James 1:1 - Chishemanituu Utayimuwin: Kaa Uskaach Testament

¹ James niya, Chishemanituu ekw maak Utipeyihchikeu Jesus Christ utaapachihaakanuwaauh. Misiwe niwaachiyemaayuuh Chishemanituu utiiniim pahpiiwe kaa ihtaayich misiwe e ispichiskamikaayich uyuu aschiiyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᒉᒥᔅ ᓂᔭ, ᒋᔐᒪᓂᑑ ᐁᒄ ᒫᒃ ᐅᑎᐯᔨᐦᒋᑫᐤ ᒌᓴᔅ ᙭ ᐅᑖᐸᒋᐦᐋᑲᓄᐙᐤᐦ᙮ ᒥᓯᐌ ᓂᐙᒋᔦᒫᔫᐦ ᒋᔐᒪᓂᑑ ᐅᑏᓃᒻ ᐸᐦᐲᐌ ᑳ ᐃᐦᑖᔨᒡ ᒥᓯᐌ ᐁ ᐃᔅᐱᒋᔅᑲᒥᑳᔨᒡ ᐅᔫ ᐊᔅᒌᔫ᙮

James 1:1 Iomraidhean Croise

Matthew 10:3

Philip, ekw maak Bartholomew, Thomas, ekw maak Matthew, an kaa chii maamuushtinahk Chisheuchimaau shuuliyaayuu, ekw maak James, Alphaeus ukusisa, ekw maak Thaddaeus,

Matthew 13:55

Namui aa eukw uyuu mistikunaapeu ukusisa. Namui aa Mary ishinihkaasuyuuh ukaawii, kaye namayeyuuh aa uyuu James, Joseph, Simon ekw maak Judas wiichishaanawaauh.

Matthew 19:28

Ekw Jesus kaa itaat, “Chika cheshtinaahunaawaau, iskutak Iinuu Ukusisa apiyichen chisheuchimaau tehtapuunihch miin uskaache aschii, ekw kaye chiyawaau nichischinuhamuwaakanitikw che apiyekw niishushaap uchimaau tehtapuunih, che wiyaaskunekuch niishushaap kaa itiskaanesitwaau Israel iinuuch.

Mark 3:18

Ekw miin uyuuh kaa wiyaapamaat, Andrew, Philip, Bartholomew, Matthew, Thomas, ekw maak James. Uu maak James, Alphaeus chii ishinihkaasuyuuh uhtaawii. Thaddaeus chii ishinihkaasuu miin kaa wiyaapamaakanuut, ekw miin kutak Simon kaa ayimihewaatisiit kaa ishinihkaataakanuut,

Luke 22:30

chechii wiichimiichisuumiyekw kaye chechii wiichiminihkwemiyekw nimiichisuunaahtikuhch anite nuuchimaawinihch. Chika apinaawaau kaye chiyawaau chisheuchimaau tehtapuwinh ati che uhchi wiyaaskunekuch kaa niishushaap kaa itiskaanesitwaau Israel iinuuch.”

Luke 6:15

Matthew maak, ekw miin Thomas, James, Alphaeus ukusisa. Ekw maak Simon kaa ayimihewaatisiit kaa ishinihkaataakanuut.

John 12:26

An maak awen niya kaa atushkuut nika pechi nuushuushkaakw. Ekw maak che ihtaat nitaapachihaakan taanite che ati aihtaauch. Kata chisteyimikuu Nuuhtaawiih an awen che atushkuukwe.”

John 7:35

Ekw anichii Jewa kaa niikaanishkuwaatwaau kaa kakwechimitutwaau, “Taanite che ituhtet che uhchi ekaa miskuuhk. Maaskuuch kakweteyihtamiiche anite kutak Jewa e ihtaayitwaauh chechii ituhtet chechii chiskutamuwaat aniyuu Greek kaa itiskaanesiitwaauh.

ᐊᐸᔅᑕᓚᒡ 1:13

Iskutak maak tekushihkwaau anite Jerusalemihch chii piihcheuch aniyuu waaskaahiikaniyuu che ihtaatwaau. Chii ihtakuniyuu e pischisaayich ishpimiihtakuhch aniyuu waaskaahiikaniyuu. Ekute kaa ishi kushpaahtawiitwaau. Eukunich uchii kaa ihtaatwaau, Peter, John, James, Andrew, Philip, Thomas, Bartholomew, Matthew, James Alphaeus ukusisa, Simon kaa ayimihewaatisiit kaa ishinihkaataakanuut, ekw maak Judas, James ukusisa.

