Ephesians 2:3 - Chishemanituu Utayimuwin: Kaa Uskaach Testament3 Ekun maak peyakwaau misiwe kaa ishinaakusiihkw kaye chiyaanuu, mikw taan waa ihtiihkw chichii ihtinaanuu. Chichii ihtuutenaanuu mikw taan e ishi nituweyihtamuumakahkwaau chiyaasinuuh kaye chimituneyihchikanuuh. An maak kaa ishpish chii machaatisiihkw chii iteyihtaakuniyikupane taapwe kaye chiyaanuu chechii waweshihiitahkw Chishemanituu. Faic an caibideilᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ3 ᐁᑯᓐ ᒫᒃ ᐯᔭᒀᐤ ᒥᓯᐌ ᑳ ᐃᔑᓈᑯᓰᐦᒄ ᑲᔦ ᒋᔮᓅ, ᒥᒄ ᑖᓐ ᐙ ᐃᐦᑏᐦᒄ ᒋᒌ ᐃᐦᑎᓈᓅ᙮ ᒋᒌ ᐃᐦᑑᑌᓈᓅ ᒥᒄ ᑖᓐ ᐁ ᐃᔑ ᓂᑐᐌᔨᐦᑕᒨᒪᑲᐦᒀᐤ ᒋᔮᓯᓅᐦ ᑲᔦ ᒋᒥᑐᓀᔨᐦᒋᑲᓅᐦ᙮ ᐊᓐ ᒫᒃ ᑳ ᐃᔥᐱᔥ ᒌ ᒪᒑᑎᓰᐦᒄ ᒌ ᐃᑌᔨᐦᑖᑯᓂᔨᑯᐸᓀ ᑖᐺ ᑲᔦ ᒋᔮᓅ ᒉᒌ ᐗᐌᔑᐦᐄᑕᐦᒄ ᒋᔐᒪᓂᑑ᙮ Faic an caibideil |
Machimanituu eukw wehtaawiyekw, aniyuu e ishi nituweyimitaakw chechii ishi machituutamuwekw eukun mikw waa ihtuutamekw. Muush chii nipahiiweu kaa ishpish ihtakuniyich uyuu aschiiyuu. Namui wiiskaat uhchi nituweyihtam kuiskw chechii ishi wiihtaakuniyich chekwaayuu wesh namui mitun ihtakuniyuu taapwewiniyuu anit e ihtaat. Muush nanatayuu wesh ekun chihchiwe e itaatisiit, eukw maak an taapwe weuhtaawiitutawaat aniyuuh kaa nanatayich.
Anichii maak wii ekaa Jewa kaa itiskaanesitwaau namui ayaauch uyuu wiishuwewiniyuu. Mikw maak tipiiwe anit e ihtaatwaau e uhchipayiyich chechii ihtuutahkwaau taan e itashumuweyich aniyuu wiishuwewiniyuu ekut wehchi nuukuniyich e chischeyihtahkwaau taan chipaa ihtuuch kaye taan aniyuuh ekaa chipaa uhchi ihtuuch aat ekaa ayaatwaau Moses uwiishuwewiniyuu.
Eshkw maak mekwaach ekaa mitun uhchi aapateyimahkw Chishemanituu yaapach chii uhtinam taanite chechii uhchi ishinaakuniyich chechii ati miyu wiicheuhkw. Kaa nipistamaakuuhkw Christ ekut kaa uhchi nihiipayihtaat uyuu chechii ishinaakuniyich. Ekw maak anuhchiish e miyuwicheuhkw Chishemanituu cheshtinaateyihtaakun che pimaachihiitahkw Jesus upimaatisiiwiniihch uhchi.
Ekun maak mwehch e ihtit Chishemanituu. Chii wiyeyihtam chechii waapahtiiwet utaahkuyuwesuwin kaye maak chii wii chischeyihtaakuhtaau usuuhcheyihtaakusuwin. Ute utaahch muush chii pechi siipiiwesiistuweu aniyuuh kaa chishuwaahiikut ute utaahch, aniyuuh kaa iteyihtaakuniyich chechii nisuunaatisiyich.
Niwiichewaakanitikw, misiwe taan kaa itwet Chishemanituu cheshtinaash che ihtuutamaatahkw taapwe kata ihtuutam. Payehchihiisutaau maak ekaa mitun chechii ihtakuhch machihtwaawin chiiyuunaahch kaye chitahchaahkunaahch. Wesh ekut e nuuhkuhtaayihkw e nanihchiishtuuhkw Chishemanituu tekash e pachishteyimisuyihkw chechii atushkuukw.
Namui maak ihtakun wiishuwewin an e iteyihtaakuhch. Itashteu Chishemanituu utayimuwinihch misiwe awen utah aschiihch kaa pimaatisiit tekash tipeyimikuu machaatisiiwiniyuu. Ekw maak Jesus Christ uhchi ekut che uhchi miiwet Chishemanituu taan aniyuuh cheshtinaash kaa itwet che miiwet. Misiwe maak anichii che taapweyimaatwaau Jesus eukunich che miikutwaau Chishemanituuh aniyuu kaa itweyich che miiweyich.
Namui maak chipaa uhchi ihtinaanuu ekaa chechii yaapateyihtamuhkw kaye ekaa mitun chechii nanaakatuweyihtamuhkw taanit che utihchipayiyich Utipeyihchikeu uchiishikaam mwehch e ihtitwaau anichii ekaa kaa taapwehtahkwaau miywaachimuwiniyuu. Muush chipaa ayeskuwiinaanuu, muush chipaa wii waaskameyimunaanuu.
Wesh kaye chiyaanuu peyakwaau chichii chiishkwepimaatisiinaanuu, namui chuuhchi nanihiihtuwaanuu Chishemanituu, chichii wiyeshihiikunaanuu kaye chichii shaakuuchihiikunaanuu nanaahkuu machi nituweyihtamuwinh kaye machi miyeyihtamuwinh. Pisikw chichii machaatisiinaanuu kaye chichii uhteyimaanuuch awenichii. Chichii uhkaataanuuch awenich kaye wiyawaau maak chichii uhkaateyimikunuuch.