Ephesians 1:3 - Chishemanituu Utayimuwin: Kaa Uskaach Testament

³ Nanaaskumaataau Chishemanituu, Chitipeyihchikeminuu Jesus Christ Uhtaawii. Aniyuu e wiicheumihkw Christ, Chishemanituu chichii shaweyimikunuu e chii miitahkw misiwe ahchaahkw shaweyihchichewinh taan e ishi ihtakuhkwaauh kihchikiishikuhch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᓇᓈᔅᑯᒫᑖᐤ ᒋᔐᒪᓂᑑ, ᒋᑎᐯᔨᐦᒋᑫᒥᓅ ᒌᓴᔅ ᙭ ᐅᐦᑖᐐ᙮ ᐊᓂᔫ ᐁ ᐐᒉᐅᒥᐦᒄ ᙭, ᒋᔐᒪᓂᑑ ᒋᒌ ᔕᐌᔨᒥᑯᓅ ᐁ ᒌ ᒦᑕᐦᒄ ᒥᓯᐌ ᐊᐦᒑᐦᒄ ᔕᐌᔨᐦᒋᒉᐎᓐᐦ ᑖᓐ ᐁ ᐃᔑ ᐃᐦᑕᑯᐦᒀᐤᐦ ᑭᐦᒋᑮᔑᑯᐦᒡ᙮

Ephesians 1:3 Iomraidhean Croise

1 Peter 1:3

Maamihchimaataau Chishemanituu, Chitipeyihchikeminuu Jesus Christ Uhtaawii. Aniyuu e ishpish naashch chistimaacheyimitahkw chichii miikunuu e uskaayich pimaatisiiwiniyuu kaa wanishkaanaat Jesus Christ nipuwinihch uhchi. Ekut maak wehchi ayaayihkw aspeyimuwin e cheshtinaateyihtaakuch,

2 Corinthians 1:3

Kata wii maamihchimaakanuu Chishemanituu Chitipeyihchikeminuu Jesus Christ Uhtaawiih. Eukw uu uhtaawiimaau muush kaa chishewaatutawaat aweyuu kaye kaa kaachiichihaat aweyuuh misiwe e ishi aayimuhuyich.

Ephesians 2:6

Anit maak kaa wanishkaanaat Jesus kaye chiyaanuu chichii wanishkaanikunuu. Ekw anite kaa waweyipihiitahkw kihchikiishikuhch anite kaa ishi waweyipihaat Christ,

Ephesians 1:20

Eukw uyuu e peyakuniyich e suuhcheyihtaakuniyich maskuusiiwiniyuu kaa aapachihtaat Chishemanituu kaa wanishkaanaat Christ nipuwinihch uhchi kaye kaa apihaat anite unihiiwinihch itehche anite kihchikiishikuhch.

Ephesians 6:12

Wesh namui muhch iinuuch chimaasihaanuuch. Machiahchaahkuch kaa tipeyihchichetwaau chimaasihaanuuch kaye anichii naashch kaa suuhcheyihtaakusitwaau kaye anichii kaa niikaanishkahkwaau wanitipiskusiiwiniyuu utah aschiihch kaa ihtakuniyich. Chimaasihaanuuch kaye anichii mihchetu machiahchaahkuch anite ishpimihch kaa ihtaatwaau.

Ephesians 3:10

Anuhchiish maak ekw chescheyihtaakuhtaat Chishemanituu taan kaa wii ihtuutahk, eukw uyuu anite umaamuuayimihaauh e ihtaayich chechii uhchi chischeyihtamihaat aniyuu kaa tipeyihchicheyich kaye kaa suuhcheyihtaakusiyich ishpimihch kaa ihtaayich taan e ishi nanaahkuu iteyihtaakuniyich ukachehtaaweyihtamuwin.

Galatians 3:9

Abraham chii taapweyimeu Chishemanituuh. Chii ihtakuniyuu maak taan kaa ishi shaweyimaakanuut. Misiwe maak awen kaa taapwehtahk taan kaa ishi taapwehtamiyich Abraham kata shaweyimaakanuu kaye wiya.

John 17:21

Kamaa ishinaakusiwaakupanenich uchii chechii peyakutwaau. Nuuhtaawii, chinitutamaatin chechii piihchishkaatahkwaau mwehch chiya e ishi piihchishkuwiyin kaye maak chechii uhchi taapwehtahkwaau awenich utah aschiihch kaa ihtaatwaau taapwe chiya e chii pechi itishahuyin.

Ephesians 1:17

Ninitutamuwaau Chishemanituu Chitipeyihchikeminuu Jesus Christ Uhtaawii an maauch kaa chisteyihtaakusit chechii miitaakw Utahchaahkwa aniyuuh che kachehtaaweyihtamihiitaakw kaye che chischeyihtamihiitaakw taanite chechii uhchi chischeyimekw Chishemanituu.

