James 1:21 - Chishemanituu Utayimuwin: Kaa Uskaach Testament

²¹ Wepinamukw misiwe wiinisuwin kaye misiwe machaatisiiwin. Pachishteyimisukw Chishemanituu e ihtaat, ihtuutamuwaahkw utayimuwin chitehiiwaahch kaa piihtahahk aniyuu chechii pimaachihiikuwekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᐌᐱᓇᒧᒄ ᒥᓯᐌ ᐐᓂᓱᐎᓐ ᑲᔦ ᒥᓯᐌ ᒪᒑᑎᓰᐎᓐ᙮ ᐸᒋᔥᑌᔨᒥᓱᒄ ᒋᔐᒪᓂᑑ ᐁ ᐃᐦᑖᑦ, ᐃᐦᑑᑕᒧᐙᐦᒄ ᐅᑕᔨᒧᐎᓐ ᒋᑌᐦᐄᐙᐦᒡ ᑳ ᐲᐦᑕᐦᐊᐦᒃ ᐊᓂᔫ ᒉᒌ ᐱᒫᒋᐦᐄᑯᐌᒄ᙮

James 1:21 Iomraidhean Croise

Matthew 5:5

Shaweyihtaakusuuch anichii kaa yuuspaatisiitwaau wesh chika miyaakanuuch uyuu aschiiyuu.

John 6:63

Mikw Kaa payehchisiit Ahchaahkw miiweu kaachiche pimaatisiiwiniyuu, namui wii naapeu chika chii ihtuutam uyuu. Chichii wiihtamaatinaawaau maak taanite chechii uhchi ayaayekw uu Ahchaahkw pimaatisiiwin.

John 6:68

Kaa nishkweushihiikut Simon Peter e itikut, “Utipeyihchikeu, awen maak che nituwaapamachiht. Chitayimuwinihch ekut wehchi ihtakuhch kaachiche pimaatisiiwin.

ᐊᐸᔅᑕᓚᒡ 10:33

Tiiwehch maak nichii itishahwaauch anichii naapeuch chechii wiishaamiskwaau, miywaashuu maak kaa takushiniyin. Ekw maak misiwe e ihtaayihkw utah, Chishemanituu kaye ekut e ihtaat, ekw maak che pehtamaahch taan kaa itashumisk Utipeyihchikeu che itweut.”

ᐊᐸᔅᑕᓚᒡ 13:26

“Niichishaanitikw, chiyawaau maak kaa uhchiskaanesiyekw Abraham e ihtaat kaye chiyawaau ekaa Jewa kaa itiskaanesiyekw kaa nuuchiishtuwekw Chishemanituu, chichii wiihtamaakunaanuu taanite chechii uhchi pimaachihuyihkw.

Romans 1:16

Wesh taapaa nipimaamisiituten miywaachimuwin. Eukw uyuu miywaachimuwiniyuu suuhk yaapachihtaat Chishemanituu chechii ayaayich pimaachihiikusiiwiniyuu misiwe aweyuuh kaa taapwehtamiyich. Niishtam aniyuuh Jewa kaa itiskaanesiyich chii waawiihtamuwaakanuyuu chek aniyuu ekaa Jewa kaa itiskaanesiyich kaa waawiihtamuwaakanuyich.

Romans 11:17

Anichii iinuuch Jewa kaa itiskaanesitwaau eukw uchii olive mistikw anite nihtaauchihchikan aschiihch kaa nihtaauchihaakanuut. Chii ihtakunh watihkunh e chii naatwaakahiikanuuhkwaau anit uhchi mistikuhch. Peyakw maak uwatihkun nitamukw e nihtaauchit olive mistikw chii chikamuhtaakanuuyuu anit. Chiyawaau maak ekaa Jewa kaa itiskaanesiyekw eukun an olive mistikw anite nitawiin kaa nihtaauchit. Anuhchiish maak chimiyu nihtaauchinaawaau ahchaahkuwinihch kaye chiyawaau, muyaam taan e ishi miyu nihtaauchitwaau ahchaahkuwinihch anichii Jewa iinuuch.

