitayaan taapwehtamuwin chiya, ekw niya nimiyu atushchen.” Nipaa itaau uu awen, “Pechi waapahtiih aahch chitaapwehtamuwin ekaa asitinaman chimiyuu atushchewin ekw maak che waapahtiitaan niya nimiyu atushchewin e asitinamaan anit nitaapwehtamuwin.”

James 2:26

Wesh ekaa ihtaat ahchaahkw miiyuuhch nipiimakan an miiyuu. Ekun mwehch e ishinaakuhch taapwehtamuwin ekaa e asich ihtakuhch miyu atushchewin nipiimakan an taapwehtamuwin.

2 Peter 1:5

E waapahtamekw maak uu kaa ishpish wesa chii miyutuutamaakuyihkw, suuhk kuchihtaakw kuiskutaatisiiwin chechii nuukuhch an e taapwehtamekw. Ekw maak chikuiskutaatisiiwiniwaahch suuhk che wii ati ayaayekw chischeyihtamuwin, wetaach che wii miyu chischeyimekw Chishemanituu kaye utayimuwin wetaach che wii ati miyuu chischeyihtamuwekw.