James 1:24 - Chishemanituu Utayimuwin: Kaa Uskaach Testament

²⁴ Iskutak kaa kanawaapamisut, chistuhteu ekw tiiwehch wenichischisit taan e ishinaakusit.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᐃᔅᑯᑕᒃ ᑳ ᑲᓇᐙᐸᒥᓱᑦ, ᒋᔅᑐᐦᑌᐤ ᐁᒄ ᑏᐌᐦᒡ ᐌᓂᒋᔅᒋᓯᑦ ᑖᓐ ᐁ ᐃᔑᓈᑯᓯᑦ᙮

James 1:24 Iomraidhean Croise

Matthew 8:27

Misiwe maak anchii naapeuch chii maamishkaateyihtamuch e itwetwaau, “Awen uu waawaach e yuutiniyich kaye maak kiskanh e pishichihiikut.”

Luke 1:66

Misiwe maak tahtu awenichii kaa pehtahkwaau naashch chii maamituneyihtamuch e iteyihtahkwaau, e ishi maa kata iteyihtaakusuu uu awaash. Wesh mitun chii chischeyihtaakun shaash Utipeyihchikeu e wiishuwaatikut uu awaash.

Luke 7:39

An maak Pharisee kaa wiishaamaat Jesus, iskutak wiyaapamaat aniyuu iskweu aniyuu e ihtiyich chii iteyimeu, “Chipaa chischeyimeu uyuu iskweu e ishpish machaatisiyich kaa taahtinikut taapwe e uchischiwehiichesuukwe.”

1 Thessalonians 1:5

Iskutak kaa waawiihtamaataahch miywaachimuwin namui mikw nuuhchi ayiminaan maak eyuu chichii waapahtenaawaau suuhkaatisiiwin Kaa payehchisiit Ahchaahkw uhchi. Kaye maak eukw an kaa ihtuutaataakw tekash chechii taapwehtamekw e taapwemakahch taan kaa ishi wiihtamaataahch. Chichii chischeyiminaan taan kaa itaatisiyaahch anit e ihtaayekw kaa ihtaayaahch anit e chii uhchi wii wiichihiitaahch.

James 1:23

An awen mikw kaa nituhtamuwaat Chishemanituu utayimuwiniyuu ekaa maak kaa ihtuutahk taan e itashteyich mwehch an awen kaa kanawaapamisut waapamisunihch ishinaakusuu.

James 1:25

Chishemanituu uwiishuwewin naashch taapwe miyeyihtaakuniyuu kaye aapihkunikuuch awenichii. An maak awen yaakwaau kaa nituu chischeyihtahk uyuu wiishuwewiniyuu ekaa maak puuniit uyuu e ihtit, ekaa wanichischisit taan kaa ishi pehtahk, ihtuutahke taan e itashteyich anit, eukuu che shaweyimikut Chishemanituu misiwe taan e ihtit.

2 Peter 3:11

E chischeyihtamekw maak uu che ispayihch, taanite chipaa ishi pimaatisiinaawaau chititeyihtenaawaau. Namui aa payehchisiiwinihch chipaa ishi pimaatisiinaawaau, tekash e ishi pachishteyihtamihiikuyekw chipimaatisiiwinawaauh Chishemanituu ishi e ihtaat,