Ephesians 4:3 - Chishemanituu Utayimuwin: Kaa Uskaach Testament

³ Suuhk muush wii miyu wiicheutukw. Chishemanituu Utahchaahkwa chiwiichihiikuwaau chechii miyu wiicheutuyekw chiyaameyihtamuwiniyuu e miitaakw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᓲᐦᒃ ᒨᔥ ᐐ ᒥᔪ ᐐᒉᐅᑐᒄ᙮ ᒋᔐᒪᓂᑑ ᐅᑕᐦᒑᐦᑾ ᒋᐐᒋᐦᐄᑯᐙᐤ ᒉᒌ ᒥᔪ ᐐᒉᐅᑐᔦᒄ ᒋᔮᒣᔨᐦᑕᒧᐎᓂᔫ ᐁ ᒦᑖᒄ᙮

Ephesians 4:3 Iomraidhean Croise

Mark 3:24

Wesh michihpin awenichii peyakw aschiiyuu kaa uhchiitwaau machipaihkahtaatutwaawenich namui mitun kata uhchi miyupayuuch anit utaschiiwaahch.

John 13:34

E uskaach kacheskwewin chimiitinaawaau eukw uu chechii saachihiituyekw. Muyaam taan e ishpish saachihiitakuch ekun chipaa ishpish saachihiitunaawaau.

1 Corinthians 1:10

Niichishaanitikw, Chitipeyihchikeminuu Jesus Christ utishinihkaasuwinihch uhchi, chisiihchimitinaawaau maamuu chechii niskumuyekw chekwaan e itweyekw ekaa chechii papahkaanipayekw anit mekwesiinuu e ihtaayekw. Suuhk wii maamuupayihukw peyakunihch e ishi maamituneyihtamekw kaye peyakunihch e ishi nisituhtamekw.

2 Corinthians 13:11

Ekw maak niichishaanitikw, waachiye chititinaawaau. Suuhk kuchihtaakw nihaau chechii iteyihtaakusiyekw e ishi nituweyimitaakw Chishemanituu chechii iteyihtaakusuwekw. Yaakwaau nituhtamukw taan e ishi siihchimitakuch. Suuhk peyakunihch wii ishi pimaatisiikw. Suuhk miyu wiicheutukw. Chishemanituu an kaa saachihiiwet kaye kaa ayaat chiyaameyihtamuwiniyuu chika wiicheukuwaau.

Ephesians 4:13

Eukw maak uu che ishi wiichihiikuyihkw paatish misiwe maamuu peyakunihch ishi taapwehtamuhkwe kaye tekash misiwe chischeyimahkwe Chishemanituu Ukusisa taan e iteyihtaakusiyich. Kaye maak paatish tekash chiishi nihtaauchiihkwe, nihaau e iteyihtaakusit Christ iteyihtaakusiihkwe.

Ephesians 4:4

Misiwe anichii kaa taapweyimaatwaau Chishemanituu peyakw miiyuu ishinaakusuuch. Kaye maak mikw peyakushuu Kaa payehchisiit Ahchaahkw. Peyakun kaye aspeyimuwin, aniyuu Chishemanituu kaa miitahkw iskutak kaa wiyaapamitahkw.

1 Thessalonians 5:13

Naashch chipaa chisteyimaawaauch kaye chipaa saachihaawaauch aniyuu utapitisiiwanawaau uhchi. Ekaawii mamachipayihkahtaatukw.

Hebrews 12:14

Suuhk kuchihtaakw chechii ishi pimaatisiyekw chechii miyu wiichewekuch kutakach awenich. Suuhk kuchihtaakw kuiskw chechii ishi pimaatisiyekw. Wesh taapaa kata chii naateu awen Chishemanituu ekaa kuiskutaatisiite.