Colossians 2:3 - Chishemanituu Utayimuwin: Kaa Uskaach Testament

³ Mikw Christ chimiikunuu taapwe chechii nisituhtamuhkw Chishemanituu uweyuuch kachehtaaweyihtamuwin kaye uweyuuch chischeyihtamuwin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒥᒄ ᙭ ᒋᒦᑯᓅ ᑖᐺ ᒉᒌ ᓂᓯᑐᐦᑕᒧᐦᒄ ᒋᔐᒪᓂᑑ ᐅᐌᔫᒡ ᑲᒉᐦᑖᐌᔨᐦᑕᒧᐎᓐ ᑲᔦ ᐅᐌᔫᒡ ᒋᔅᒉᔨᐦᑕᒧᐎᓐ᙮

Colossians 2:3 Iomraidhean Croise

Matthew 10:26

“Mikw maak ekaawii kushtaahkuch awenichii. Wesh an chekwaan ekaa kaa nuukuhch chika nuukuhtaakanuu anite e waashtech. Misiwe chekwaan chiimuut kaa ihtuutaakanuuhch chika chischeyihtaakun.

Luke 11:49

Eukw maak wehchi itwet kaa kachehtaaweyihtahk Chishemanituu, ‘Nika itishahamuwaauch anichii iinuuch uchischiwehiichesuuh, kaye apastalh. Mikw maak chika nipaheuch pasch, kaye kutak chika nanehkaachiheuch.’ Eukw maak kaa ispayiyich uyuu kaa itwet Chishemanituu.

Romans 11:33

Naashch taapwe miyeyihtaakusuu Chishemanituu. Taapwe kachehtaaweyihtam kaye misiwe chekwaayuu chischeyihtam. Iskutak weyeyihtahk chekwaayuu namui mitun aweyuuh chii wiihtamiyuuh chekwaayuu anite wehchi ishi wiyeyihtahk aniyuu chekwaayuu. Namui aweyuuh chii miyu chischeyihtamiyuuh taan e ihtit.

1 Corinthians 1:24

Chiyaanuu maak wii Chishemanituu kaa wiyaapamitahkw, taapishkun Jewa e itiskaanesiihkw kaye Greek kaa itiskaanesiihkw, chitaapwehtenaanuu uu Christ eukw Chishemanituu usuuhkaatisiiwin kaye ukachehtaaweyihtamuwin.

1 Corinthians 1:30

Wiya Chishemanituu chii nihiipayihtaau chechii wiicheumekw Jesus Christ. Jesus maak e ihtaat uhchi ekute wehchi ayaayihkw kachehtaaweyihtamuwin, kaye kuiskutaatisiiwin, kaye payehchi pimaatisiiwin, kaye maak pimaachihiikusiiwin.

Ephesians 1:8

Nuwach taapwe mistahii chichii shaweyimikunuu.

Colossians 1:19

Wesh Chishemanituu chii naheyihtam tekash chechii piihchishkuwaat Jesus chechii nispitaakut.

Colossians 1:28

Ekw maak misiwe awen e aayimuutamuwachiht Christ. Misiwe maak kachehtaaweyihtamuwin kaa ishi miikuuyaahch nitayaakwaamimaanaanich taan aniyuuh ekaa chipaa uhchi ihtuuch kaye suuhk niwii chischeyihtamihaanaanich taan aniyuuh chipaa ihtuuch. Uyuu maak e ihtuutuwachihtwaau eukw uyuu anite Chishemanituu ishi e ihtaayich chechii ituhtahiichihtwaau mitun e chiishi nihtaauchitwaau anite Christ ishi e ihtaayich.

Colossians 1:9

Iishpin maak kaa pechi itaachimushtaakuyaahch Epaphras misiwe uyuu taan kaa ishi chischeyihtamihiitaakw Chishemanituu chipimaatisiiwiniwaahch muush chitayimiheshtamaatinaan. Namui nipuuniinaan e ayimiheshtamaataahch. Muush nitutamuwaanaan Chishemanituu tekash chechii chischeyihtamuwekw utiteyihtamuwin. Mitun tekash chechii ayaayekw kachehtaaweyihtamuwin ekw maak nishituhtamuwin taan aniyuuh e ishi miiwet Payehchi Ahchaahkw chechii chischeyihtamekw uu.

Colossians 3:16

Muush maamituneyihtamihiikuwaahkw misiwe kaa ishi aayimuutamaataakw Christ, chitehiiwaahch e kanuweyihtamuwekw. Suuhk wii kachehtaaweyihtamukw e chiskutamaatuyekw kaye e kacheschimituyekw. Chitehiiwaahch uhchi nikamuushtuwaahkw Chishemanituu. Nanaaskumaahkw e nikamuushtuwekw ayimiheu nikamuwinh, David unikamuwinh ekw maak taan e ishi miitaakw kaa payehchisiit ahchaahkw nikamuwinh.

Colossians 3:3

Wesh taapaa ekw ihtakun aniyene kaa chii ishi pimaatisiyekw. Kaachisteuh chihchiwe chipimaatisiiwinawaauh anite Chishemanituu e ihtaat e wiichichewekw Christ.

2 Peter 1:5

E waapahtamekw maak uu kaa ishpish wesa chii miyutuutamaakuyihkw, suuhk kuchihtaakw kuiskutaatisiiwin chechii nuukuhch an e taapwehtamekw. Ekw maak chikuiskutaatisiiwiniwaahch suuhk che wii ati ayaayekw chischeyihtamuwin, wetaach che wii miyu chischeyimekw Chishemanituu kaye utayimuwin wetaach che wii ati miyuu chischeyihtamuwekw.

Revelation 2:17

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh. Anichii che shaakuuchihtaawaakwenich taan che ishi kakwechihiikutwaau machi chekwaayuu nika ashamaauch aniyuu kihchikiishikw aaihkunaauh kaa kaayaakanuyich. Nika miyaauch asinii e waapaapischisiyich anit mesinaateyich e uskaayich ishinihkaasuwiniyuu. Namui maak awen chischeyihtam uyuu ishinihkaasuwiniyuu mikw an awen che miyaakanuukwe eukun che chischeyihtahk.”