James 2:1 - Chishemanituu Utayimuwin: Kaa Uskaach Testament

¹ Niichishaanitikw, e taapweyimekw Utipeyihchikeu Jesus Christ an maauch chesteyihtaakusit, ekaawii aatuweyimaahkw awen, misiwe awen peyakunihch chipaa iteyimaawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᓃᒋᔖᓂᑎᒄ, ᐁ ᑖᐺᔨᒣᒄ ᐅᑎᐯᔨᐦᒋᑫᐤ ᒌᓴᔅ ᙭ ᐊᓐ ᒫᐅᒡ ᒉᔅᑌᔨᐦᑖᑯᓯᑦ, ᐁᑳᐐ ᐋᑐᐌᔨᒫᐦᒄ ᐊᐌᓐ, ᒥᓯᐌ ᐊᐌᓐ ᐯᔭᑯᓂᐦᒡ ᒋᐹ ᐃᑌᔨᒫᐙᐤ᙮

James 2:1 Iomraidhean Croise

Matthew 22:16

Chii itishahweuch maak uchischinuhamuwaakanawaau kaye Herod utaapachihaakaniyuu anite Jesus e ihtaayich. Ekw kaa itaatwaau aniyuu Jesus, “Chischinuhamaachesuu, chichischeyimitinaan taapwe e taapwemakahch taan e ishi chiskutamaacheyin kaye misiwe peyakunihch e ishi chiskutamuutwaau awenichii taan e ishi nituweyimikutwaau Chishemanituu chechii ishi pimaatisiitwaau. Namui mitun wiyesh chititeyihtamihiikuun taan che ati iteyihtamihiikutwaau awenichii taan e ishi chiskutamaacheut, kaye misiwe peyakunihch chititeyimaauch awenichii.

ᐊᐸᔅᑕᓚᒡ 10:34

Ekw maak Peter kaa ati ayimit, e itwet, “Ekw maak nesituhtamaan Chishemanituu peyakunihch misiwe e iteyimaat aweyuuh.

ᐊᐸᔅᑕᓚᒡ 20:21

e wiihtamuukwaau taapishkun Jewa kaye Greek kaa itiskaanesitwaau e nituweyihtaakusitwaau chechii kweskaatisiitwaau Chishemanituu e naataatwaau kaye chechii taapweyimaatwaau Chitipeyihchikeminuu Jesus Christ.

ᐊᐸᔅᑕᓚᒡ 24:24

Namui maak chineush, ekw miin kaa takushihk an chisheuchimaau Felix, wiichiskweu Drusilla e pechi wiichewaat. Jewa chii itiskaanesiyuu aniyuu wiichiskweu. Ekw kaa wiishaamaat Felix aniyuu Paul, kaa nituhtuwaat e aayimuutamiyich e taapweyimaakanuyich Jesus Christ.

ᐊᐸᔅᑕᓚᒡ 7:2

Ekw Stephen kaa itaat, “Niichishaanitikw kaye uhtaawiimaautikw. Pechi nituhtuukw. Chishemanituu kaa chisteyihtaakusit chii nuukushiishtaweu weskach aniyaa kuuhtaawiinuuh Abraham mekwaach kaa wiichiyich anite Mesopotamia aschiihch, eshkw ekaa Haran kaa ishinihkaateyich ihtaawiniyuu uhchi ishi aahtucheyich.

Romans 1:11

Naashch taapwe chiwii waapamitinaawaau chechii ayaayekw kaye chiyawaau aniyuu ahchaahkuu miyawewinh Chishemanituu kaa pechi miit chechii yaaichikaapuuyekw taapwehtamuwinihch.

1 Corinthians 2:8

Namui maak waawaach peyakw anichii kaa uchimaautwaau utah aschiihch uhchi nisihtuhtamuch uyuu kachehtaaweyihtamuwiniyuu wesh taapaa chipaa uhchi chiistaaskuhweuch aniyuu Utipeyihchikeuh maauch kaa chisteyihtaakusiyich chii chischeyihtamuwaakupanenich.

Colossians 1:4

wesh nichii pehtenaan taan e ishi taapweyimekw Christ Jesus kaye nichii pehtenaan taan e ishpish saachihekuch misiwe anichii kaa taapwehtahkwaau.

1 Timothy 1:19

Suuhk kanawaach taapwehta kaye suuhk muush kuiskw aihtih ekw maak namui chika uhchi mamishimeyihten ekaa machituutamane. Wesh ihtaauch anichii naashch ekaa papaameyihtamihiikutwaau taan chipaa ishi pimaatisiyuuch ekw maak kaa ati wanaachihtaatwaau utaapwehtamuwinawaau.

1 Timothy 5:21

Uu maak chititashumitin Chishemanituu kaye Jesus Christ kaye maak kaa payehchisiitwaau enchilich e pehtuutwaau, nanihiihta uu taan kaa itashumitaan anuhchiish. Misiwe chekwaan e ihtuutaman nuukuhtaa taapituu e iteyimitwaau misiwe awenichii.

Titus 1:1

Niya, Paul, kaa masinahamaataan. Niya Chishemanituu utaapachihaakan kaye Jesus Christ utapastalimh. Nichii itishahukuun chechii wiichihiimach aniyuuh iinuuh Chishemanituu kaa wiyaapamaat chechii taapweyimaayich Jesus. Nichii itishahukuun kaye chechii chiskutamuukwaau chechii chischeyihtahkwaau taapwewiniyuu ekw maak chechii itaatisiitwaau taan e ishi nituweyimikutwaau Chishemanituu chechii itaatisiitwaau.

