James 1:22 - Chishemanituu Utayimuwin: Kaa Uskaach Testament

²² Mikw nituhtamute Chishemanituu utayimuwin ekaa maak ihtuutamute, chiwiyeshihiisun. Ihtuutam taan e itashteyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᒥᒄ ᓂᑐᐦᑕᒧᑌ ᒋᔐᒪᓂᑑ ᐅᑕᔨᒧᐎᓐ ᐁᑳ ᒫᒃ ᐃᐦᑑᑕᒧᑌ, ᒋᐎᔦᔑᐦᐄᓱᓐ᙮ ᐃᐦᑑᑕᒻ ᑖᓐ ᐁ ᐃᑕᔥᑌᔨᒡ᙮

James 1:22 Iomraidhean Croise

Matthew 12:50

Muyaam nikaawii kaye niichishaanich kaye niichishaaniskwemach nititeyimaauch anichii kaa ihtuutahkwaau Nuuhtaawii kihchikiishikuhch kaa ihtaayich utiteyihtamuwiniyuu.”

Matthew 28:20

Kaye che chiskutamuwekuch chechii nanihiihtahkwaau misiwe taan kaa itashumitakuch. Muush maak chika wiicheutinaawaau piihiim ati iskwaapayihche aschii.”

Luke 11:28

Ekw Jesus kaa itaat, “Ehe, taapwe, mikw maak uste shaweyihtaakusuuch anichii kaa pehtahkwaau Chishemanituu utayimuwiniyuu kaye kaa nanihiihtamuwaatwaau.”

John 13:17

Nisituhtamekwe maak uyuu chekwaayuu kaye maak ihtuutamekwe chika shaweyimikunaawaau.”

Romans 2:13

Wesh taapaa anit e pehtahk awen Moses uwiishuwewiniyuu kata uhchi kuiskunaakusuu Chishemanituu ishi e ihtaayich. Ihtuutahke taan e itashteyich anit ekut che uhchi kuiskunaakusit Chishemanituu ishi e ihtaayich.

1 Corinthians 15:33

Ekaawii chika uhchi wiyeshimikunaawaau. Taapwemakan an kaa iinaanuuhch, “Anichii kaa machaatisiitwaau awenich e papaawiichewaakanuutwaau ekut wehchipayihch nitamukw e ihtinaanuuhch.”

1 Corinthians 3:18

Ekaawii awen chika uhchi wii wiyeshihiitisuu. E ihtaakwe awen anit e tashiyekw e iteyihtamukwe naashch e chischeyihtahk chekwaayuu utah aschiihch ekush kata ishinaakusuu ekaa iipwaahkaat chechii uhchi kachehtaaweyihtahk.

1 Corinthians 6:9

Ekaawii wiyeshihiisukw. Chichischeyihtenaawaache anichii awenich kaa machaatisiitwaau namui chika uhchi miikuuch Chishemanituu anite uchimaawiniihch chechii ihtaatwaau. Maak anichii awenich misiwe wiinisuwinihch kaa ishi pimaatisiitwaau, kaye anichii kaa nuuchiishtuwaatwaau manituuhkaan, kaye anichii kaa wanituutuwaatwaau uwiichimaakanawaauh kaye anichii kaa chiishiihkuwaakanuutwaau naapeuch e wiihpemaakanuutwaau kaye maak anichii naapeuch kaa wiihpemitutwaau, kaye iskweuch kaa wiihpemitutwaau.

Galatians 6:3

Chiishpin awen chihchiwe e iteyimisut aat maak ekaa wiyesh iteyihtaakusit wiya tekash wiyeshimitisuu.

Galatians 6:7

Ekaawii wiyeshimitisukw, namui awen chika chii wiyeshimeu Chishemanituuh. Wesh aniyuu chekwaayuu che pachishtinamukwe awen anite aschiihch eukun aniyuu che nihtaauchiniyich anit.

Philippians 4:8

Niichishaanitikw, eshkw ekaa chiishihtaayaan e masinahamaatakuch peyakw miin chekwaan chika wiihtamaatinaawaau, Suuhk muush maamituneyihtamukw anihiih chekwaayuuh kaa miywaashikwaauh, anihiih kaa maamihchihiiwekwaauh, muyaam chekwaan e kuiskunaakuhch, chekwaan e chisteyihtaakuhch, kaye kuiskw ihtuwin, payehchi pimaatisiiwin, chekwaan e naheyihtamihiiwech ekw maak chekwaan e miyu tipaatutech.

