James 1:19 - Chishemanituu Utayimuwin: Kaa Uskaach Testament

¹⁹ Ekaawii wanichischisikw uu niichishaanitikw kaa saachihiitakuch. Misiwe awen suuhk muush yaakwaau chipaawii nituhtam, chipaa maamituneyihtam kaye taan waa itwet kaye namui tiiwehch chipaa uhchi chishuwaasuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᐁᑳᐐ ᐗᓂᒋᔅᒋᓯᒄ ᐆ ᓃᒋᔖᓂᑎᒄ ᑳ ᓵᒋᐦᐄᑕᑯᒡ᙮ ᒥᓯᐌ ᐊᐌᓐ ᓲᐦᒃ ᒨᔥ ᔮᒀᐤ ᒋᐹᐐ ᓂᑐᐦᑕᒻ, ᒋᐹ ᒫᒥᑐᓀᔨᐦᑕᒻ ᑲᔦ ᑖᓐ ᐙ ᐃᑗᑦ ᑲᔦ ᓇᒧᐃ ᑏᐌᐦᒡ ᒋᐹ ᐅᐦᒋ ᒋᔓᐙᓲ᙮

James 1:19 Iomraidhean Croise

Matthew 5:22

Mikw maak chititinaawaau niya, awen e chishuwaasiistuwaat wiichishaanh chika wiyaaskunaakanuu, kaye awen e aatuweyimaat wiichishaanh chika peshuwaakanuu uhchishkuu aniyuu kaa wiishuwaatamiyich taan che ihtuutawaakanuyich aweyuu, kaye awen kaa itaat wiichishaanh taapwe ekaa chekwaan mitun kaa iteyihtaakusiyin kushpanaateyihtaakuniyuu chechii ishiwepinaakanuut machishkutehch.

Mark 12:37

Mechim David Nitipeyihchikem e chii ishinihkaataat Utipeyihchikeu. Taanite maak chechii uhchi ukusiitutawaat.” Aniyuu maak aweyuu kaa mista mihchetiyich kaa nituhtaakut Jesus nuwach chii miyuuhtaakuu.

Mark 2:2

Nuwach maak mihchetu aweyuu chii pechi takushiniyuu, chek namui uhchi tepiskaatuyuuh aniyuu waaskaahiikaniyuu, mechim anite wiiwiitamihch ishkwaahtemihch chechii tawaayich. Chii kacheschimeu maak Jesus aniyuuh kaa takushiniitwaau, Chishemanituuh utayimuwiniyuu e aayimuutamuwaat.

Luke 15:1

Peyakwaau anichii kaa maamuushtinahkwaau chisheuchimaau shuuliyaayuu kaa itaapatisitwaau chii pechi nituhtaweuch Jesus e pechi mihchetitwaau. Kaye kutakach iinuuch e chischeyimaakanuutwaau e machaatisiitwaau chii pechi takushinuuch.

Luke 19:48

Mikw maak namui uhchii chischeyihtamuch taan che ihtitwaau chechii nipahaatwaau wesh misiwe aniyuu iinuu naashch yaakwaau chii nituhtaweyuu misiwe e chii wii pehtamiyich taan e itweyich.

ᐊᐸᔅᑕᓚᒡ 1:15

Peyakwaau maak e nishtuwiitwaau anichii kaa taapwehtahkwaau, Peter chii pisikuu ekw kaa ayimihaat aniyuu kaa pechi nishtuwiitwaauh. Wiyesh mitaahtumitanuu miin niishtunuu chii tashiichen.

ᐊᐸᔅᑕᓚᒡ 10:33

Tiiwehch maak nichii itishahwaauch anichii naapeuch chechii wiishaamiskwaau, miywaashuu maak kaa takushiniyin. Ekw maak misiwe e ihtaayihkw utah, Chishemanituu kaye ekut e ihtaat, ekw maak che pehtamaahch taan kaa itashumisk Utipeyihchikeu che itweut.”

ᐊᐸᔅᑕᓚᒡ 13:48

Iskutak piyehtawaatwaau Paul aniyuu kaa itweyich anichii iinuuch ekaa Jewa kaa itiskaanesitwaau nuwach chii miyeyihtamuch kaye chii maamihchimeuch Chishemanituu aniyuu kaa ishi pachishtinamiyich utayimuwiniyuu. Ekw anichii iinuuch kaa wiyaapamikutwaau Chishemanituu chechii ayaatwaau kaachiche pimaatisiiwiniyuu chii chihchi taapweyimeuch Chishemanituu.

ᐊᐸᔅᑕᓚᒡ 17:11

Anichii maak Jewa iinuuch anite Bereahch kaa ihtaatwaau naashch chii miyeyihtamuch wiyawaau e nituhtuwaatwaau aniyuu Paul ekw maak Silas namui aniyuu iinuu anite Thessalonica kaa ihtaayich kaa ihtiyich. Naashch chii nituhtuweuch kaye eshikum chiishikaau chii nituu chischeyihtamuch taan e itashteyich Chishemanituu utayimuwiniyuu, e chii wii nituu chischeyimaatwaau Paul tiyaapweyikwen aniyuu kaa itweyich.

