James 1:25 - Chishemanituu Utayimuwin: Kaa Uskaach Testament

²⁵ Chishemanituu uwiishuwewin naashch taapwe miyeyihtaakuniyuu kaye aapihkunikuuch awenichii. An maak awen yaakwaau kaa nituu chischeyihtahk uyuu wiishuwewiniyuu ekaa maak puuniit uyuu e ihtit, ekaa wanichischisit taan kaa ishi pehtahk, ihtuutahke taan e itashteyich anit, eukuu che shaweyimikut Chishemanituu misiwe taan e ihtit.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁵ ᒋᔐᒪᓂᑑ ᐅᐐᔓᐌᐎᓐ ᓈᔥᒡ ᑖᐺ ᒥᔦᔨᐦᑖᑯᓂᔫ ᑲᔦ ᐋᐱᐦᑯᓂᑰᒡ ᐊᐌᓂᒌ᙮ ᐊᓐ ᒫᒃ ᐊᐌᓐ ᔮᒀᐤ ᑳ ᓂᑑ ᒋᔅᒉᔨᐦᑕᐦᒃ ᐅᔫ ᐐᔓᐌᐎᓂᔫ ᐁᑳ ᒫᒃ ᐴᓃᑦ ᐅᔫ ᐁ ᐃᐦᑎᑦ, ᐁᑳ ᐗᓂᒋᔅᒋᓯᑦ ᑖᓐ ᑳ ᐃᔑ ᐯᐦᑕᐦᒃ, ᐃᐦᑑᑕᐦᑫ ᑖᓐ ᐁ ᐃᑕᔥᑌᔨᒡ ᐊᓂᑦ, ᐁᐅᑰ ᒉ ᔕᐌᔨᒥᑯᑦ ᒋᔐᒪᓂᑑ ᒥᓯᐌ ᑖᓐ ᐁ ᐃᐦᑎᑦ᙮

James 1:25 Iomraidhean Croise

Luke 11:28

Ekw Jesus kaa itaat, “Ehe, taapwe, mikw maak uste shaweyihtaakusuuch anichii kaa pehtahkwaau Chishemanituu utayimuwiniyuu kaye kaa nanihiihtamuwaatwaau.”

John 13:17

Nisituhtamekwe maak uyuu chekwaayuu kaye maak ihtuutamekwe chika shaweyimikunaawaau.”

John 8:36

Aapihkunitaakwe maak Ukusisimaau machihtwaawinihch uhchi taapwe chika aapihkunikunaawaau.

ᐊᐸᔅᑕᓚᒡ 13:43

Ekw maak mihchetu Jewa iinuuch kaye anichii ekaa Jewa kaa itiskaanesitwaau kaa ayimihewaatisiitwaau chii wiicheweuch aniyuu Paul ekw maak Barnabas. Ekw maak anichii apastalach kaa wiihtamuwaatwaau aniyuu iinuu e itaatwaau, Chishemanituu naashch taapwe chimiyutuutaakuwaau, suuhk kuiskw wii ishi pimaatisiikw chechii uhchi shaweyimitaakw Chishemanituu.

ᐊᐸᔅᑕᓚᒡ 2:42

Misiwe maak ekut muush kaa ihtaatwaau e chiskutamaacheyich aniyuuh Apastalh kaye chii pahkweneuch aaihkunaauh kaye chii maamuu ayimihaauch.

ᐊᐸᔅᑕᓚᒡ 26:22

Mikw maak Chishemanituu muush nichii pechi wiichihiikw, eukw wechi niipuuyaan utah anuhchiish e waawiihtamuukwaau misiwe awenichii e taapweyaan misiwe taan e ishi waawiihtamaan. An maak e ishi waawiihtamaan ekun mwehch kaa ishi waawiihtamuwaakupanenich kaye wiyawaau aniyehkaanaanich uchischiwehiichesuuch kaye Moses.

Romans 11:22

Chiwaapahtamuwaanaanuu maak taan e ishpish miyeyihtaakusit Chishemanituu kaye chiwaapahtamuwaanaanuu taan chechii ishpish ekaa manaatisiit. Namui manaachiheu aniyuuh kaa pahchishiniyich mikw maak miyutuutamuweu aniyuu muush kaa wii miyutuutamiyich wiya ishi e ihtaat. Ekaa maak uu ihtiyine kaye chiya chika manishuukw Chishemanituu.

Romans 2:13

Wesh taapaa anit e pehtahk awen Moses uwiishuwewiniyuu kata uhchi kuiskunaakusuu Chishemanituu ishi e ihtaayich. Ihtuutahke taan e itashteyich anit ekut che uhchi kuiskunaakusit Chishemanituu ishi e ihtaayich.

Romans 7:12

Ekut maak wehchi waapahtamaan e payehkahch wiishuwewin. Kaye maak misiwe taan itashuwemakahkwaau aniyuuh kascheskwewinh anit wiishuwewinihch payehchisiimakanh, taapwemakanh, kaye maak miyawaauh.

Romans 8:15

Wesh taapaa chitihtuutaakuwaau an Ahchaahkw Chishemanituu kaa miitaakw kaau chechii tipeyimikuwekw sechisuwiniyuu. Uu Ahchaahkw uhchi ekut wehchi ishihiitahkw Chishemanituu chechii utawaashiimitutaatahkw kaye maak chechii itahkw “Paapaa, Nuuhtaawii.”

Romans 8:2

Wesh Chishemanituu Utahchaahkwa chitihtuutaakunuu chechii pimaatisiyuuhkw Christ Jesus uhchi. Eukuu kaa aapihkunit taan kaa ishi tipeyimikuch machaatisiiwiniyuu kaye nipuwiniyuu.