Colossians 3:17

Misiwe chekwaan e ihtuutamekw kaye taan e itweyekw, Utipeyihchikeu Jesus utishinihkaasuwinihch chipaa ishi ihtuutenaawaau e nanaaskumekw Chishemanituu Kuuhtaawinuu wiya Jesus uhchi.

2 Timothy 3:13

ekw anichii kaa machaatisiitwaau kaye anichii nitamukw kaa ishi chiskutamaachetwaau wetaach etituu kata iteyihtaakusuuch, e wiyeshimaatwaau aweyuu kaye wiyawaau e wiyeshimaakanuutwaau.

Titus 3:3

Wesh kaye chiyaanuu peyakwaau chichii chiishkwepimaatisiinaanuu, namui chuuhchi nanihiihtuwaanuu Chishemanituu, chichii wiyeshihiikunaanuu kaye chichii shaakuuchihiikunaanuu nanaahkuu machi nituweyihtamuwinh kaye machi miyeyihtamuwinh. Pisikw chichii machaatisiinaanuu kaye chichii uhteyimaanuuch awenichii. Chichii uhkaataanuuch awenich kaye wiyawaau maak chichii uhkaateyimikunuuch.

James 1:26

Awen e iteyimisut e kuiskutaatisiit mikw maak ekaa chii naanaakachihtaat taan e itwet, wiyeshihiisuu an awen. Namui wiyesh itaapataniyuu utayimihewin.

James 4:11

Niichishaanitikw ekaawii machaayimuumitukw. Awen e machaayimuumaat wiichishaan maak e wiyaaskunaat aatuweyihtam wiishuwewiniyuu kaye maak wiyaaskunam. Chiishpin weyaaskunamuwane wiishuwewin namui chinanihiihten kaye maak wiyaaskunichesuu chititahiisun.

James 4:17

An awen kaa chischeyihtahk taan chipaa ishi miyutuutam ekaa maak ihtuutahk machituutam an awen.

2 Peter 2:13

Wiyawaau maak niyaanitam chika taapishtuwaakanuuch taan kaa ishpish chii pechi ayaahkuhaatwaau aweyuu. E chiishkweyaatisiinaanuyich maak, mikw e mamachi muuchikahtaakanuyich e mekwaau chiishikaayich, eukun uyuu e iteyihtahkwaau muuchikan. Namui nihiinaakusuuch kaye wiyawaau maauch pimaaminaakusuuch anit maan e wiichi miichisuumitaakuch. Anit aniyuu mekwaach e wiichi miichisuumitaakuch ekut niyaanitam memachi muuchiteyihtamihiisutwaau e chischeyihtahkwaau taan e ishi wawiyesimitaakuch.

1 John 1:8

Chiishpin itweyihkwe ekaa nihtaa machituutamukw, chiwiyeshimitisunaanuu, kaye namui chichischeyihtenaanuu taapwewin.

1 John 2:3

Ihtuutamuhkwe e itashumitahkw Chishemanituu ekut che uhchi nuukuhch taapwe e chischeyimahkw.

1 John 3:7

Nitawaashiimitikw, ekaawii pachishtinaahkw awen chechii wiyeshimitaakw. An awen kuiskw kaa ihtit kuiskutaatisiyuu muyaam Christ e ishi kuiskutaatisiyich.

3 John 1:11

Niwiichewaakan kaa saachihiitaan ekaawii chischinuwaapahtah machaatisiiwin, kuiskutaatisiiwin eukw chischinuwaapahtah. An awen kaa kuiskutaatisiit Chishemanituu tipiweusiitutaakuu, ekw an awen kaa machaatisiit namui uhchi waapameu Chishemanituu.

Revelation 12:9

Ekw kaa niihchiwepinaakanuut an mista maanichuus kihchikiishikuhch uhchi. Eukw maak an chinepukw weskach anite kaa ihtaat, Machimanituu maak Satan kaa ishinihkaataakanuut. Eukw uu kaa chii wiyeshihaat misiwe aweyuu utah aschiihch. Anite maak aschiihch chii ishuwepinaakanuu kaye misiwe aniyuu utenchilamh.

Revelation 22:7

Jesus maak iteu, “Nituhtamukw, shaash wiipach nika takushin. Taapwe kata shaweyimaakanuu awen che nanihiihtahk uyuu ayimuwiniyuu taan kaa ishi waapahtiiweyich Chishemanituu utah masinahiikanihch eshkw che ispayiyich.”