ᐊᐸᔅᑕᓚᒡ 12:17

Chii waashtenamuweu aniyuuh iinuuh chechii puuniyich e ayimiyich. Ekw kaa wiihtamuwaat taanite kaa uhchi wiihkuchihiikut Utipeyihchikeu anite chipahutuukamikuhch uhchi. Ekw kaa itaat, “Wiihtamuwaahkuch James ekw maak anichii kutakach chiichishaanuuch taan kaa ispayaan,” chii iteu. Ekw kaa wiiwiit, aahchiiuh kaa nituu ituhtet.

ᐊᐸᔅᑕᓚᒡ 15:13

Iskutak maak kaa chiishi tipaachimuyich, ekw James kaa pisikuut e itwet, “Nituhtamukw maa, niichishaanitikw,

ᐊᐸᔅᑕᓚᒡ 15:21

Wesh eukw uu shaash weskach kaa ishi pechi kacheskwaanuuhch anite misiwe Jewa ayimiheukamikuhch eshikum ayimiheuchiishikaau ishpin kaa miikuyihkw Moses uwiishuwewin.”

ᐊᐸᔅᑕᓚᒡ 15:23

Masinahiikaniyuu chii miyaakanuuch che ituhtataatwaau anite Antiochihch anite umaamuuayimihaau e ihtaayich. Chii itashteyuu maak anit, “Niyaan apastalach, kaye niyaan kaa niikaanishkamaahch ayimiheukamikw, chimasinahamaatinaan chiyawaau niichishaanaanich chiyawaau kaa taapwehtamekw ekaa Jewa kaa itiskaanesiyekw, chiyawaau kaa wiichiyekw anite Antiochihch, Syriahch, ekw maak Ciliciahch.

ᐊᐸᔅᑕᓚᒡ 2:5

Chii ihtaauch maak Jewa naapeuch anite Jerusalemihch naashch e ayimihewaatisiitwaau misiwe nanaahkuu aschiihch e chii uhtuhtetwaau.

ᐊᐸᔅᑕᓚᒡ 21:18

Miin maak wiyaapahch nichii nituwaapamaanaan James misiwe anit e tashiyaahch. Paul kaye nichii wiicheukunaan. Misiwe anichii kaa niikaanishkuwaatwaau aniyuu kaa taapwehtamiyich anit Jerusalemihch kaa ihtaayich chii ihtaauch anit James e ihtaayich.

ᐊᐸᔅᑕᓚᒡ 23:26

“Claudius Lysias niya, chii chisheuchimaau Felix chimasinahamaatin,

ᐊᐸᔅᑕᓚᒡ 26:7

Misiwe maak kaye wiyawaau anichii Jewa iinuuch aniyuuh kaa niishushaapuyich Jacob ukusiyuu e ihtaayich kaa uhchiitwaau eukw uyuu e ashuwaapahtahkwaau. Eukw uyuu e ishi pukuseyimutwaau e ayimihaatwaau Chishemanituu e chiishikaayich kaye e tipiskaayich. Chisheuchimaau Agrippa, eukw maak uyuu e ishi taapwehtamuch wehchi wii wiyaaskunitwaau uchii Jewa iinuuch.

ᐊᐸᔅᑕᓚᒡ 8:1

Saul maak chii miyeyihtam e chii nipahaakanuyich Stephen. Aniyuu maak e peyakuniyich e chiishikaayich anichii umaamuuayimihaauch anite Jerusalemihch ekut kaa uhchi chihchi nanehkaachihaakanuutwaau. Eukw uyuu wehchii nakatahkwaau Jerusalemiyuu ekw anite Judeahch ekw anite Samariahch kaa nituu wiichitwaau. Mikw anichii apastalach ekut yaapach kaa ihtaatwaau wiyawaau anit Jerusalemihch.

Romans 1:1

Niya Paul, Jesus Christ utaapachihaakan. Chishemanituu nichii wiyaapamukw apastal chechii ihtaauch kaye maak wiya nichii tepwaatikw chechii waawiihtamuch umiywaachimuwin.

Galatians 1:19

Namui mikw nuuhchi waapamaayuuh aniyuuh kutak utapastalamh Jesus. Mikw James chitipeyihchikeminuu wiichishaan eukun an kaa waapamak.