Titus 2:13

Eukuu e ishi pimaatisiihkw e ashuwaapahtamuhkw cheshtinaash che ispayihch an e shaweyihtaakuhch e chiishikaach che takushihk an kaa suuhkaatisiit Chishemanituu kaye chipimaachihiiweminuu Jesus Christ e pechi nuukusit uchisteyihtaakusuwinihch.

Hebrews 1:3

An Ukusisimaau e ihtaat ekut wehchi chischeyihtaakuniyich Chishemanituu uchisteyihtaakusuwin, kaye Ukusisimaau tekash nispituweu taan e iteyihtaakusiyich. Wiya Ukusisimaau uchimaahkahtam aschiiyuu kaye misiwe chekwaayuu ishpimihch kaa ihtakuniyich. Utayimuwin kaa suuhcheyihtaakuniyich uhchi uchimaahkahtam misiwe uyuu. Chii pachishteyimitisuu chechii nipahaakanuut chechii uhchi payehchihaakanuyich aweyuuh e wepeyihtamuwaakanuyich umachihtwaawiniyuuh. Iskutak kaa chiishihtaat uyuu kaa ishi pachishteyimitisut ekw kaa waweyapihaakanuut anite unihiiwiniih Chishemanituu e ihtaayich aniyuu maauch e ispeyihtaakusiyich kihchikiishikuhch.

Hebrews 12:2

Kaye kanawaapamaataau Jesus, an kaa ihtuutaatahkw chechii taapwehtamuhkw. Wiya chiwiichihiikunuu wetaach chechii suuhchikaapuuyihkw chitaapwehtamuwinaahch paatish tekash chii nanihiiwehiihkwe Chishemanituu. Chii shaapushkam nipuwiniyuu asiteyaahtikuhch kaye namui mechim uhchi aapateyihtamihiikuu aat e chii maayeyimaakanuut kaye e chii nenehkaateyimuhaakanuut wesh mikw aniyuu taan che ishpish muuchicheyihtahk iskutak miyaaupayiche anit e nanehkaateyimut ekun aniyuu kaa maamituneyihtamihiikut. Ekw maak anuhchiish, wiya chuuchisheuchimaaminaanuu anite maak apuu Chishemanituu unihiiwiniihch iitehche.

James 1:16

Niichishaanitikw kaa saachihiitakuch suuhk kuiskw wii ishi nisituhtamukw uu.

James 1:19

Ekaawii wanichischisikw uu niichishaanitikw kaa saachihiitakuch. Misiwe awen suuhk muush yaakwaau chipaawii nituhtam, chipaa maamituneyihtam kaye taan waa itwet kaye namui tiiwehch chipaa uhchi chishuwaasuu.

James 2:3

chisteyimat maak an kaa miisitisiit naapeu e itat, “Aashtam maa, ute e miywaach pechi apih.” Ekw maak itat an kaa chistimaatisiit naapeu, “Nete nituu niipuu,” maak itat, “Ute nisitihch pechi apih,”

James 2:9

Chiishpin maak aahchiiuh iteyimekwe peyakw awen taan e iteyimekw kutak chimachituutenaawaau. Chitaapwemakunaawaau e machituutamekw wiishuwewin uhchi.

James 3:17

An maak kachehtaaweyihtamuwin ishpimihch kaa uhchipayihch niishtam tekash payehkan, ekw miin e chiyaameyihtaakuhiiwemakahch, yuuspeyihtaakuhiiwemakahch, kaye ihtuutaakuu awen yaakwaau chechii nituhtawaat aweyuuh. Awen e ayaat uyuu kachehtaaweyihtamuwiniyuu naashch kata weyuuch chishewaatutaweu aweyuuh kaye mistahii chika miyutuutamaacheu, peyakunihch chika ishi kanawaapameu misiwe aweyuuh kaye namui mitun chika uhchi wii kakaataau taan nihaau e iteyihtaakusit.

2 Peter 1:1

Niya Simon Peter. Jesus Christ nitatushkuwaau, wiya nichii wiyaapamikw apastal chechii itaapatisuuch. Chimasinahamaatinaawaau chiyawaau kaa ayaayekw taapwehtamuwin mwehch an e iteyihtaakuhch niyaan kaa ayaayaahch. Eukw uyuu taapwehtamuwiniyuu chipimaachihiiweminuu kaye Chichishemanituuminuu Jesus Christ kaa miitahkw. Wiya chitihtuutaakunuu chechii kuiskunaakusiyuuhkw Chishemanituu ishi e ihtaat.

Jude 1:16

Muush memehch itweuch uchii naapeuch. Muush kutak aweyuuh ataameyimeuch ekaa kekachihkaawaachipayitwaauh. Pisikw ihtuutamuch taan e ishi machi nituweyihtahkwaau chechii ihtitwaau. Naashch taapwe wii nanaapeumuuch. Aayaahch ihtuuch e miyu aayimuumaatwaau aweyuuh mikw e wii mamiyuupayihiisutwaau chechii ihtitwaau aniyuu taan waa ihtitwaau.

Revelation 14:12

Ekut uu wehchi nituweyihtaakusitwaau kaa taapwehtahkwaau, anichii kaa nanihiihtamuwaatwaau uwiishuwewinh kaye ekaa kaa puuniitwaau e taapweyimaatwaau Jesus ekaa chechii nuuhtipuuniitwaau uyuu e ihtitwaau.