Colossians 4:3 - Chishemanituu Utayimuwin: Kaa Uskaach Testament

³ Kaye niyaan ayimiheshtamuunaan Chishemanituu chechii taupayihtwaakuyaahch chechii waawiihtamaahch miywaachimuwin anit yaayimuumaakanuut Christ, an ekaa uhchi chischeyimaakanuut anite utaahch. Ekun wehchi chipahukuyaan anuhchiish, uu e chii ishi waawiihtamaan.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᑲᔦ ᓂᔮᓐ ᐊᔨᒥᐦᐁᔥᑕᒨᓈᓐ ᒋᔐᒪᓂᑑ ᒉᒌ ᑕᐅᐸᔨᐦᑣᑯᔮᐦᒡ ᒉᒌ ᐙᐐᐦᑕᒫᐦᒡ ᒥᔻᒋᒧᐎᓐ ᐊᓂᑦ ᔮᔨᒨᒫᑲᓅᑦ ᙭, ᐊᓐ ᐁᑳ ᐅᐦᒋ ᒋᔅᒉᔨᒫᑲᓅᑦ ᐊᓂᑌ ᐅᑖᐦᒡ᙮ ᐁᑯᓐ ᐌᐦᒋ ᒋᐸᐦᐅᑯᔮᓐ ᐊᓄᐦᒌᔥ, ᐆ ᐁ ᒌ ᐃᔑ ᐙᐐᐦᑕᒫᓐ᙮

Colossians 4:3 Iomraidhean Croise

Matthew 13:11

Ekw Jesus kaa itaat, “Chichii miikunaawaau chiyawaau chechii chischeyihtamekw an chekwaan kutakach awenich ekaa maayaakanuutwaau chechii chischeyihtahkwaau, eukuu chechii chischeyihtamekw kihchikiishikw uchimaawin. Wiyawaau maak namui uhchi pachishtinaakanuuch aniyuu chechii ishi chischeyihtahkwaau.

ᐊᐸᔅᑕᓚᒡ 14:27

Iskutak maak kaau mesikaatwaau anichii apastalach anite Antiochihch, chii nishtuuneuch aniyuu misiwe umaamuuayimihaauh e waawiihtamuwaatwaau taan kaa ihtuutamiyich Chishemanituu wiyawaau e chii aapachihiikutwaau. Ekw maak anichii iinuuch chii wiihtamaakuch aniyuu apastalh, aniyuu iinuuh ekaa Jewa kaa itiskaanesiitwaauh kaye wiyawaau e taapweyimaatwaau Jesus.

Romans 16:25

Maamihchimaataau Chishemanituu. Wes wiya eukw keschihut chechii yaaichikaapuuhiitaakw chipimaatisiiwiniwaahch anit uhchi taan kaa ishi waawiihtamaatakuch miywaachimuwin. Ekut e aayimuumaakanuut uu Jesus Christ kaa tipaachimak. Eukw maak uyuu miywaachimuwiniyuu namui uhchi pachishtinam Chishemanituu chechii chischeyihtaakanuyich anite pechi weskach.

1 Corinthians 16:9

Mekwaach naashch nihiipayuu chechii miyu aapatisiyaan utah aat e mihchetitwaau awenich e wii machipayihkahtuutwaau.

1 Corinthians 4:1

Christ utaapachihaakanh chipaa ishi kanawaapaminaan, anichii kaa miyaakanuutwaau che aashuu chiskutamaachetwaau aniyuu chekwaayuuh eshkw ekaa uhchi wiihtaakanuyikwaauh, aniyuuh Chishemanituuh e ihtaat kaa uhchipayiniyikwaauh.

2 Corinthians 2:12

Troas kaa ishinihkaatech ihtaawin ekute kaa nituu waawiihtamuch Christ umiywaachimuwin. Kaa paapayaan maak anite mitun chii nisituunaakun Utipeyihchikeu shaash e chii ayeskuushtaakupane anit chechii kacheskweuch.

Ephesians 3:1

Niya Paul, e atushkuuk Jesus Christ kaye maak e waawiichihiitakuch chiyawaau ekaa Jewa kaa itiskaanesiyekw eukuu wehchi ihtaayaan chipahutuukamikuhch.

Ephesians 3:3

Nichii miikw Chishemanituu chechii chischeyihtamuch aniyuu kaa ishi wiyeyihtamukupane che ihtit ekaa aweyuuh uhchi chischeyihtamiyich. Apishiish nitaayimuuten uu utah uu kaa masinahamaatakuch.

