James 1:5 - Chishemanituu Utayimuwin: Kaa Uskaach Testament

⁵ E ihtaakwe awen ekaa chischeyihtahk taan nihaau che ishikaapuushtahk chekwaayuu e nachishkahk Chishemanituu chipaa nitutamuweu kachehtaaweyihtamuwiniyuu. Chika miikuu maak. Wesh Chishemanituu weyuuch miyeu misiwe aweyuuh taan e ishi nitaweyihtamaakut chekwaayuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᐁ ᐃᐦᑖᑴ ᐊᐌᓐ ᐁᑳ ᒋᔅᒉᔨᐦᑕᐦᒃ ᑖᓐ ᓂᐦᐋᐤ ᒉ ᐃᔑᑳᐴᔥᑕᐦᒃ ᒉᒀᔫ ᐁ ᓇᒋᔥᑲᐦᒃ ᒋᔐᒪᓂᑑ ᒋᐹ ᓂᑐᑕᒧᐌᐤ ᑲᒉᐦᑖᐌᔨᐦᑕᒧᐎᓂᔫ᙮ ᒋᑲ ᒦᑰ ᒫᒃ᙮ ᐌᔥ ᒋᔐᒪᓂᑑ ᐌᔫᒡ ᒥᔦᐤ ᒥᓯᐌ ᐊᐌᔫᐦ ᑖᓐ ᐁ ᐃᔑ ᓂᑕᐌᔨᐦᑕᒫᑯᑦ ᒉᒀᔫ᙮

James 1:5 Iomraidhean Croise

Matthew 11:20

Anite maak aniyuu ihtaawinh Jesus maauch kaa ihtuutahk maamishkaach ihtuwinh anichii maak iinuuch kaa ihtaatwaau anit aniyuu ihtaawiniyuu yaapach namui uhchi kweskaatisiyuuch. Namui maak uhchi manaachimeu e itaat,

Mark 16:14

Paatimaa maak, Jesus chii nuukushiishtaweu aniyuu peyakushaap mekwaach e maamuumiichisuyich miichisuunaahtikuhch. Chii aanuweyimeu maak aniyuu e aanuwehtamiyich kaye e miskauteheyich, ekaa uhchi wii taapwehtawaayich aniyuu chischinuhamuwaakanh aniyuuh kaa waapamikuyich paatimaa kaa wanishkaanaakanuut.

John 14:13

Nika ihtuuten taan e ishi nitutamaayekw nitishinihkaasuwin aapachihtaayekwe, ekw maak che nuukuhch e ishpish chisteyihtaakusit Chishemanituu aniyuu uhchi taan e ishi ihtuutamiyich Ukusisa.

John 15:7

Niya maak e ihtaayaan muush ishi pimaatisiyekwe kaye nititwewinh piihchishkaakuyekwe mikw taan che ishi nitutamaawekwe chekwaan eukun an che ihtuutamaakuyekw.

John 4:10

Chii iteu maak Jesus aniyuuh iskweu, “Chischeyihtamuuhpane chekwaayuu e wii miiwet Chishemanituu kaye chischeyimiyin awen e aawiyaan, chiya chipaa kakwechimin chechii minihiitaan. An maak kaa pimaachihiiwemakahch nipii eukun an chipaa minihiitin.”

2 Corinthians 2:16

Anichii maak che wanishihkwaau awenichii mwehch chekwaan kaa nipahiiwech ekun e ishimaahtahkwaau uyuu kaa wiihchimaakusiyich, ekw anichii che pimaachihutwaau awenichii mwehch an chekwaan che pimaachihiiwech ekun e ishimaahtahkwaau uyuu. Awen maak tiyepicheyihtaakusit uyuu chechii itaapatisit miywaachimuwiniyuu e waawiihtahk.

James 1:17

Misiwe miiwewin kaa miywaashich kaye kaa mitunesiimakahch anite ishpimihch uhchipayuu, anite Chishemanituu e ihtaat. Eukuu Chishemanituu kaa ushihtaat misiwe waashtewiniyuu anite chiishikuhch. Muush peyakunihch iteyihtaakusuu, namui ishinaakusuu mwehch e takaashtehtihch chekwaan weipishchiish mikw kaachii nuukuhch.

James 3:17

An maak kachehtaaweyihtamuwin ishpimihch kaa uhchipayihch niishtam tekash payehkan, ekw miin e chiyaameyihtaakuhiiwemakahch, yuuspeyihtaakuhiiwemakahch, kaye ihtuutaakuu awen yaakwaau chechii nituhtawaat aweyuuh. Awen e ayaat uyuu kachehtaaweyihtamuwiniyuu naashch kata weyuuch chishewaatutaweu aweyuuh kaye mistahii chika miyutuutamaacheu, peyakunihch chika ishi kanawaapameu misiwe aweyuuh kaye namui mitun chika uhchi wii kakaataau taan nihaau e iteyihtaakusit.

James 5:16

Waawiihtamaatukw maak chimachituutamuwinawaauh kaye ayimiheshtamaatukw chechii uhchi miinuwaatisiyekw. Aniyuu taan e ishi ayimihaat awen e kuiskutaatisiit, naashch taapwe suuhchipayiniyuu taan e ishi ihtuutaachemakaniyich.

1 John 3:22

Chika miikunuu chekwaayuu e ishi nitaweyihtamuuhkw, e ihtuutamuhkw taan e itashumitahkw kaye e ihtuutamuhkw aniyuu chekwaayuuh neheyihtamihiikut.