James 1:17 - Chishemanituu Utayimuwin: Kaa Uskaach Testament

¹⁷ Misiwe miiwewin kaa miywaashich kaye kaa mitunesiimakahch anite ishpimihch uhchipayuu, anite Chishemanituu e ihtaat. Eukuu Chishemanituu kaa ushihtaat misiwe waashtewiniyuu anite chiishikuhch. Muush peyakunihch iteyihtaakusuu, namui ishinaakusuu mwehch e takaashtehtihch chekwaan weipishchiish mikw kaachii nuukuhch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁷ ᒥᓯᐌ ᒦᐌᐎᓐ ᑳ ᒥᔻᔑᒡ ᑲᔦ ᑳ ᒥᑐᓀᓰᒪᑲᐦᒡ ᐊᓂᑌ ᐃᔥᐱᒥᐦᒡ ᐅᐦᒋᐸᔫ, ᐊᓂᑌ ᒋᔐᒪᓂᑑ ᐁ ᐃᐦᑖᑦ᙮ ᐁᐅᑰ ᒋᔐᒪᓂᑑ ᑳ ᐅᔑᐦᑖᑦ ᒥᓯᐌ ᐙᔥᑌᐎᓂᔫ ᐊᓂᑌ ᒌᔑᑯᐦᒡ᙮ ᒨᔥ ᐯᔭᑯᓂᐦᒡ ᐃᑌᔨᐦᑖᑯᓲ, ᓇᒧᐃ ᐃᔑᓈᑯᓲ ᒬᐦᒡ ᐁ ᑕᑳᔥᑌᐦᑎᐦᒡ ᒉᒀᓐ ᐌᐃᐱᔥᒌᔥ ᒥᒄ ᑳᒌ ᓅᑯᐦᒡ᙮

James 1:17 Iomraidhean Croise

Matthew 7:11

Aat e ishpish machaatisiyekw eyuwehch chichischeyihtenaawaau chechii miyu miyekuch chitawaashiimuwaauch chekwaayuu. Etituu maak Kuuhtaawaau kihchikiishikuhch kaa ihtaat chika miyu miiweu taan e ishi nituweyihtamuwaakanuut.”

Luke 11:13

Aat e machaatisiyekw yaapach chichischeyihtenaawaau chechii miyu miyekuch chitawaashiimuwaauch. Etituu maak Kuuhtaawaau kihchikiishikuhch kaa ihtaat chischeyihtam chechii miyu miiwet. Miyeyihtam e miyaat aweyuu Kaa payehchisiyich Ahchaahkwa aniyuu kaa nitutamaakut.”

John 1:9

Uu waashtewin chii pechi takushinuu utah aschiihch misiwe aweyuuh chechii waashtenamuwaat.

John 3:27

John maak chii nishkweushiheu e itaat, “Namui awen chika chii ayaau chekwaayuu paatish Chishemanituu iteyimikute chechii ayaat.

John 3:3

Jesus kaa itaat, “Kuiskw chiwiihtamaatin, namui awen chika chii waapahtamuweu Chishemanituu uchisheuchimaawiniyuu paatish miin pimaatisiite.”

John 8:12

Iskutak Jesus miin e ayimihaat aniyuu iinuu chii iteu, “Niya eukw kaa miikwaau iinuuch waashtewiniyuu utah aschiihch. An awen kaa nuushuushkuut chika ayaau pimaatisiiwiniyuu waashtewinihch uhchi kaye namui chika uhchi pimuhteu wanitipiskisiiwinihch.”

ᐊᐸᔅᑕᓚᒡ 11:18

Uyuu maak e pehtawaatwaau e ishi wiihtamiyich namui uhchii nishkuushtuweuch. Chii chishtaachimeuch Chishemanituu e itwetwaau, “Chishemanituu chii nihiipayihtaau aniyuu iinuu ekaa Jewa kaa itiskaanesiitwaauh chechii kweskaatisiyich kaye chechii pimaachihuyich.”

ᐊᐸᔅᑕᓚᒡ 5:31

Chishemanituu maak chii chisteyihtaakuheu Jesus unihiiwinihch itehche e chii apihaat, chechii uchimaawiyich kaye chechii pimaachihiiweyich, kaye chechii ihtuutawaat Israel iinuuh chechii kweskaatisiyich kaye chechii wepeyihtamuwaakanuyich umachihtwaawiniyuuh.

Romans 6:23

Wesh nipuwinihch ituhtahiikuu awen machihtwaawiniyuu. Ekw an awen kaa wiichewaat Jesus Christ Chitipeyihchikeminuuh Chishemanituuh sehchei miikuu kaachiche pimaatisiiwiniyuu.

1 Corinthians 4:7

Awen kaa miitaakw naashch chihchiwe chechii iteyimisuwekw. Namui aa Chishemanituu kuuhchi miikuwaau misiwe taan e ishi ayaawekw. Chishemanituu e chii miitaakw uyuuh miiwewinh namui ishinaakun chechii maamihchimuyekw muyaam ekaa wii uhchi miitaakw chechii ihtiyekw.

