James 1:4 - Chishemanituu Utayimuwin: Kaa Uskaach Testament

⁴ Yaaitei chika wii ihtuutaakunaawaau siipiiwesiiwin mitun chechii shaapushkamekw taan che ishi nanachishkamuwekwe. Ekw maak che mitunesiyekw, e misiwesiyekw chika ishinaakusinaawaau, namui mitun chika uhchi nuuhtaashkenaawaau taan chipaa iteyihtaakusinaawaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᔮᐃᑌᐃ ᒋᑲ ᐐ ᐃᐦᑑᑖᑯᓈᐙᐤ ᓰᐲᐌᓰᐎᓐ ᒥᑐᓐ ᒉᒌ ᔖᐳᔥᑲᒣᒄ ᑖᓐ ᒉ ᐃᔑ ᓇᓇᒋᔥᑲᒧᐌᑴ᙮ ᐁᒄ ᒫᒃ ᒉ ᒥᑐᓀᓯᔦᒄ, ᐁ ᒥᓯᐌᓯᔦᒄ ᒋᑲ ᐃᔑᓈᑯᓯᓈᐙᐤ, ᓇᒧᐃ ᒥᑐᓐ ᒋᑲ ᐅᐦᒋ ᓅᐦᑖᔥᑫᓈᐙᐤ ᑖᓐ ᒋᐹ ᐃᑌᔨᐦᑖᑯᓯᓈᐙᐤ᙮

James 1:4 Iomraidhean Croise

Matthew 10:22

Misiwe awenichii chika uhkaatikuwaauch e nuushuushkuwiyekw. An maak awen ekaa che nuuhtipuuniyikwe e pechi nuushuushkuut eukw an che pimaachihaakanuut.

Matthew 19:20

Ekw an naapeu kaa itwet, “Kaa pechi awaashiyuuyaan shaash nichii nanihiihten uyuuh kacheskwewinh. Chekwaan maak yaapach eshkw nipaa ihtuuten.”

Matthew 5:48

Muyaam Kuuhtaawii kihchikiishikuhch kaa ihtaat kaa ishpish tekash mitunisiit ekun mwehch kaye chiya chipaa ishi mitunisiin.”

Mark 10:21

Jesus chii kanawaapameu e saachihaat ekw kaa itaat, “Peyakw chekwaan eshkw namui chitayaan. Maachiih nituu ataawe misiwe taan e ishi ayaayin ekw an shuuliyaau kaa chistimaatisiitwaau che miyatwaau, ekw maak che ayaayin miisitisiiwin anite kihchikiishikuhch. Chii ihtuutamane maak uu ekw che pechi nuushuushkuwiyin.”

Luke 18:22

Iskutak maak Jesus piyehtawaat uyuu e itweyich chii iteu, “Eshkw maak peyakw chekwaan miin nituweyihtaakun chechii ihtuutaman. Ataawe misiwe taan e ishi ayaayin, ekw an shuuliyaau kaa chistimaatisiitwaau che miitwaau. Ekw maak che ayaayin miisitisiiwin kihchikiishikuhch kaa ihtakuhch. Chii ihtuutamane maak uu ekw maak che pechi nuushuushkuwiyin.”

Luke 21:19

Chika ayaanaawaau chihchiwe pimaatisiiwin ekaa nuuhtipuuniyekwe e nuushuushkuwiyekw.”

Luke 8:15

An maak shuumin kaa miyu nihtaauchit e miyuskamikaayich aschiihch mwehch eukw e ishinaakusitwaau anichii awenichii kaa nituhtahkwaau Chishemanituu utayimuwiniyuu. Nanihiihtamuch, kaye kanuweyihtamuch. Kanawaach taapwehtamuch e siipiiwesiitwaau ekw maak chek e miyu miinishuutwaau upimaatisiiwiniwaahch.”

John 17:23

Niya e piihchishkuukwaau ekw maak chiya e pechi piihchishkuwiyin ekut chechii uhchi tekash peyakutwaau. Ekut maak chechii uhchi taapwehtahkwaau awenichii utah aschiihch kaa ihtaatwaau chiya taapwe e chii pechi itishahuyin kaye maak taapwe e saachihiitwaau mwehch niya e ishpish saachihiyin.”

