James 1:11 - Chishemanituu Utayimuwin: Kaa Uskaach Testament

¹¹ Iskutak chihchiwe e ati saakaashtuwet piisim ekwet ishkwaasahk nihtaauchihchikanh ekw piyaahpahchishtiniyikwaauh aniyuuh waapikunh. Wenaatahch an taan kaa ishi miywaashich. Ekun maak mwehch kaye wiya che ishinaakusit an awen kaa miisitisiit, kata puunipimaatisiyuu kaye wiya, che nakatahk misiwe utaapatisuwin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᐃᔅᑯᑕᒃ ᒋᐦᒋᐌ ᐁ ᐊᑎ ᓵᑳᔥᑐᐌᑦ ᐲᓯᒻ ᐁᑴᑦ ᐃᔥᒀᓴᐦᒃ ᓂᐦᑖᐅᒋᐦᒋᑲᓐᐦ ᐁᒄ ᐱᔮᐦᐸᐦᒋᔥᑎᓂᔨᒀᐤᐦ ᐊᓂᔫᐦ ᐙᐱᑯᓐᐦ᙮ ᐌᓈᑕᐦᒡ ᐊᓐ ᑖᓐ ᑳ ᐃᔑ ᒥᔻᔑᒡ᙮ ᐁᑯᓐ ᒫᒃ ᒬᐦᒡ ᑲᔦ ᐎᔭ ᒉ ᐃᔑᓈᑯᓯᑦ ᐊᓐ ᐊᐌᓐ ᑳ ᒦᓯᑎᓰᑦ, ᑲᑕ ᐴᓂᐱᒫᑎᓯᔫ ᑲᔦ ᐎᔭ, ᒉ ᓇᑲᑕᐦᒃ ᒥᓯᐌ ᐅᑖᐸᑎᓱᐎᓐ᙮

James 1:11 Iomraidhean Croise

Matthew 13:6

Iskutak maak e ispahahk piisim chii ishkwaateuh aniyuuh nihtaauchihchikanh. Chek chii ati nipiimakanh wesh taapaa uhchi utipiimakanh.

Matthew 20:12

Chii iteuch, ‘Anichii maahchishtai kaa utaaskunaakanuutwaau chechii aapatisitwaau mikw peyakw tipahiikan chii aapatisuuch, niyaan maak wii iskan chiishikaau nichii aapatisinaan aat mekwaach anit kaa chishitech yaapach maak peyakunihch misiwe e ishpish chiishiihkuuyaahch.’ ”

Matthew 6:30

Kaye maak Chishemanituu nihtaauchihtaau mashkushuuh. An maak kaa nihtaauchihkwaauh mashkushuuh anuhchiish kaa chiishikaach, waapahche shaash katachii ishkwaasikanuuh, namui aa chiyawaau uste chiwii miikuwaau chekwaayuu che pushchishkamuwekw, chiyawaau kaa apishaashich chitaapwehtamuwinawaau.”

Mark 4:6

Iskutak maak e ispahahk piisim chii ishkwaateuh aniyuuh nihtaauchihchikanh. Chek chii ati nipiimakanh wesh taapaa uhchi utipiimakanh.

1 Corinthians 7:31

Anichii kaa uhtaapachihutwaau taan e itaapatisinaanuyich utah aschiihch anit chechii uhchi pimaachihiisutwaau ekaawii chika uhchi utamihiikuuch e atushkuwaatwaau Utipeyihchikeuh wesh uu aschii kaye taan e iteyihtaakuhch chika miyaaupayuu.

1 Peter 1:4

ekw maak pekuseyimuyihkw chechii ayaayihkw an taan e ishi ayaat Chishemanituu che ishi miyaat utiiniimh chechii tipiyeusiyich. Kihchikiishikuhch maak chichii kanuweyihtamaakuwaau anite ekaa wiiskaat che wiinipayiyihch, kaye ekaa wiiskaat che wanaataniyich maak chechii paashikunaakuniyich.

1 Peter 5:4

Ekw maak iskutak pechi nuukusite an maauch kaa niikaaneyihtaakusit maanishchaanishuiinuu che miikuyekw an maauch e chisteyihtaakuhch kaaniyuwin an ekaa wiiskach che uhchi paasikunaakuhch.