Biblia Todo Logo
Bìoball air-loidhne

- Sanasan -




ᐊᐸᔅᑕᓚᒡ 7:2 - Chishemanituu Utayimuwin: Kaa Uskaach Testament

2 Ekw Stephen kaa itaat, “Niichishaanitikw kaye uhtaawiimaautikw. Pechi nituhtuukw. Chishemanituu kaa chisteyihtaakusit chii nuukushiishtaweu weskach aniyaa kuuhtaawiinuuh Abraham mekwaach kaa wiichiyich anite Mesopotamia aschiihch, eshkw ekaa Haran kaa ishinihkaateyich ihtaawiniyuu uhchi ishi aahtucheyich.

Faic an caibideil Dèan lethbhreac

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

2 ᐁᒄ ᔅᑏᕙᓐ ᑳ ᐃᑖᑦ, ᓃᒋᔖᓂᑎᒄ ᑲᔦ ᐅᐦᑖᐐᒫᐅᑎᒄ᙮ ᐯᒋ ᓂᑐᐦᑑᒄ᙮ ᒋᔐᒪᓂᑑ ᑳ ᒋᔅᑌᔨᐦᑖᑯᓯᑦ ᒌ ᓅᑯᔒᔥᑕᐌᐤ ᐌᔅᑲᒡ ᐊᓂᔮ ᑰᐦᑖᐐᓅᐦ ᐁᑉᕋᐦᐊᒻ ᒣᒀᒡ ᑳ ᐐᒋᔨᒡ ᐊᓂᑌ ᒣᓴᑆᑌᒥᔭ ᐊᔅᒌᐦᒡ, ᐁᔥᒄ ᐁᑳ ᐦᐁᕋᓐ ᑳ ᐃᔑᓂᐦᑳᑌᔨᒡ ᐃᐦᑖᐎᓂᔫ ᐅᐦᒋ ᐃᔑ ᐋᐦᑐᒉᔨᒡ᙮

Faic an caibideil Dèan lethbhreac




ᐊᐸᔅᑕᓚᒡ 7:2
29 Iomraidhean Croise  

Ekaawii maak ituhtahiinaan anite chechii kakwechihiikuyaahch. Pechi kanuweyiminaan taan waa ishi kakwechihiikuyaahch machimanituu. Wesh chiya chitipiyeusiyin chuuchimaawin kaye chiya chitayaan suuhkaatisiiwin kaye chisteyihtaakusuwin kaachiche kaye kaachiche. Eukw maak uyuu Jesus kaa ishi chiskutamaachet che ishi ayimihaanuyich.”


“Chisteyimaahkw Chishemanituu maauch ishpimihch kaa ihtaat. Chika miyaakanuuch chiyaameyihtamuwiniyuu anichii kaa naniheyihtamihaatwaau Chishemanituu utah aschiihch.”


An maak Ayimuwin iinuu chii ishinaakuhaakanuu. An kaa saakaschineshkaakut chishewaatisiiwiniyuu kaye taapwewiniyuu, chichii wiichimikunuu utah aschiihch. Chichii waapamaanuu maak e chisteyihtaakusit mwehch e ishpish chisteyihtaakusiyich Chishemanituuh aniyuuh Uhtaawiih wesh wiya mikw peyakushuu e Ukusiitutaakut Chishemanituu.


Isaiah chii iteu uyuu wesh chii waapahtamuweu Jesus uchisteyihtaakusuwiniyuu, ekw maak kaa aayimuumaat.


Paul chii iteu, “Niichishaanitikw ekw maak chiyawaau chisheinuutikw, pechi nituhtuukw kuiskw e wii wiihtamaan ekaa wiyesh ishi aataameyihtaakusiyaan.”


Iskutak maak uyuu kaa itwet Paul, anichii Phariseech ekw maak anichii Sadduceech chii chihchi machipayuuch, wesh taapaa peyakunihch uhchi ishi taapwehtamuch uyuu.


Ekw maak an chisheayimiheuchimaau kaa kakwechimaat Stephen e itaat, “Taapweuch aa taan e itaachimiskwaau.”


Namui maak waawaach peyakw anichii kaa uchimaautwaau utah aschiihch uhchi nisihtuhtamuch uyuu kachehtaaweyihtamuwiniyuu wesh taapaa chipaa uhchi chiistaaskuhweuch aniyuu Utipeyihchikeuh maauch kaa chisteyihtaakusiyich chii chischeyihtamuwaakupanenich.


Ninitutamuwaau Chishemanituu Chitipeyihchikeminuu Jesus Christ Uhtaawii an maauch kaa chisteyihtaakusit chechii miitaakw Utahchaahkwa aniyuuh che kachehtaaweyihtamihiitaakw kaye che chischeyihtamihiitaakw taanite chechii uhchi chischeyimekw Chishemanituu.


Eukuu e ishi pimaatisiihkw e ashuwaapahtamuhkw cheshtinaash che ispayihch an e shaweyihtaakuhch e chiishikaach che takushihk an kaa suuhkaatisiit Chishemanituu kaye chipimaachihiiweminuu Jesus Christ e pechi nuukusit uchisteyihtaakusuwinihch.


An Ukusisimaau e ihtaat ekut wehchi chischeyihtaakuniyich Chishemanituu uchisteyihtaakusuwin, kaye Ukusisimaau tekash nispituweu taan e iteyihtaakusiyich. Wiya Ukusisimaau uchimaahkahtam aschiiyuu kaye misiwe chekwaayuu ishpimihch kaa ihtakuniyich. Utayimuwin kaa suuhcheyihtaakuniyich uhchi uchimaahkahtam misiwe uyuu. Chii pachishteyimitisuu chechii nipahaakanuut chechii uhchi payehchihaakanuyich aweyuuh e wepeyihtamuwaakanuyich umachihtwaawiniyuuh. Iskutak kaa chiishihtaat uyuu kaa ishi pachishteyimitisut ekw kaa waweyapihaakanuut anite unihiiwiniih Chishemanituu e ihtaayich aniyuu maauch e ispeyihtaakusiyich kihchikiishikuhch.


Abraham kaye chii taapweyimeu Chishemanituu. Eukw aniyuu wehchii nanihiihtuwaat iskutak kaa tepwaatikut kaye kaa itikut chechii nakatahk aniyuu aschiiyuu anit kaa uhchiit anite chechii ituhtet aniyuu aschiiyuu kaa itikut Chishemanituu che miikut wiya chechii ayaat. Abraham maak chii nanihiihtam, tiiwehch chii chistuhteu aat ekaa eshkw uhchi chischeyihtahk taanite nihaau chipaa ituhteu.


Niichishaanitikw, e taapweyimekw Utipeyihchikeu Jesus Christ an maauch chesteyihtaakusit, ekaawii aatuweyimaahkw awen, misiwe awen peyakunihch chipaa iteyimaawaau.


“Chiya Nitipeyihchikeminaan kaye Nichishemanituuminaan kaa atushkaataahch chitepicheyihtaakusin chechii chisteyihtaakuhiikuyin kaye chechii chishtaachimikuyin kaye chechii maamihchimikuyin e ishpish suuhkaatisiyin. Wesh chiya misiwe chekwaan chichii ushihtaan. Chiya chichii iteyihten chechii ihtakuhch misiwe chekwaan kaa ihtakuhch ekw maak misiwe kaa ushihtaayin.”


Lean sinn:

Sanasan


Sanasan