ᐊᐸᔅᑕᓚᒡ 8:1 - Chishemanituu Utayimuwin: Kaa Uskaach Testament

¹ Saul maak chii miyeyihtam e chii nipahaakanuyich Stephen. Aniyuu maak e peyakuniyich e chiishikaayich anichii umaamuuayimihaauch anite Jerusalemihch ekut kaa uhchi chihchi nanehkaachihaakanuutwaau. Eukw uyuu wehchii nakatahkwaau Jerusalemiyuu ekw anite Judeahch ekw anite Samariahch kaa nituu wiichitwaau. Mikw anichii apastalach ekut yaapach kaa ihtaatwaau wiyawaau anit Jerusalemihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᔂᓪ ᒫᒃ ᒌ ᒥᔦᔨᐦᑕᒻ ᐁ ᒌ ᓂᐸᐦᐋᑲᓄᔨᒡ ᔅᑏᕙᓐ᙮ ᐊᓂᔫ ᒫᒃ ᐁ ᐯᔭᑯᓂᔨᒡ ᐁ ᒌᔑᑳᔨᒡ ᐊᓂᒌ ᐅᒫᒨᐊᔨᒥᐦᐋᐅᒡ ᐊᓂᑌ ᒉᕉᓴᓚᒥᐦᒡ ᐁᑯᑦ ᑳ ᐅᐦᒋ ᒋᐦᒋ ᓇᓀᐦᑳᒋᐦᐋᑲᓅᑣᐤ᙮ ᐁᐅᒄ ᐅᔫ ᐌᐦᒌ ᓇᑲᑕᐦᒀᐤ ᒉᕉᓴᓚᒥᔫ ᐁᒄ ᐊᓂᑌ ᒎᑎᔭᐦᒡ ᐁᒄ ᐊᓂᑌ ᓴᒣᕆᔮᐦᒡ ᑳ ᓂᑑ ᐐᒋᑣᐤ᙮ ᒥᒄ ᐊᓂᒌ ᐊᐸᔅᑕᓚᒡ ᐁᑯᑦ ᔮᐸᒡ ᑳ ᐃᐦᑖᑣᐤ ᐎᔭᐙᐤ ᐊᓂᑦ ᒉᕉᓴᓚᒥᐦᒡ᙮

ᐊᐸᔅᑕᓚᒡ 8:1 Iomraidhean Croise

Matthew 22:6

Ekw anichii kutakach kaa maakunaatwaau aniyuu utaapachihaakaniyuu aniyuu chisheuchimaau ekw kaa kusiihkuwaatwaau, kaa ati nipahaatwaau.

Matthew 23:34

Ekw Jesus kaa itaat, “Eukw maak uu wehchi ititakuch, nika pechi itishahwaauch anichii uchischiwehiichesuuch kaye anichii kaa kachehtaaweyihtahkwaau kaye kaa chiskutamaachetwaau wiishuwewiniyuu. Yaapach maak wesh ekun che ishinaakusiyekw e nanipahekuch pasch, kutakach e chiistaaskuhwekuch asiteyaahtikuhch kaye kutakach e papasistehwekuch anite chichisheayimiheukamikuwaahch, kaye nanaahkuu ihtaawinihch e itaamuhcheyekw.

Matthew 5:13

“Chiyawaau eukw siiuhtaakan utah aschiihch. Ekaa maak e ati wiyaahpachispukuhch siiuhtaakan, namui ihtakun taanite chechii ihtuutaakanuuhch muyaam chechii ispakuhch. Namui maak wiyesh chika chii itaapatan, ekush maak kata wepinikanuu, ekw maak che taahtahkushkaataakanuuhch.”

John 15:20

Che chischisiyekw taan kaa ititakuch, ‘Namui ihtaau aapachihaakan uste e uchimaaweyihtaakusit e iteyihtaakusiyich uchimaam.’ Chiishpin kaa nanehkaachihiiwaakwenich kaye chiyawaau chika nanehkaachihiikuwaauch. Kaa nanihiihtamuwaakwenich taan kaa ishi aayimuutamuukwaau chika nanihiihtamuch kaye chiyawaau taan che ishi aayimuutamuwekuch.