Romans 6:17

Ninanaaskumaau Chishemanituu chiyawaau peyakwaau kaa ishinaakusiyekw e utaapachihaakanitutaakuyekw machihtwaawin, e chii utihchipayihch taanit tekash kaa iteyihtamihiikuyekw chechii nanihiihtamekw miyu chiskutamaachewin iskutak e ati waawiihtamaakuyekw.

1 Corinthians 15:2

Eukuu miywaachimuwin Jesus kaa aayimuumaakanuut kaa aayimuutamaan kaa kacheschimitakuch. Eukuu che pimaachihiikuyekw suuhk mamechiminamekwe. Ekaa maak uu ihtiyekwe ekw kiipaa sheshkwaaht e chii taapwehtamekw che ishinaakuhch ekaa pimaachihiikuyekwe.

2 Corinthians 7:1

Niwiichewaakanitikw, misiwe taan kaa itwet Chishemanituu cheshtinaash che ihtuutamaatahkw taapwe kata ihtuutam. Payehchihiisutaau maak ekaa mitun chechii ihtakuhch machihtwaawin chiiyuunaahch kaye chitahchaahkunaahch. Wesh ekut e nuuhkuhtaayihkw e nanihchiishtuuhkw Chishemanituu tekash e pachishteyimisuyihkw chechii atushkuukw.

Ephesians 1:13

Chiyawaau maak kaye anite Ephesus kaa ihtaayekw, Chishemanituu chichii utiiniimitutaakuwaau uskach kaa pehtamekw an kaa taapwemakahch ayimuwin, eukuu miywaachimuwin kaa pimaachihiikuyekw. Christ chichii taapweyimaawaau, ekw maak kaa chiishaawaachihiitaakw Chishemanituu wiya e ayaautaakw, Kaa payehchisiyich Ahchaahkwa e chii miitaakw aniyuu kaa itwet cheshtinaash che miiwet.

Ephesians 4:22

Chichii wiihtamaakunaawaau che wanaachihiikuyekw an kaa wiyeshimikuyekw chimachinituweyihtamuwinawaauh, kaye chichii itikunaawaau chechii wepinamekw weskach taan kaa chii itaatisiyekw e machituutamekw.

Ephesians 4:25

Ekw maak chipaa puuniinaawaau e nanataiyekw teyakuch kuiskw chechii ishi ayimihiituyekw wesh muyaam e peyakuteusiihkw chitishinaakusinaanuu anite ishi Christ e ihtaat.

Ephesians 5:4

Namui kuiskunaakuniyuu Chishemanituu utiiniim chechii wawiinihtaakuniyich utayimuwiniyuu maak chechii chiishkwe ayimiyich maak nitamukw chechii ishi wawiitweyich. Teyakuch muush chipaa nanaaskumeuch Utipeyihchikeuh misiwe chekwaayuu.

1 Thessalonians 1:5

Iskutak kaa waawiihtamaataahch miywaachimuwin namui mikw nuuhchi ayiminaan maak eyuu chichii waapahtenaawaau suuhkaatisiiwin Kaa payehchisiit Ahchaahkw uhchi. Kaye maak eukw an kaa ihtuutaataakw tekash chechii taapwehtamekw e taapwemakahch taan kaa ishi wiihtamaataahch. Chichii chischeyiminaan taan kaa itaatisiyaahch anit e ihtaayekw kaa ihtaayaahch anit e chii uhchi wii wiichihiitaahch.

1 Thessalonians 2:13

Mwaau miin wehchi muush nanaaskumachiht Chishemanituu. Iskutak kaa pechi waawiihtamaataahch taan kaa ishi miikuyaahch Chishemanituu chechii ishi waawiihtamaahch yaakwaau chichii nituhtenaawaau kaye maak chichii taapwehtenaawaau. Namui wii naapeu utayimuwin chuuhchi iteyihtenaawaau maak Chishemanituu utayimuwin. Taapwe maak Chishemanituu uyuu utayimuwin. Ihtakun maak e ishi aapatisiimakahch chipimaatisiiwiniwaahch an kaa ishi waawiihtamaataahch.

Titus 2:11

Wesh Chishemanituu chii waapahtiiweu uchishewaatisiiwin chechii uhchi pimaachihut misiwe awen.