Ephesians 3:4

Ayimihtaayekwe maak uu nimasinahiikan ekut che uhchi chischeyihtamekw e miyu nisituhtamuch chekwaayuu aniyuu kaa wii ihtuutahk Chishemanituu Christ uhchi.

Ephesians 3:9

Kaye maak, niya nichii miikw misiwe aweyuuh chechii chischeyihtamihiimach aniyuu chekwaayuu ekaa uhchi chischeyihtaakuniyich kaa ishi wiyeyihtamikupane Chishemanituu che ihtuutahk. Chishemanituu an misiwe chekwaayuu kaa ushihtaat chii kanuweyihtamikupane mikw uyuu taan kaa ishi wiyeyihtamikupane che ihtuutahk anite niishtamihch.

Ephesians 4:1

E chii papaawiihtamuch Utipeyihchikeu umiywaachimuwin ekun wehchi chipahukuyaan. Eukw maak wehchi siihchimitakuch aniyuu e ishi nitaweyimitaakw Chishemanituu chechii ishi pimaatisiiwekw chechii ishi pimaatisiyekw.

Philippians 1:19

Suuhk maak nika miywaaten, nichischeyihten che pachishtinikuyaan wesh chitayimiheshtamuunaawaau kaye maak Kaa payehchisiit Ahchaahkw nipechi wiichihiikw.

Philippians 1:7

Chemaanam maak uu chit ishi maamituneyimitinaawaau wesh chisaachihiitinaawaau. Wesh misiwe e tashiyekw chichii miikunaawaau chishewaatisiiwin muyaam taan kaa ishi miikuyaan niya aat utah mekwaach chipahutuukamikuhch e ihtaayaan kaye maak mekwaach kaa chii chispewaatutamaan miywaachimuwin kaye kaa chii aapatisiihkahtamaan chechii taapwehtaakanuuhch.

Colossians 1:26

Uyuu maak kaa ishi miit chechii aayimuutamuch namui uhchi pachishtinam chechii chischeyihtaakunuyich anite pechi utaahch. Namui waawaach peyakw awen kaa ishpish chii pechi pimaatisiit utah aschiihch uhchi miyaakanuu chechii chischeyihtahk uyuu. Anuhchiish maak wii ekw pechishtinak chechii waawiihtamuwaakanuyich kaa taapwehtamiitwaauh.

Colossians 4:18

Niya tipiiwe Paul ekw masinahiicheyaan uu e waachiyemitakuch. Ekaawii wanichischisikw chipahutuukamikuhch e ihtaayaan. Nitayimihaan Chishemanituu chechii chishewaatutaataakw.

1 Thessalonians 5:25

Niichishaanitikw, pechi ayimiheshtamuunaan.

2 Timothy 1:16

Nitayimiheshtamuwaayuu Onesiphorus anit aniyuu e peyakuteusiit kaa ihtaayich chechii chistimaacheyimikutwaau Chishemanituuh wesh muush chii ihtakuniyuu taan kaa chii ishi pechi waawiichihiit Onesiphorus, namui mitun uhchi shaakweyimuhiikuu e chipahukuch.

2 Timothy 2:9

Wesh e waawiihtamaan uu miywaachimuwin eukuu wehchi nanehkaateyimuyaan, kaye mwehch awen e chii wanahpisut kaa chii maamaahchikwaapiskahwaakanuut ekun e ihtuutaakuyaan, mikw maak namui chika chii maamaahchikwaapiskahiikanuuyuu Chishemanituu utayimuwin.

2 Timothy 4:2

che waawiihtaman Chishemanituu utayimuwin, suuhk waawiihtah aat anit ekaa e nihiipayihch chechii nituhtaakanuuhch, maak anit e nihiipayihch chechii nituhtaakanuuhch, chischeyihtaakuhtaa taapwewin, chistahamaache e wanituutaakanuuhch, kaye maak kaachiichimuwe kaye muush wii siipiiwesii kaye muush chiskutamaache.

Philemon 1:22

Miin kutach chekwaan kaa wii kakwechimitaan chechii ihtuutamuuyin. Chipaa chii aa ayeskuunamuun peyakw e pischisaach anit e chiichihch. Wesh nipukuseyimaau Chishemanituu chechii nihiipayihtuut wiipach chechii nituwaapamitakuch muyaam e ishi nitutamuwekw.