ᐊᐸᔅᑕᓚᒡ 2:42

Misiwe maak ekut muush kaa ihtaatwaau e chiskutamaacheyich aniyuuh Apastalh kaye chii pahkweneuch aaihkunaauh kaye chii maamuu ayimihaauch.

Ephesians 4:26

Chika chii chishuwaasin mikw maak ekaawii machituutaht. Ekaawii chika uhchi ati pahchishimuu piisim eshkw e chishuwaasiyin.

Ephesians 4:31

Puuniikw e iskaayeyihtamekw, e aahkuyuwesiyekw kaye e chishuwaasiyekw. Puuniikw kaye e maayeyihcheyekw kaye e kachiihkaamituyekw. Namui mitun chipaa uhchi ayaanaawaau uhkaasiwewin.

Colossians 3:15

Pachishtinamuhkw an chiyaameyihtamuwin Christ kaa miitaakw chechii ihtuutaakuyekw chechii wiyeyihtamekw taan chipaa ati ihtinaawaau. Wesh Chishemanituu maamuu chichii wiyeyimikuwaau peyakw miyu chechii ishinaakusiyekw chiyaameyihtamuwinihch e ishi pimaatisiyekw. Nanaaskumaahkw maak Chishemanituu.

Colossians 3:8

Ekw maak anuhchiish chipaa wepinenaawaau uu itaatisiiwin. Puuniikw e chishuwaasiyekw kaye ekun ishpish aahkuyuwesikw kaye ekun ishpish maayaatisiikw. Ekun ekw ishpish paashtaamukw kaye puuniikw e machayimiyekw.

1 Thessalonians 2:13

Mwaau miin wehchi muush nanaaskumachiht Chishemanituu. Iskutak kaa pechi waawiihtamaataahch taan kaa ishi miikuyaahch Chishemanituu chechii ishi waawiihtamaahch yaakwaau chichii nituhtenaawaau kaye maak chichii taapwehtenaawaau. Namui wii naapeu utayimuwin chuuhchi iteyihtenaawaau maak Chishemanituu utayimuwin. Taapwe maak Chishemanituu uyuu utayimuwin. Ihtakun maak e ishi aapatisiimakahch chipimaatisiiwiniwaahch an kaa ishi waawiihtamaataahch.

James 1:16

Niichishaanitikw kaa saachihiitakuch suuhk kuiskw wii ishi nisituhtamukw uu.

James 1:2

Niichishaanitikw, miyeyihtamukw nanaahkuu e ishi kakwechihiikuyekw.

James 1:26

Awen e iteyimisut e kuiskutaatisiit mikw maak ekaa chii naanaakachihtaat taan e itwet, wiyeshihiisuu an awen. Namui wiyesh itaapataniyuu utayimihewin.

James 2:1

Niichishaanitikw, e taapweyimekw Utipeyihchikeu Jesus Christ an maauch chesteyihtaakusit, ekaawii aatuweyimaahkw awen, misiwe awen peyakunihch chipaa iteyimaawaau.

James 2:5

Yaakwaau nituhtamukw niichishaanitikw. Namui aa aniyuu kaa chistimaatisiyich utah aschiihch kaa ihtaayich uhchi wiyeyimeu Chishemanituu mistahii chechii ayaayich taapwehtamuwiniyuu kaye chechii ayaayich chisheuchimaawiniyuu aniyuu kaa itwet cheshtinaash che miyaat aniyuu kaa saachihiikut.

James 3:10

Peyakun an mituun anite wehchi maamihchimaakanuut Chishemanituu kaye e uhchi machaayimuumaakanuutwaau awenichii. Niichishaanitikw, namui chipaa uhchi ishinaakun uu.

James 4:11

Niichishaanitikw ekaawii machaayimuumitukw. Awen e machaayimuumaat wiichishaan maak e wiyaaskunaat aatuweyihtam wiishuwewiniyuu kaye maak wiyaaskunam. Chiishpin weyaaskunamuwane wiishuwewin namui chinanihiihten kaye maak wiyaaskunichesuu chititahiisun.

James 5:12

Niichishaanitikw, e itat awen cheshtinaash che ihtuutaman chekwaan ekaawii wii naspichitaapwe Chishemanituu utishinihkaasun e aapachihtaawat. Ekaawii itweh, ishpimihch e ishi taapweyin, maak kutach chekwaan chechii itweyin chechii cheshtinaashtaakusiyin taan e itweyin. E wii itweyin “Ehe,” mikw “Ehe” chipaa itwen, maak “Namui” e wii itweyin, mikw “Namui” chipaa itwen, ekw maak namui chika uhchi nishuuwanaachimukw Chishemanituu.

James 5:19

Niichishaanitikw, peyakw anit e tashiyekw chiiwekaapuushtahke taapwewiniyuu, wiichihiikute maak aweyuuh miin chechii taapwehtahk,

1 John 2:21

Namui wii e iteyimitakuch ekaa chischeyihtamekw taapwewin wehch masinahamaatakuch. E chischeyihtamekw taapwewin kaye maak e chischeyihtamekw ekaa ihtakuhch nanatayuwin anite taapwewinihch ekun wehchi masinahamaatakuch.