ᐊᐸᔅᑕᓚᒡ 7:8 - Chishemanituu Utayimuwin: Kaa Uskaach Testament

⁸ Ekw Stephen miin kaa ati itwet, “Ekw maak Chishemanituu kaa usihtuwaat aniyaa Abraham niskumuwiniyuu, uu maak niskumuwin chechii uhchi nuukuhtaakanuuhch, chii chischinuwaachishwaakanuuch naapeshach. Ekw maak aniyaa Abraham kaa chischinuwaachishwaat ukusisa Isaac iskutak yaanaaneu chiishikaau kaa ishpish pimaatisiyich. Isaac maak eukw uyuu Jacob kaa uhtaawiyit. Jacob maak chii niishushaapuyuu ukusisa. Eukunich uchii niishushaap kaa chisteyihtaakusitwaau chitaanische uhtaawiinuuch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐁᒄ ᔅᑏᕙᓐ ᒦᓐ ᑳ ᐊᑎ ᐃᑗᑦ, ᐁᒄ ᒫᒃ ᒋᔐᒪᓂᑑ ᑳ ᐅᓯᐦᑐᐙᑦ ᐊᓂᔮ ᐁᑉᕋᐦᐊᒻ ᓂᔅᑯᒧᐎᓂᔫ, ᐆ ᒫᒃ ᓂᔅᑯᒧᐎᓐ ᒉᒌ ᐅᐦᒋ ᓅᑯᐦᑖᑲᓅᐦᒡ, ᒌ ᒋᔅᒋᓄᐙᒋᔣᑲᓅᒡ ᓈᐯᔕᒡ᙮ ᐁᒄ ᒫᒃ ᐊᓂᔮ ᐁᑉᕋᐦᐊᒻ ᑳ ᒋᔅᒋᓄᐙᒋᔣᑦ ᐅᑯᓯᓴ ᐊᐃᓴᒃ ᐃᔅᑯᑕᒃ ᔮᓈᓀᐤ ᒌᔑᑳᐤ ᑳ ᐃᔥᐱᔥ ᐱᒫᑎᓯᔨᒡ᙮ ᐊᐃᓴᒃ ᒫᒃ ᐁᐅᒄ ᐅᔫ ᒉᑲᑉ ᑳ ᐅᐦᑖᐎᔨᑦ᙮ ᒉᑲᑉ ᒫᒃ ᒌ ᓃᔓᔖᐳᔫ ᐅᑯᓯᓴ᙮ ᐁᐅᑯᓂᒡ ᐅᒌ ᓃᔓᔖᑉ ᑳ ᒋᔅᑌᔨᐦᑖᑯᓯᑣᐤ ᒋᑖᓂᔅᒉ ᐅᐦᑖᐐᓅᒡ᙮

ᐊᐸᔅᑕᓚᒡ 7:8 Iomraidhean Croise

Matthew 1:2

Abraham maak Isaac chii ukusisuu, ekw maak Isaac Jacob chii ukusisuu, Jacob maak Judah chii ukusisuu ekw maak aniyuu wiichishaaniyuuh,

John 7:22

Moses chii itashuweche chechii ihtuutaakanuyich aniyuu wiishuwewiniyuu kaa itashteyich chechii chischinuwaachishwaakanuyich naapesha mekwaach e apishiishiyich. Namayeu maak Moses niishtam kaa pachishtinahk aniyuu wiishuwewiniyuu, shaash anite weskach chiwaahkumaakanuuch ekun uyuu wiishuwewiniyuu kaa ayaatwaau. Yaapach maak chichischinuwaachishwaawaauch naapeshach e utihchipayiyich uyuu chechii ihtuutuwaakanuutwaau aat mekwaach e Jewa ayimiheuchiishikaayich.

ᐊᐸᔅᑕᓚᒡ 2:29

Ekw Peter miin kaa ati itwet, “Niichishaanitikw, nicheshtinaahun aniyaa chisheuchimaau David namui wiya uhchi aayimuumisuu uyuu kaa ishi ayimit, wesh chii nipuu wiya kaye chii nahiihkuwaakanuu. Aniyuu maak anit kaa chiskahaakanuut eshkw chichischeyihtamuwaanuu taanite e ihtakuniyich.

Romans 4:10

Taaishpish maak kaa itaachimaakanuut uyeyuu Abraham, eshkw aa ekaa uhchi chischinuwaachishwaakanuut maak shaash e chii chischinuwaachishwaakanuut. Eshkw ekaa uhchi chischinuwaachishwaakanuut ekut kaa itaachimaakanuut uyeyuu, namui wii paatish kaa chischinuwaachishwaakanuut.

Galatians 3:15

Niichishaanitikw, chiwii aayimuutamaatinaawaau chekwaan e ihtinaanuuhch utah aschiihch chechii nisituhtamekw taan waa ishi wiihtamaatakuch. Niishu awenichii e ihtakuniyich e ishi niskumutwaau chekwaayuu taapishkun masinahusuuch. Namui maak chika chii piikunamuch aniyuu. Namui kaye chika chii ayihchistaauch taan kaa itashtaatwaau anit.

Galatians 3:17

Maau waa itweyaan. Chishemanituu chii wiihtamuweu Abraham taan eshkw che ishi ashutamuwaat, newaau mitaahtumitanuu miin Nishtumitanuu pipunh maak paatimaa ekw kaa ihtakuhch Jewa ayimiheu wiishuwewin. Uu maak wiishuwewin namui kata chii miiskuchishkaachemakan aniyuu taan kaa ishi niskumaakanuut Abraham, namui kata chii ishinaakuniyuu ekaa chechii aapataniyich aniyuu taan kaa ishi ashutamuwaakanuut.

Hebrews 7:4

Maamituneyimaataau aahch e ishpish chisteyihtaakusit uu Melchizedek. Aat kaa ishpish chisteyihtaakusit aniyaa kuuhtaawiinuu Abraham yaapach chii miyeu Melchizedek pasch aniyuu taan wiya kaa ishi wiihkuhtaat.