John 16:2

Uchii Jewa iinuuch chika wiiwiitisinikuwaauch utayimiheukamikuwaahch. Ehe, chek taapwe chika utihchipayuu awen nipahiitaakwe che iteyihtahk Chishemanituu e wiichihaat.

ᐊᐸᔅᑕᓚᒡ 1:8

Chika saakaschineshkaakunaawaau suuhkaatisiiwin, iskutak Kaa payehchisiit Ahchaahkw chii utihtikuyekwe. Ekw maak che papaamaachimiyekw anite Jerusalemihch, misiwe Judea aschiihch, Samariahch kaye misiwe e ispichiskamikaach aschii.”

ᐊᐸᔅᑕᓚᒡ 13:1

Anit maak Antiochihch kaa ihtaatwaau umaamuuayimihaauch chii ihtaauch anit uchischiwehiichesuuch kaye kaa chiskutamaachetwaau. Eukw uchii, Barnabas ekw maak Simeon kaa wiipiset kaa ishinihkaataakanuut ekw maak Lucius, Cyrene kaa uhchiit, kaye Manaen an kaa asich nihtaauchinaakanuut Chisheuchimaau Herod kaa nihtaauchinaakanuyich ekw maak Saul.

ᐊᐸᔅᑕᓚᒡ 13:36

Wesh David chii atushkuweu Chishemanituu kaye muush chii ihtuutamuweu Chishemanituu utiteyihtamuwiniyuu kaa ishpish pimaatisiit. Ekw kaa nipit, kaa chiskahaakanuut anite kaa chiskahaakanuyich aniyaanaa uwaahkumaakan, wiiyuu maak chii nanaayuupayiniyuu.

ᐊᐸᔅᑕᓚᒡ 2:47

Muush chii maamihchimeuch Utipeyihchikeu. Misiwe maak aweyuu chii miyeyimikuuch. Meshikum chiishikaauh maak chii ati mihchetiyuu aweyuu Chishemanituu e pimaachihaat.

ᐊᐸᔅᑕᓚᒡ 22:20

Kaye maak iskutak kaa nipahaakanuut Stephen aniyuu e tipaachimisk uhchi, kaye niya nichii ihtaan anit. Nichii naheyihten aniyuu e chii ihtuutawaakanuut kaye nichii kanuweyihtamuwaan utakuhpuwaau anichii kaa nipahaatwaau Stephen.’

ᐊᐸᔅᑕᓚᒡ 26:10

Eukuu kaa ihtiyaan anite Jerusalemihch. Anichii kaa niikaanapitwaau ayimiheuchimaauch nichii miikuch chechii maakunamach aniyuu aweyuuh kaa taapwehtamiitwaauh kaye chechii chipahwaakanuyich. Iskutak maak e itashuwaataakanuutwaau anichii kaa taapwehtahkwaau chechii nipahaakanuutwaau ekun kaa ishi niskumuyaan kaye niya.

ᐊᐸᔅᑕᓚᒡ 5:18

Chii maakuneuch ekw kaa piihtakahaatwaau anite chipahutuukamikuhch.

ᐊᐸᔅᑕᓚᒡ 5:20

“Maachiikw nete nituu ituhtekw chisheayimiheukamikuhch, che waawiihtamuwekuch misiwe awenichii uyuu kaa uskaayich pimaatisiiwiniyuu.”

ᐊᐸᔅᑕᓚᒡ 5:33

Iskutak maak piyehtahkwaau uyuu anichii kaa nishtuwiitwaau an kaa niikaaniit chisheayimiheuchimaau kaye aniyuu kaa wiichihiikut chii mista chishuwaasuuch, ekw kaa kakweteyihtahkwaau chechii itwetwaau chechii nipahaakanuyich uyuu apastalh.

ᐊᐸᔅᑕᓚᒡ 5:40

Anichii maak naapeuch kaa nishtuwiitwaau chii pishichiheuch aniyuu Gamaliel uyuu kaa itweyich. Ekw kaa wiishaamaatwaau aniyuu apastalh, ekw kaa itwetwaau chechii papasistehwaakanuyich, kaye chii itashumeuch ekaa miin wiiskaat chechii waawiihtahkwaau Jesus utishinihkaasuwiniyuu, ekw kaa pachishtinaatwaau.

