James 1:26 - Chishemanituu Utayimuwin: Kaa Uskaach Testament

²⁶ Awen e iteyimisut e kuiskutaatisiit mikw maak ekaa chii naanaakachihtaat taan e itwet, wiyeshihiisuu an awen. Namui wiyesh itaapataniyuu utayimihewin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁶ ᐊᐌᓐ ᐁ ᐃᑌᔨᒥᓱᑦ ᐁ ᑯᐃᔅᑯᑖᑎᓰᑦ ᒥᒄ ᒫᒃ ᐁᑳ ᒌ ᓈᓈᑲᒋᐦᑖᑦ ᑖᓐ ᐁ ᐃᑗᑦ, ᐎᔦᔑᐦᐄᓲ ᐊᓐ ᐊᐌᓐ᙮ ᓇᒧᐃ ᐎᔦᔥ ᐃᑖᐸᑕᓂᔫ ᐅᑕᔨᒥᐦᐁᐎᓐ᙮

James 1:26 Iomraidhean Croise

Matthew 15:9

Namui aapataniyuu aniyuu e pechi nuuchiishtuutwaau wesh teyakuch wiyawaau uwiishuwewinawaauh chiskutamaacheuch, namui wii aniyuuh Chishemanituu taan kaa ishi pechi pachishtinamiyich.”

Mark 7:7

Namui aapataniyuu aniyuu e pechi nuuchiishtuutwaau wesh teyakuch wiyawaau uwiishuwewinawaauh chiskutamaacheuch, namui wii aniyuuh Chishemanituu kaa pechi pachishtinamiyich. eukw uyuu kaa itisinahahk aniyaa Isaiah.”

Luke 8:18

Yaakwaamiih maak taan e ishi nituhtaman, wesh an awen yaakwaau kaa nituhtahk etituu chika nisituhtam. Ekw an awen ekaa yaakwaau kaa nituhtahk chika wanichischisuu yaapach taan aniyuuh kaa iteyihtahk e nisituhtahk.”

1 Corinthians 15:15

Waawaach chipaa nuukun e nanatayaachimachiht Chishemanituu wesh nichii itaachimaanaan kaau e chii wanishkaanaat Christ kaa nipiyich. Tiyaapwemakanikwe maak ekaa kaau wanishkaanaakanuutwaau kaa nipitwaau ekw kiipaa namui uhchi wanishkaaneche Chishemanituu Christ.

1 Corinthians 15:2

Eukuu miywaachimuwin Jesus kaa aayimuumaakanuut kaa aayimuutamaan kaa kacheschimitakuch. Eukuu che pimaachihiikuyekw suuhk mamechiminamekwe. Ekaa maak uu ihtiyekwe ekw kiipaa sheshkwaaht e chii taapwehtamekw che ishinaakuhch ekaa pimaachihiikuyekwe.

1 Corinthians 3:18

Ekaawii awen chika uhchi wii wiyeshihiitisuu. E ihtaakwe awen anit e tashiyekw e iteyihtamukwe naashch e chischeyihtahk chekwaayuu utah aschiihch ekush kata ishinaakusuu ekaa iipwaahkaat chechii uhchi kachehtaaweyihtahk.

Galatians 2:6

Anichii kaa niikaanishkaachetwaau, chisteyihtaakusuuch chii iteyimaakanuuch. Namui maak chekwaan taan e iteyimaakanuutwaau nititeyihten niya wii. Wesh misiwe aweyuuh peyakunihch iteyimeu wii Chishemanituuh. Chii naheyihtamuch e waawiihtamuch miywaachimuwiniyuu, namui uhchi ihtakuniyuu etituu chechii ishi pechi wiihtamuutwaau.

Galatians 2:9

James, Peter ekw maak John, anichii kaa niikaanihaakanuutwaau kaye maauch kaa chisteyimaakanuutwaau chii chischeyihtamuch Chishemanituu e chii miiyich uyuu chechii itaapatisuuch. Ekw maak Barnabas e niishiyaahch kaa utinischeniyamihtwaau uchii e nishtitwaau. E nuukuhtaayaahch peyakunihch e ishikaapuuyaahch. Maau maak kaa ishi niskumuyaahch. Barnabas e niishiyaahch anichii ekaa Jewa kaa itiskaanesitwaau che waawiihtamuwachihtwaau miywaachimuwiniyuu ekw maak wiyawaau aniyuuh Jewa kaa itiskaanesiyich che waawiihtamuwaatwaau.

Galatians 3:4

Chititeyihtenaawaau aa sheshkwaaht e ishinaakuhch misiwe taan kaa ishi nachishkamekw. Naanituu chekwaan chichii iteyihtamihiikunaawaache uyuuh.

Galatians 6:3

Chiishpin awen chihchiwe e iteyimisut aat maak ekaa wiyesh iteyihtaakusit wiya tekash wiyeshimitisuu.

Ephesians 4:29

Ekaawii nitamukw ayimuwin aapachihtaakw, teyakuch ishi ayimukw aniyuu che miyu wiichihiikutwaau anichii kaa pehtaataakuch awenichii mikw taan e ispayiwaakwenich upimaatisiiwinawaahch.

Ephesians 5:4

Namui kuiskunaakuniyuu Chishemanituu utiiniim chechii wawiinihtaakuniyich utayimuwiniyuu maak chechii chiishkwe ayimiyich maak nitamukw chechii ishi wawiitweyich. Teyakuch muush chipaa nanaaskumeuch Utipeyihchikeuh misiwe chekwaayuu.

Colossians 4:6

Muush chipaa miyuuhtaakusinaawaau kaye chipaa iipwaahkaahtaakusinaawaau e ayimiyekw ekw maak che chischeyihtamekw taan che ishi nishkweushihekw awen e wii naanituu kachesteyihtahkw taan e ishi taapwehtamuwekw.

James 1:19

Ekaawii wanichischisikw uu niichishaanitikw kaa saachihiitakuch. Misiwe awen suuhk muush yaakwaau chipaawii nituhtam, chipaa maamituneyihtam kaye taan waa itwet kaye namui tiiwehch chipaa uhchi chishuwaasuu.

James 1:22

Mikw nituhtamute Chishemanituu utayimuwin ekaa maak ihtuutamute, chiwiyeshihiisun. Ihtuutam taan e itashteyich.

James 2:20

Chinitaweyihten aa chechii waapahtiikuyin, chiya chiishkwehkaan, ekaa wiyesh ishinaakuniyich awen utaapwehtamuwin ekaa nuukuniyiche utatushchewin.

1 Peter 3:10

Wesh itashteu masinahiikanihch, Awen taapwe waa miyeyihtamukwe e pimaatisiit kaye pekuseyimukwe chechii mamiyuupayit ekaawii kata uhchi machi ayimuu kaye ekaawii kata uhchi wiihchi nanatayuu.