1 Corinthians 2:6

Anichii awenich kaa miyu nihtaauchitwaau taapwehtamuwinihch ninisituhtaakunaanich kachehtaaweyihtamuwinihch e ishi ayimihiichihtwaau. Namayeu maak an kachehtaaweyihtamuwin awenich utah aschiihch chihchiwe kaa iteyihtahkwaau kaa aayimuutamaan. Namayeu kaye an kachehtaaweyihtamuwin chihchiwe chekwaan kaa iteyihtahkwaau anichii awenich kaa uchimaautwaau. Wesh aniyuu wiyawaau ukachehtaaweyihtamuwinawaau chika iskwaapayiniyuu.

Galatians 6:9

Ekaawii chika uhchi saskachiinaanuu e miyutuutamuhkw. Wesh kata utihchipayuu taanite che miikuyihkw chitipahamaakusiiwinuu ekaa puuniikwe e miyutuutamuhkw.

Colossians 4:12

Miin kutak awen e ihtaayekw e uhchiit chiwaachiyemikuwaau eukw uu Epaphras. Kaye wiya atushkuweu Christ Jesus. Muush suuhk chitayimiheshtamaakuwaau e nitutamuwaat Chishemanituuh chechii yaaichikaapuuhiitaakw tekash e nanihiihtamuwekw utiteyihtamuwiniyuu mwehch e ihtitwaau anichii kaa chiishi nihtaauchitwaau kaye tekash kaa taapweyimaatwaau Jesus.

1 Thessalonians 5:23

Ninitutamuwaau Chishemanituu an kaa miiwet chiyaameyihtamuwiniyuu mitun tekash chechii payehchihiitaakw. Ninitutamuwaau chitahchaahkuwaauh, kaye chimituneyihchikanawaauh kaye maak chiiyuuwaauh chechii kanuweyihtaakuhkwaau ekaa mitun chekwaan chechii ishi ataameyihtaakuhkwaauh iskutak takushihke Chitipeyihchikeminuu Jesus Christ.

2 Timothy 3:17

Ekw maak an awen kaa atushkuwaat Chishemanituu che mitunesiit, mitun e ayeskuwiit chechii miyu atushkuwaat Chishemanituu.

Hebrews 13:21

Mistahii chichii ihtuutamaakuwaau Chishemanituu Jesus uhchi ekw maak netutamuuk chechii miitaakw misiwe aniyuu kaa miywaayikwaau chekwaayuu e ishi nituweyihtamekw chechii ihtuutamuwekw utiteyihtamuwin. Nitayimihaau kaye chechii aapatisit anite chipimaatisiiwiniwaahch ekw maak chechii naniheyihtamihiikut aniyuu e itaatisiiwekw. Muush maak maamihchimaataau Jesus Christ kaachiche kaye kaachiche. Amen.

James 1:5

E ihtaakwe awen ekaa chischeyihtahk taan nihaau che ishikaapuushtahk chekwaayuu e nachishkahk Chishemanituu chipaa nitutamuweu kachehtaaweyihtamuwiniyuu. Chika miikuu maak. Wesh Chishemanituu weyuuch miyeu misiwe aweyuuh taan e ishi nitaweyihtamaakut chekwaayuu.

James 3:2

Misiwe awen mihchetwaau wanipayuu. An awen ekaa wiiskaat kaa wanipayit taan e itwet namui ihtakuniyuu machaatisiiwiniyuu chechii ishi ataameyihtaakusit, kaye chii ihtuu chechii nanaakaataweyihtahk misiwe taan e ihtit.

1 Peter 5:10

Iskutak maak chiishi nanehkaateyimuyekwe chika ihtuutaakuwaau Chishemanituu miin chechii wiikaapuwekw, chika miikuwaau maskuushiiwiniyuu, chika yaaichikaapuuhiikuwaau, kaye chika sakascheyimuhiikuwaau. Chishemanituu an kaa ayaat misiwe shaweyihchichewiniyuu chiwiishaamikunuu chechii wiichihiiweyihkw anite kaachiche uchisteyihtaakusuwinihch Christ e ihtaayich uhchi.

2 Peter 1:9

Ekw maak an awen ekaa mitun kaa ihtakuniyikwaauh uyuu chekwaayuu upimaatisiiwinihch mwehch ekaa mitun waahiyuu kaa ishi waapahtahk awen ishinaakusuu, waawaach awen ekaa kaa waapahtahk iteyihtaakusuu, wanichischisiitutam kaye taan kaa ishi payehchihaakanuut umachihtwaawinihch uhchi, taan kaa ishi wepeyihtamuwaakanuut.