ᐊᐸᔅᑕᓚᒡ 7:38

Eukw uu Moses chii ihtaau kaye wiya anite pakwaatiskamikaahch mekwaach kaa ihtaatwaau anite anichii weskach chitiiniiminuuch. Kaye maak chii ihtaau anite Sinai wachiihch Sinai anit kaa ayimihiikut enchil. Wiya Moses chii miyaakanuu chechii aashuuwiihtamaatahkw Chishemanituu utayimuwiniyuu an ekaa wiiskaat che puunipayihch.”

ᐊᐸᔅᑕᓚᒡ 7:54

Iskutak maak anichii kaa nishtuwiitwaau kaa pehtawaatwaau aniyuu Stephen uyuu e itweyich, chii mistachishuwaahiikuuch.

ᐊᐸᔅᑕᓚᒡ 7:58

Ekw kaa wiiwiitishihwaatwaau anit aniyuu ihtaawiniyuu ekw kaa wii nipahaatwaau e paahpimusinaatahwaatwaau. Anichii maak kaa pehtawaatwaau taan kaa itweyich Stephen chii nakatamuch utakuhpiwaauh chechii naanaakachihtaayich uschiniichuu Saul e ishinihkaasuyich.

ᐊᐸᔅᑕᓚᒡ 8:14

Iskutak maak anichii apastalach anite Jerusalemihch kaa ihtaatwaau, piyehtahkwaau aniyuu iinuu anite Samaria kaa ihtaayich e taapwehtamiyich Chishemanituu utayimuwiniyuu, chii itishahuweuch Peter ekw maak John anite.

ᐊᐸᔅᑕᓚᒡ 8:2

Pasch maak e ayimihewaatisiitwaau naapeuch chii nituu nahiihkuweuch Stephen, suuhk e maatutwaau.

ᐊᐸᔅᑕᓚᒡ 8:4

Anichii maak kaa taapwehtahkwaau kaa ushimutwaau Jerusalemihch, misiwe chii papaaituhteuch e waawiihtahkwaau miywaachimuwiniyuu.

ᐊᐸᔅᑕᓚᒡ 8:5

Philip maak, chii ituhteu ihtaawiniyuu anite Samaria aschiihch e ihtakuniyich. Ekw kaa waawiihtamuwaat aniyuu iinuu, Jesus, e aawiyich Christ.

ᐊᐸᔅᑕᓚᒡ 9:31

Anichii maak umaamuuayimihaauch misiwe anite aniyuuh aschiih kaa ihtaatwaau Judea kaye Galilee ekw maak Samaria kaa ishinihkaateyikwaauh, weipishchiish namui uhchi nanehkaachihaakanuuch. Chii chisteyimeuch Utipeyihchikeu uchii iinuuch kaye wetaach chii ati yaaichikaapuuch kaye wetaach chii ati mihchetuuch wesh Kaa payehchisiyich Ahchaahkwa chii wiichihiikuuch.

Romans 1:32

Aat e chischeyihtahkwaau Chishemanituuh e chii wiyeyihtamiyich taapwe e iteyihtaakuniyich chechii nipiyich aniyuuh aweyuuh uyuu kaa ishi machi pimaatisiyich yaapach etituu ihtuuch wiyawaau taan waa ihtitwaau. Namui maak mikw uyuu ihtuuch, naniheyihtamihiikuuch eyuu aniyuuh aweyuuh uyuu e ishi machi pimaatisiyich.

Philippians 1:12

Niichishaanitikw chinitaweyimitinaawaau chechii chischeyihtamekw uu kaa ispayaan e chipahukuyaan taapwe chii ati wiichihiikuuch kutakach awenichii chechii ati taapwehtahkwaau miywaachimuwiniyuu.

Hebrews 11:27

Moses maak e chii taapweyimaat Chishemanituu chii wiyeyihtam chechii nakatahk Egypt aschiiyuu ekaa uhchi kushtaachit, aat e chii mista chishuwaasiyich chisheuchimaauh. Moses naashch taapwe chii siipiiwesuu mwehch mitun e waapamaat Chishemanituu, aniyuu ekaa wiiskaat uhchi waapamikuyich naapeuh ekun kaa ishi pimaatisiit Moses.