James 2:12 - Chishemanituu Utayimuwin: Kaa Uskaach Testament

¹² Chipaa ishi ayiminaawaau maak kaye chipaa ihtinaawaau mwehch awenichii eshkw che wiyaaskunaakanuutwaau aniyuu wiishuwewiniyuu kaa aapihkuniwemakaniyich uhchi.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᒋᐹ ᐃᔑ ᐊᔨᒥᓈᐙᐤ ᒫᒃ ᑲᔦ ᒋᐹ ᐃᐦᑎᓈᐙᐤ ᒬᐦᒡ ᐊᐌᓂᒌ ᐁᔥᒄ ᒉ ᐎᔮᔅᑯᓈᑲᓅᑣᐤ ᐊᓂᔫ ᐐᔓᐌᐎᓂᔫ ᑳ ᐋᐱᐦᑯᓂᐌᒪᑲᓂᔨᒡ ᐅᐦᒋ᙮

James 2:12 Iomraidhean Croise

Luke 4:18

Utipeyihchikeu Utahchaahkwa nipiihchishkaakuyuu, wesh wiya nichii wiyaapamukw chechii wiihtamuukwaau kaa chistimaatisiitwaau miywaachimuwiniyuu. Nichii pechi itishahuukw chechii wiihtamuukwaau kaa maahchikwaapihkaasutwaau chechii aapihkunaakanuutwaau kaye anichii ekaa kaa waapahtahkwaau che waapahtahkwaau. Kaye anichii kaa nanehkaateyimuhaakanuutwaau chechii pachishtinaakanuutwaau.

John 8:32

Chika chischeyihtenaawaau taapwewin kaye chika aapihkunikunaawaau an taapwewin.”

Galatians 6:2

Maamiiskuch wiichihiitukw e aayimuhuyekw. Uu ihtiyekwe chika ihtuutamuwaanaawaau taan kaa itashuwet Christ.

Philippians 4:8

Niichishaanitikw, eshkw ekaa chiishihtaayaan e masinahamaatakuch peyakw miin chekwaan chika wiihtamaatinaawaau, Suuhk muush maamituneyihtamukw anihiih chekwaayuuh kaa miywaashikwaauh, anihiih kaa maamihchihiiwekwaauh, muyaam chekwaan e kuiskunaakuhch, chekwaan e chisteyihtaakuhch, kaye kuiskw ihtuwin, payehchi pimaatisiiwin, chekwaan e naheyihtamihiiwech ekw maak chekwaan e miyu tipaatutech.

Colossians 3:17

Misiwe chekwaan e ihtuutamekw kaye taan e itweyekw, Utipeyihchikeu Jesus utishinihkaasuwinihch chipaa ishi ihtuutenaawaau e nanaaskumekw Chishemanituu Kuuhtaawinuu wiya Jesus uhchi.

James 1:25

Chishemanituu uwiishuwewin naashch taapwe miyeyihtaakuniyuu kaye aapihkunikuuch awenichii. An maak awen yaakwaau kaa nituu chischeyihtahk uyuu wiishuwewiniyuu ekaa maak puuniit uyuu e ihtit, ekaa wanichischisit taan kaa ishi pehtahk, ihtuutahke taan e itashteyich anit, eukuu che shaweyimikut Chishemanituu misiwe taan e ihtit.

James 2:8

Taapwe maak chika miyutuutenaawaau nanihiihtamekwe an maauch kaa chisteyihtaakuhch wiishuwewin, an kaa itashtech Chishemanituu utayimuwinihch, “Saachihii kutak awen mwehch chii e ishpish saachihiisuyin.”