Galatians 2:12

Maau kaa ihtit. Kaa takushihk anit Antiochihch namui wiyesh uhchi iteyihtam e wiich miichisuumaat maanh aniyuuh ekaa Jewa kaa itiskaanesiitwaauh kaa taapwehtamiitwaauh. Chek James chii pechi itishahweu pasch Jewa iinuuh kaa taapwehtamiitwaau. Naashch yaakwaau chii iteyihtamihiikuuch Jewa ayimiheu wiishuwewinh uchii. Misiwe aweyuuh kaa taapwehtamiyich chii iteuch chechii chischinuwaachishwaakanuyich. Peter maak chii kushteu uyuuh Jewa ekw namui miin uhchi wiich miichisuumeu aniyuuh ekaa Jewa kaa itiskaanesiitwaauh.

Galatians 2:9

James, Peter ekw maak John, anichii kaa niikaanihaakanuutwaau kaye maauch kaa chisteyimaakanuutwaau chii chischeyihtamuch Chishemanituu e chii miiyich uyuu chechii itaapatisuuch. Ekw maak Barnabas e niishiyaahch kaa utinischeniyamihtwaau uchii e nishtitwaau. E nuukuhtaayaahch peyakunihch e ishikaapuuyaahch. Maau maak kaa ishi niskumuyaahch. Barnabas e niishiyaahch anichii ekaa Jewa kaa itiskaanesitwaau che waawiihtamuwachihtwaau miywaachimuwiniyuu ekw maak wiyawaau aniyuuh Jewa kaa itiskaanesiyich che waawiihtamuwaatwaau.

Philippians 1:1

Niya Paul chimasinahamaatinaawaau chiyawaau Jesus Christ kaa taapweyimekw anite Philippihch kaa ihtaayekw. Timothy ekw maak niya taapishkun nitatushkuwaanaan Jesus Christ. Kaye chiyawaau kaa niikaanishkuwekuch umaamuuayimihaauch ekw maak chiyawaau kaa wiichihiiweyekw anite ayimiheukamikuhch chimasinahamaatinaan.

2 Timothy 4:21

Suuhk kuchihtaah chechii takushiniyin eshkw ekaa pipuhch. Eubulus, Pudens, Linus kaye Claudia misiwe chiwaachiyemikuwaauch kaye anichii kutakach chiichishaanuuch chiwaachiyemikuwaauch.

Titus 1:1

Niya, Paul, kaa masinahamaataan. Niya Chishemanituu utaapachihaakan kaye Jesus Christ utapastalimh. Nichii itishahukuun chechii wiichihiimach aniyuuh iinuuh Chishemanituu kaa wiyaapamaat chechii taapweyimaayich Jesus. Nichii itishahukuun kaye chechii chiskutamuukwaau chechii chischeyihtahkwaau taapwewiniyuu ekw maak chechii itaatisiitwaau taan e ishi nituweyimikutwaau Chishemanituu chechii itaatisiitwaau.

1 Peter 1:1

Niya Peter. Jesus Christ nichii wiyaapamukw kaye maak wiya nichii itishahuukw Apastal chechii ishi atushkuuk. Chiyawaau Chishemanituu utiiniimh chi masinahamaatinaawaau, chiyawaau paahpiiwe kaa ihtaayekw anite aniyuu aschiih Pontus, Galatia, Cappadocia, Asia ekw maak Bithynia kaa ishinihkaatekwaauh.

2 Peter 1:1

Niya Simon Peter. Jesus Christ nitatushkuwaau, wiya nichii wiyaapamikw apastal chechii itaapatisuuch. Chimasinahamaatinaawaau chiyawaau kaa ayaayekw taapwehtamuwin mwehch an e iteyihtaakuhch niyaan kaa ayaayaahch. Eukw uyuu taapwehtamuwiniyuu chipimaachihiiweminuu kaye Chichishemanituuminuu Jesus Christ kaa miitahkw. Wiya chitihtuutaakunuu chechii kuiskunaakusiyuuhkw Chishemanituu ishi e ihtaat.

Jude 1:1

Jude niya, James wiichiinuu. Jesus Christ nitatushkuwaau. Nimasinahamuwaauch anichii kaa tepwaatikutwaau kaye naashch kaa saachihiikutwaau Chishemanituu Uhtaawiimaauh. Miyu kanuweyimikuuch Jesus Christ uchii.

Revelation 7:4

Ekw kaa pehtamaan taan kaa tashitwaau anichii kaa chiishaawaachihaakanuutwaau Chishemanituuh uchiisaawaachihchikaniyuu uskahtikuwaahch. Peyakwaau mihtaahtumitanuu miin nemitanuu neuwaau chishe mitaahtumitanuu chii tashuuch. Misiwe anite e niishushaap piihtau itiskaanesiyich Israel iinuuh chii uhchiyuuch anichii kaa chiishaawaachihaakanuutwaau.