1 Corinthians 15:58

Eukw maak uu wehchi siihchimitakuch niichishaanitikw kaa saachihiitakuch, yaaichikaapukw e pimaatisiistuwekw Utipeyihchikeu. Ekaawii nuuhtapuuniikw. Suuhk muush aapatisiishtuwaahk Utipeyihchikeu. Wesh chichischeyihtenaawaau cheshtinaash ekaa sheshkwaaht aapatisiishtawekw Utipeyihchikeu.

2 Corinthians 13:5

Yaakwaau nituu chischeyimisukw. Nituu chischeyimisukw eshkw taapwe tiyaapwehtamuwekwe. Chinisituhtenaawaau aa Jesus Christ e piihchishkaataakw. Ekaa tiyaapwehtamuwekwe namui kiipaa taapwe chipiihchishkaakuwaau.

Galatians 2:4

Mikw maak chii ihtaauch naapeuch chiimuut e chii pechi piihtepayihutwaau anit e ihtaawachiht muyaam e taapweyimaatwaau kaye wiyawaau Jesus e ihtitwaau. Nichii wii naanituu chischeyimikunaanich taan e ishi tipeyimachiht Jesus Christ e wiicheumachiht, an kaa aapihkuniyimiht. Eukw uyuu kaa ihtitwaau e chii wii ihtuutuuyimihtwaau kaau chechii maahchikwaapihkaatikuyaahch wiishuwewin.

Galatians 5:1

Christ chichii pimaachihiikunuu ekaa miin chechii maahchikwaapihkaatikuyihkw chekwaan. Wii suuhchikaapuukw maak. Ekaawii miin chika uhchi maahchikwaapihkaatikunaawaau Jewa ayimiheu wiishuwewinh.

Galatians 6:2

Maamiiskuch wiichihiitukw e aayimuhuyekw. Uu ihtiyekwe chika ihtuutamuwaanaawaau taan kaa itashuwet Christ.

Colossians 1:23

Chinituweyihtaakusinaawaau yaaitei chechii kanuweyihtamekw taan e ishi taapwehtamekw uu miywaachimuwin, wesh ekut uu wehchi cheshtinaachikaapuyekw. Ekaawii maak chika uhchi ishinaakusinaawaau chechii ati waanihtaayekw an aspeyimuwin kaa ayaayekw iskunaak kaa pehtamekw miywaachimuwin. Wesh shaash mistahii mishihte chii ituhtataakanuu. Kaye niya Paul niwiichihiiwen e papaamuhtataakanuuhch uu miywaachimuwin.

1 Timothy 2:15

Yaapach maak kata pimaachihaakanuu iskweu aniyuu uhchi e waapamaausut tepiyaahch tekash ishi nanaakataweyimisute taapwehtamuwinihch kaye saachihiiwewinihch ekw maak payehchi pimaatisiiwinihch chechii ishi pimuhtet.

1 Timothy 4:16

Nanaakatuweyihtamihiikw kaye chipimaatisiiwin kaye an e ishi Chiskutamaacheyin. Uu ishi nanaakataweyihtamine eukw che kanuweyimikuyekw kaye che pimaachihiikuyekw, chiya kiipaa kaye maak anichii kaa nituhtaaskwaau.

Hebrews 12:15

Nanaakataweyimitikw ekaa waachi peyakw anit e tashiyekw chechii nuuhtaashkahk Chishemanituu umiiwewiniyuu kaa pimaachihiiwemakaniyich. Kaye yaakwaamiikw ekaa awen anit e tashiyekw muyaam machi watipii chechii ishi nihtaauchit. Wesh ihtaatwaawenich uyuu e ishinaakusitwaau mihchetu aweyuu kata machipayiheuch.

James 2:12

Chipaa ishi ayiminaawaau maak kaye chipaa ihtinaawaau mwehch awenichii eshkw che wiyaaskunaakanuutwaau aniyuu wiishuwewiniyuu kaa aapihkuniwemakaniyich uhchi.

1 Peter 2:16

Taapwe kiipaa chichii wiihkuchihiikunaawaau, mikw maak Chishemanituu utaapachihaakanh chiyawaau. Ekaawii iteyihtamukw chechii machituutamekw an uhchi e chii wiihkuchihiikawiyekw machihtwaawinihch uhchi.

1 John 2:24

Yaakwaamiikw maak muush chechii kanuweyihtamekw an niishtam kaa ishi pehtamekw uskach kaa taapweyimekw Jesus. Muush kanuweyihtamekwe uu niishtam kaa ishi pehtamekw muush chika wiichewaawaau Ukusisimaau kaye Uhtaawiimaau.

Revelation 14:13

Miin chekwaan kaa ispayihch. Nichii pehtawaau awen kihchikiishikuhch e uhchi ayimit. Mwaau kaa itwet, “Masinaha uu. Ute ishi niishtamihch shaweyihtaakusuuch anichii che nipitwaau eshkw e wiichewaatwaau Jesus.” Ekw Kaa payehchisiit Ahchaahkw kaa itwet, “Ehe, taapwe shaweyihtaakusuuch. Chii aayimihuch e nuushuushkuwaatwaau Jesus ekw maak ekw che ayiwepitwaau. Taan e ishi maamuu kanawaapahtaakanuyich kaa ishi pechi aapachihiikutwaau Chishemanituu kata wiicheukuuch.”

Revelation 22:14

Taapwe kata shaweyihtaakusuuch anichii kaa payehchihtaatwaau uchekwaanimuwaau. Eukw uchii che tepicheyihtaakusitwaau chechii piihchetwaau aniyuu ihtaawiniyuu kaye chechii utinamaasutwaau miinishah anite uhchi aniyuuh mistikw anit wehchi ayaayich aweyuuh pimaatisiiwiniyuu.