2 Corinthians 4:6

Itashteu Chishemanituu utayimuwinihch e chii itwet Chishemanituu, “Chika waashteu anite uhchi wanitipiskusiiwinihch.” Eukw uu yaapach Chishemanituu kaa ihtuutahk chechii waashteyich chitehiinaahch. Ekut maak wehchi kaschihupayihch chechii wiichihiihkwaau kutakach awenichii chechii waapahtahkwaau uyuu waashtewiniyuu. Uu maak waashtewin eukw aniyuu Chishemanituu uchisteyihtaakusuwin. Jesus Christ maak e ihtaat ekut wehchi nuukuniyich aniyuu uchisteyihtaakusuwin.

Ephesians 1:18

Ninitutamaan kaye chechii chischeyihtamuwekw chekwaayuu aniyuu kaa miitahkw Chishemanituu chechii aspeyimututamuhkw iskutak kaa wiyaapamitahkw. Kaye maak chechii chischeyihtamekw taan e ishpish weyuutaniyikwaauh e chisteyihtaakuniyikwaauh miyu miiwewinh taan e ishi ayeskuushtamuwaat kaa taapwehtamiyich che miyaat.

Ephesians 2:8

Chishemanituu sehchei chichii shaweyimikunuu kaa pimaachihiitahkw an e taapwehtamukw uhchi. Namayeu wii chiyaanuu uhchi kaa uhchipayihch chechii pimaachihuyihkw. Chishemanituu uyuu umiiwewin.

Philippians 1:29

Chishemanituu maak chichii wiyeyimukuwaau namui mikw chechii taapweyimekw Christ, chichii wiyeyimikuwaau kaye chechii nanehkaachihiikuyekw Christ uhchi.

1 Timothy 6:16

Wiya mikw kaachiche pimaatisiyuu, anite maak ekaa nihtaa muhch chechii naataakanuyich waashtewiniyuu ekut e ihtaat, anite ekaa aweyuu chechii naatikut. Namui nihtaa muhch uhchi waapamikuu aweyuu kaye namui nihtaa chika chii waapamikuu. Wiya maak chika chisteyihtaakuhaakanuu kaye maak wiya ayaau kaachiche suuhkaatisiiwiniyuu. Amen.

Hebrews 13:8

Jesus Christ namui nihtaa aahchiiuh chika uhchi iteyihtaakusuu. Taan kaa iteyihtaakusiyit utaakushiihch, ekun e iteyihtaakusit anuhchiish kaye maak ekun che iteyihtaakusit kaachiche.

James 1:5

E ihtaakwe awen ekaa chischeyihtahk taan nihaau che ishikaapuushtahk chekwaayuu e nachishkahk Chishemanituu chipaa nitutamuweu kachehtaaweyihtamuwiniyuu. Chika miikuu maak. Wesh Chishemanituu weyuuch miyeu misiwe aweyuuh taan e ishi nitaweyihtamaakut chekwaayuu.

James 3:15

Namui Chishemanituu e ihtaat uhchipayuu uu kaa iteyihtaakuhch kachehtaaweyihtamuwin, utah aschiihch uhchiimakan, naapeu uyuu ukachehtaaweyihtamuwin, machimanituu e ihtaat uhchipayuu.

James 3:17

An maak kachehtaaweyihtamuwin ishpimihch kaa uhchipayihch niishtam tekash payehkan, ekw miin e chiyaameyihtaakuhiiwemakahch, yuuspeyihtaakuhiiwemakahch, kaye ihtuutaakuu awen yaakwaau chechii nituhtawaat aweyuuh. Awen e ayaat uyuu kachehtaaweyihtamuwiniyuu naashch kata weyuuch chishewaatutaweu aweyuuh kaye mistahii chika miyutuutamaacheu, peyakunihch chika ishi kanawaapameu misiwe aweyuuh kaye namui mitun chika uhchi wii kakaataau taan nihaau e iteyihtaakusit.

1 John 1:5

Chiwii wiihtamaatinaan taan kaa ishi wiihtamaakuyaahch Jesus. Chii iteu, Chishemanituu eukw waashtewin, namui mitun piihchishkaakuu wanitipiskusiiwiniyuu.

1 John 4:10

Mwaau maak chihchiwe saachihiiwewin. Namayeu wii chiyaanuu e chii saachihiihkw Chishemanituu maak wiya e chii saachihiitahkw kaa pechi itishahuumaatahkw Ukusisa ati chechii uhchi wepeyihtamaatahkw chimachihtwaawinuu.

Revelation 21:23

Namui nituweyihtaakusuu piisim maak tipischipiisim chechii uhchi waashtuwech an ihtaawin. Wesh e ishpish chiihkaayaashtuweyich ati e ihtaat Chishemanituu ekut wehchi chiihkaayaashtech an ihtaawin. Kaye an Maanishchaanish e ihtaat ekut wehchi chiihkaayaashtech.

Revelation 22:5

Namui wiiskach chika uhchi tipiskaau anit. Namui kaye kata uhchi nituweyihtamuch waashtenamaakanh kaye namui chika uhchi nitaweyimeuch piisim chechii waashtenamaakutwaau. Wesh aniyuu e ishpish chiihkaayaashtuweyich Chishemanituu eukw uyuu che uwaastenimaakanitwaau. Kaachiche maak kata chisheuchimaauch.