2 Corinthians 11:31

Chishemanituu chitipeyihchikeminuu Jesus Uhtaawii chischeyihtam ekaa nanatayuuch. Wiya kaachiche kata maamihchimaakanuu.

2 Corinthians 5:21

Aat maak Christ ekaa wiiskaat uhchi machituutahk Chishemanituu chii ihtuutaakuu mwehch umachihtwaau chechii ishinaakusit, chiyaanuu uhchi. Ekw maak Christ wiicheuhkwe, ukuiskutaatisiiuch chika ishi kanawaapamikunuu Chishemanituu.

1 Corinthians 12:12

Anichii kaa taapweyimaatwaau Christ mwehch peyakw miiyuu ishinaakusuuch. Aat nanaahkuu e ishi paschesiimakahch yaapach peyakun miiyuu.

Romans 12:5

Ekun maak nuusem e ishinaakusiihkw. Misiwe chipeyakunaanuu Jesus Christ e ihtaat. Aat maak e mihchetiihkw yaapach peyakw miiyuu chitishinaakusinaanuu. Misiwe maak e tashiihkw ekute e ishi wiichihiiweyihkw uu miiyuu.

Ephesians 1:10

Iskutak maak utihchipayiniyiche anit che tipipayiniyich aniyuu kaa wii ihtuutahk Chishemanituu kata maamuunam misiwe chekwaayuu Christ che niikaanishkamiyich, misiwe taan e ishi ihtakuniyich kihchikiishikuhch ekw maak utah aschiihch.

2 Corinthians 5:17

Iskutak Christ e ihtaayich e ishi tipeyihtaakusit awen tekash ushchihtaakanuyuu upimaatisiiwin. Taan kaa iteyihtaakusit weskach shaash miyaaupayiniyuu. Misiwe chii ishi uschihaakanuu upimaatisiiwinihch.

Romans 15:6

Ekw maak misiwe maamuu e tashiyekw peyakunihch che ishi maamihchimekw Chishemanituu, Chitipeyihchikeminuu Jesus Christ Uhtaawii.

Hebrews 8:5

Uchii maak ayimiheuchimaauch utah aschiihch kaa ayimiheuchimaau aapatisitwaau anite Jewa ayimiheu maahkiihch chii aapatisuuch. Aniyuu maak ayimiheu maahkiiyuu anit kaa aapatisitwaau mwehch an chihchiwe ayimiheu maahkii kihchikiishikuhch kaa ihtakuhch kaa ishinaakuhch chii ishinaakuniyuu. Wesh iskutak Moses che wiikaapuuhtaat aniyuu ayimiheu maahkiiyuu, chii itikuu Chishemanituuh, “Anite wachiihch kaa ihtaayin kaa waapahtiitaan taan che ishihtaayin ekun nihaau che ishihtaayin.”

Philippians 2:11

Misiwe awen chika itweu, Jesus eukw Utipeyihchikeu, e maamihchimaat Chishemanituu, Uhtaawiimaau.

1 Corinthians 1:30

Wiya Chishemanituu chii nihiipayihtaau chechii wiicheumekw Jesus Christ. Jesus maak e ihtaat uhchi ekute wehchi ayaayihkw kachehtaaweyihtamuwin, kaye kuiskutaatisiiwin, kaye payehchi pimaatisiiwin, kaye maak pimaachihiikusiiwin.

Hebrews 9:23

Chii nituweyihtaakun uu chechii ihtinaanuuhch chechii payehkahkwaau misiwe uyuuh chekwaayuuh. Uu e ihtinaanuuhch mikw wii nuukuhtaakanuu taan e iteyihtaakuhkwaauh aniyuu chihchiwe chekwaayuu anite kihchikiishikuhch kaa ihtakuhkwaauh. Cheshtinaash maak uste e miywaakwaauh machishtawehamaawinh nituweyihtaakunh wesh etituu chihchiwe iteyihtaakunh aniyuuh chekwaayuu anite kihchikiishikuhch kaa ihtakuhkwaauh.

John 20:17

Jesus kaa itwet, “Ekaawii taahtin wesh eshkw namui Nuuhtaawii e ihtaat nuuhchii ishi uhpiskaan. Nituwaapamach niichishaanich che wiihtamuutwaau che uhpiskaauch Nuuhtaawii kaye chiyawaau Kuuhtaawiiwaau e ihtaat ishi, Nichishemanituum kaye chiyawaau Chichishemanituumiwaau.”

John 14:20

Iskutak maak utihchipayihche anit che pechi nituwaapamitikuch ekut che nisituhtamekw e piihchishkuuk Nuuhtaawii kaye e piihchishkuuyekw, kaye maak e piihchishkaatakuch.”

Luke 2:28

Simeon maak chii utineu aniyuu awaasha kaa tahkunaat ekw kaa maamihchimaat Chishemanituu, e itwet,