Hebrews 12:1

Maamituneyimaataauch maa anichii kaa mihchetitwaau awenichii naashch kaa waapahtiiwetwaau e taapweyimaatwaau Chishemanituu. Uyuu e chii ihtitwaau kaye chiyaanuu ekun chipaa ihtinaanuu. Ekw maak an uhchi kaye chiyaanuu puunihtaataau misiwe aniyuu chekwaayuu e wanaahiikuyihkw chechii itaatisiihkw aniyuu taan e ishi nituweyimitahkw Chishemanituu chechii itaatisiihkw. Kaye misiwe wepinihtaau aniyuu machihtwaawinh kaa wii tipeyimikuyihkw, ekw maak che pimipahtaayihkw anite e kakwechiskatuhutunaanuuhch anite ahchaahkuwinihch ishi paatish chii utihtamuhkwe anite netaweyimitahkw Chishemanituu chechii ispahtaauhkw.

Hebrews 2:3

Chiyaanuu maak chiishpin ekaa aapateyihtamuhkwe an pimaachihiiwewin waa ishi miiwet Chishemanituu chiyaanuu kaye chika waweshihiikunaanuu. Taapaa chika chii usimunaanuu iskutak wii waweshihiikuyihkwe. Wiya niishtam Utipeyihchikeu Jesus chichii wiihtamaakunuu taanite chechii uhchi pimaachihuyihkw, namui mikw enchilich chuuhchi wiihtamaakunuuch. Naanaache maak kutakach awenichii chichii waapahtiikunuuch e taapwemakaniyich aniyuu miywaachimuwiniyuu, wesh wiyawaau wechiihch chii pehtaweuch taan kaa itweyich Jesus.

Hebrews 4:2

Ekw maak chichii pehtenaanuu an miywaachimuwin anit kaa aayimuutech taanite che ayiwepiyich Chishemanituu utiiniimh. Eukw uyuu miywaachimuwiniyuu kaa ishi pehtahkwaau aniyehkaanaanich chiwaahkumaakanuuch. Mikw maak namui uhchi piihcheuch anite wesh namui uhchi taapwehtamuch taan kaa ishi wiihtamuwaakanuutwaau.

James 4:8

Peshuwaapamaahkw Chishemanituu ekw maak che peshuwaapamitaakw kaye chiyawaau. Kaasiitihchekw chiyawaau umachihtwaauch, ekw chiyawaau kaa ayimihehkaasuyekw payehchihtaakw chitehiiwaau.

James 5:20

che wii chischisiyekw uu. An awen kaau kaa peshuwaat aweyuu taan e ishi wanipayiyich wiihkuchihiimeu utahchaahkuyuu nipuwinihch uhchi, kaye ihtuutuweu mihchetu umachihtwaawiniyuuh chechii wepeyihtamuwaakanuyich.

1 Peter 1:22

E chii payehchihaakanuutwaau chitahchaahkuwaauch an uhchi e nanihiihtamekw taapwewin kaye maak e ishinaakusiyekw chihchiwe e saachihekuch chiichishaanuwaauch, suuhk saachihiitukw misiwe chitehiiwaahch uhchi.

1 Peter 1:9

Wesh e ayaayekw taapwehtamuwin ekut che uhchi pimaachihutwaau chitahchaahkuwaauch.

1 Peter 2:1

Tekash maak ekw puunihtaakw misiwe maayaatisiiwin. Puuniikw ekw e nanatayekw, kaye ekaawii wii iteyihtaakuhiisukw taan an ekaa chihchiwe iteyihtaakusiyekw, ekaawii chika uhchi ihtakun e wauhteyimituyekw. Kaye maak ekaawii nitamukw ishi aayimuumaahkuch awenichii.

1 Peter 2:11

Niwiichewaakanitikw kaa saachihiitakuch, mikw wesin chimaaniteunaawaau kaye mikw chipapaa ihtaanaawaau utah aschiihch. Eukw maak uu wehchi wii siihchimitakuch tekash ekaa chechii papiskaateyihtamihiikuyekw aniyuu machi nitaweyihtamuwinh aniyuu muush miyaashihchepayihkwaau chitahchaahkuwaahch.